再見 Rainy day

尋尋覓覓,冷冷清清,淒淒慘慘戚戚...

星期二, 1月 31, 2006

天使蛋白蛋糕




由於整 cheese cake 用剩 6 個蛋白,所以就整o左呢個蛋白蛋糕~

冇牛油成份o既蛋白蛋糕,夠健康!

( 食譜來源: http://www.leisure-cat.com/frm_1251.htm )

材料︰( 7" 直徑中空模 )
低筋麵粉 半杯
幼沙糖 1/2杯
鹽 1/8 茶匙
蛋白 (雪凍) 6只
水 半湯匙
檸檬汁 半湯匙
他他粉 1/2 茶匙

做法: (模內不用掃油,就咁焗個蛋糕一定會爆口,唔想爆口可以加水落焗盤度焗。)

1) 蛋白打至 6 成,逐少加入砂糖、鹽、檸檬汁、水、他他粉,然後打起蛋白。

2) 篩入低粉,拌勻。

3) 175 度 焗 20 分鐘,出爐後要倒扣放涼。

由於冇油,脫模有o的困難,要用手指輕按邊邊 (或用竹簽輕挑)幫助脫模~

香濃烘焗芝士餅 (Rich flavour baked cheesecake)


由 於我個係平焗爐,爐火唔均勻,所以糕面顏色(受熱程度)亦不同~

牛油餅底 (餅底食譜來自 "芝士蛋糕的誘惑")
材料: (3 個 6" 餅底份量)
低筋麵粉 200 g
糖 50 g
牛油 100 g
蛋黃 2 隻

造法:
1) 牛油隔水座溶,篩入糖、低粉
2) 拌勻後,加入蛋黃
3) 將之用手揉成軟麵糰
4) 將麵糰分成 3 份,用麵棍輾到適當厚度 (約 1/2 cm),墊模底
5) 200度預熱焗爐,用 175 度焗 10 - 15 分鐘
6) 放涼即成

芝士餅面

材料: (3 個 6" 模用 份量)
忌廉芝士 1000 g
牛油 200 g (隔熱水座溶)
糖 200 g
蛋 6 隻
檸檬汁 3 茶匙
檸檬青 1 - 1.1/2 茶匙

做法:
1) 忌廉芝士 加 糖 拌勻,直至看不到糖粒。
2) 蛋分 5 次加入芝士料,拌勻。
3) 加入 檸檬汁 及 檸檬青,再加入已溶牛油
4) 完全攪勻後可分別倒入 3 個 6" 模內~
5) 用 180 度 焗 25 分鐘,再用 200 度焗 10 分鐘,直至面呈金黃色便可出爐。

朱古力慕士 (chocolate mousse)


朱古力 300 g (我用 黑朱古力 + 牛奶朱古力 各半)
牛奶 120 ml
魚膠片 2 片
清水 1/2 杯
淡忌廉 (whipping cream) 500 g

做法:

1) 朱古力 + 牛奶 隔水加熱,溶成朱古力奶

2) 魚膠片 2 片 用 清水 1/2 杯 隔熱水浸溶

3) 淡忌廉 打起

4) 將魚膠水 與 朱古力奶 混合,待涼後用。

5) 將已打起之淡忌廉 倒入已涼之朱古力奶 內拌勻

6) 雪涷便可享用~~

星期一, 1月 30, 2006

大年初二的水仙花



我種o既水仙o係大年初一、二發揮到佢o既功用~~

呢度一棵o乍!但都 ok 呀!好多花~
仲有好多花蕾未開~


年廿九o個晚,我o係板樟堂逛行時,
見到有舞獅 & 財神~
一見財神就知實有利是派啦~
我當然第一時間走去討利是...
當我幾經艱辛咁派到利是落我隻手,有個賤人竟然想從我手上搶去利是...
我當然唔會放手,經過一輪搶奪之後,我終於搶番根本屬於我o既利是~~!
雖然利是只係 2 毫子!
但個意義係最重要!

跟住就同幾個朋友去黑沙食燒烤,食到 2 點幾...
有人提議去"金沙"發新年財,於是我地一行人就去...
入到去佢地話每人夾 $ 100- 玩 21 點~
叫我坐落去,咁我根本唔識玩,於是被搖控地玩...
贏o下贏o下...根住又輸少少,又贏o下...
結果我個人贏o左 $ 1,100-
超開心!
果然財神爺好關照~~ :p

星期五, 1月 27, 2006

放飛機

好鬼嬲!
本來我今日去 HK 的~
結果俾人放飛機!
嬲死我 !!!

星期三, 1月 25, 2006

經屋

今晚睇澳廣視新聞,原來經屋去年只售出 3xx 個單位,
而氹仔居屋只有 13x 個單位出售~
回想也覺幸運!
我的籌號是 27~
雖然只能揀後座~
但也覺心滿意足!
忍不住又想講番句:係黃金地段呢! :D

隨想

轉眼又年尾,今年做過甚麼事?
我已毫無記憶...
我是一個沒有目標、沒有理想的人...
終日無所事事,喜歡吃喝、不求上進...
當身邊的人不斷為理想而努力進修,我郤每晚與棉被廝磨看電視...

看!我就是這樣子的一個人!
優哉悠哉的小女人!

星期日, 1月 22, 2006

鯉魚年糕





今日整o左 錦鯉年糕...
俾個 fd 話我梗係未見過錦鋰,人地o的錦鋰係一撻撻色,唔係咁...
話我整o既係 金魚 喎!
超唔開心... :(
我整o左成大半日...

星期五, 1月 20, 2006

又下雨了...

灰暗的天空、無止的雨水,正是現在街外的情景...

又下雨了!

春天霧濕的天氣輾轉浮現,那種濕漉的感覺令人疙瘩...

也影響了我的心情...

還是晴朗的明澄天空適合多愁善感的我...

期望那天早日到來,驅走內心的陰霾...

星期四, 1月 19, 2006

六旬富婆拿出20萬欲整容 想變成30歲少婦嫁網友

愛情,由三到八十歲 皆嚮往之~~
又一實證...

日前,一名來自沈陽、身價千萬的六旬富婆李萍(化名)來到大坪醫院,出價20萬元請求醫生給她整形,將她變成少婦。

李某自稱,她隱瞞真實年齡與35歲的網友網戀上了,她迫切希望以此能早日見到心上人,繼而結婚。

該院整形醫學博士大談美學,經過3個多小時的交流,老太終於放棄整容的想法。

給20萬要整容年輕30歲

“我姓李,專門從沈陽市來找你的。我想請你幫忙讓我再年輕30歲……

我準備拿出20萬進行全面整形!”

1月11日下午,一位兩鬢銀白、氣質高雅的婦女來到大坪醫院美容科楊西川博士的辦公室,一邊向楊博士亮出身份證一邊自我介紹,她說她從網上得知楊博士是留美歸來的整形專家。

吃驚不小的楊博士告訴記者,該婦女幾乎每根手指都戴著明晃晃的鑽戒,服飾華麗,屬於典型的貴婦人形象。

楊博士稱,根據身份證,名為李萍(化名)的婦女出生於1946年,沈陽人。

“我是個典型的完美主義者,酷愛追求完美。”楊博士稱,李萍談起要整容的原因,卻顯得難為情起來。

富婆網戀愛上35歲男子

在楊博士的再三追問下,李萍才吐露出整容嫁網友的初衷。

李稱,她已是擁有上千萬資產的老闆。

35歲時丈夫因病去世,隨後幾次婚姻均失敗。

經過打擊後,她發誓再也不結婚,並開始做小生意。

幾年後,她擁有了自己的公司,追她的男子也很多,但她從沒動過心。

2004年8月,她將公司交給讀完碩士的女兒經營,自己享起了清福,並學會了上網。

在網上,很快與一名35歲的男網友王某網戀上了。

王告訴她,幾年前,因給女友治病一貧如洗,女友還是離開人世,他從此一直單身。

李稱,相同的經歷使他們感情迅速升溫,後來甚至到了談婚論嫁的地步。

她曾試探過王某,但王某表示他要找個和他年齡相當的女子做妻子。

李很痛苦地告訴楊博士,因為年齡懸殊,她根本不敢去和對方見面,網聊時,她只得拿出自己30歲時的照片放在視頻前。

李萍想透過整形將自己變年輕,然後與王某結合,便隱瞞女兒及親人隻身來渝。

專家稱這種手術無法實施


“作為醫生,我希望能為病人雕塑美麗……但是作為60歲的人了,不可能透過整形手術來達到年輕30歲的目的。”

12日上午,當李萍如約來到楊博士辦公室時,楊博士說:“你給再多的錢我都沒法給你做這個手術。”

楊說,受生理機能的限制,不但我無法給你做這個“年輕30歲”的手術,目前,國內任何一個專家都無法滿足你的手術要求。

經過三個多小時的開導,李萍表示自己太天真了,她要忘記這段虛無的愛情經歷。

Today Is Another Day

每一天,淸早起床,又開展新的一天...
不論你 想 與 不想...
我們營營役役,目的都不過是為著"生活"~

生活?何謂生活?
我們都活在自己的世界!
我的世界,換了別人,就是另一個世界...

為甚麼要有白晝和黑夜?
為甚麼要有炎熱和寒冬?
為甚麼要有快樂和傷悲?

因為上天要我們嘗試兩個極端...

星期三, 1月 18, 2006

如果你愛我...

如果 你愛我,你應該顧及我的一切感受;
如果 你愛我,你應該保護我令我不受傷害;
如果 你愛我,你應該思念我於每一分每一秒;
如果 你愛我...

今天晚上,我一個好朋友受到感情上的傷害...
我不懂得安慰別人,只能用心去聆聽她的悲和哀...
我怕我的說話,會剌痛她內心的傷口,
所以我選擇沉默...

期望你快快樂樂,從此無憂...

鴨子...

偶然睇到呢篇文章,覺得蠻有趣的。
p.s. 不要踩到鴨子啊!否則可能會遇上我呢~ :p

三個女人在一場車禍中喪生並且來到了天堂,當他們到了那裡 ,天使聖彼得說:「在天堂裡,我們這裡只有一個規矩,就是千萬不要踩到鴨子。」確認這三個女人了解後,他們進入了天堂。

但是 天堂裡到處都是鴨子,鴨子幾乎多到不可能踩不到。

雖然他們極力避免,但是第一個女人意外的踩到一隻。

這時,天使聖彼得立刻帶著一個這女人一生中從未見過長的極醜陋的男人來到他的面前,並告訴他:「你踩到鴨子的懲罰就是要永遠跟這個醜男人鏈在一起。」

第二天,另外一個女人也不小心的踩到鴨子,這時聖彼得又帶著另一個極其噁心的男人來到她的面前。如同之前那個女人的下場,聖彼得把第二個女人跟他帶來的醜男人綁在一起。

第三個已經發現這個殘酷的結果,而且她不希望永遠跟一個醜陋噁心的男人栓在一起,所以她非常非常小心她的腳步。她戰戰兢兢在未踩到任何鴨子的情況下,平安過了幾個月。

但是有一天,聖彼得來到她的面前並帶著一個前所未見的超級帥男人,這個男人不僅高大壯碩、濃纖和度,而還有一附漂亮的長睫毛。

聖彼得把他們鏈在一起後,沒對那個女人說任何話就走了。

這女人就問跟她鏈在一起的男人:「我很奇怪,為什麼我可以跟你永遠的鏈在一起?」

這個男人說:「我不知道妳的情況是怎樣啦,但是我踩到一隻鴨子。」

後記﹕你在用自己的尺量度別人,同時,也會量度自己嗎?

公平一點吧!

生命的最大成就 在於 發現自己 並 成為自己~

星期二, 1月 17, 2006

等價交換

尋晚我過氹仔,開信箱見到 房屋局 寄o黎o既信,
係我之前申請o既"房屋津貼"批o左,但就要等律師樓攪好張屋契先可以出俾我。
好心律師樓快o的攪張契啦!
都成兩個幾月...

呢o的房屋津貼係一次性津貼,金額係間屋o既一成樓價!
即係 $ 1x,xxx-
代價就係 十二 年內樓宇不得轉讓~
如果唔要呢筆房屋津貼,咁六年後就可出售~

老實講,萬幾蚊,唔要就笨!
正好用o黎買傢電!
反正我間屋係自住,將來要買番呢個區,用多一百萬都買唔到~

房屋局 呢封信有一個好攪笑o既地方,
就係話o係 樓契 做好前會先出"津貼首期"俾我,餘額會o係樓契攪好後先發出...
而我話好笑o既原因係,
呢筆 "津貼首期"o既金額係: $ 500-

我尋晚一路睇封信一路笑!
$ 500- 出o黎做乜oY~~
不如到時一次過出咪仲好~

星期一, 1月 16, 2006

肚瀉

我今朝 4 點幾肚痛痛醒,走去廁所拉肚子...
今日去了 5 次廁所了!
本來今朝諗住去睇醫生,但食o左喇叭牌後又覺得好了點...所以冇睇到醫生!
今朝肚痛到我巒o係被竇度,所以冇返工...

呢幾個星期唔係呢度痛就o個度唔妥,仲睇緊第二樣醫生,今日又肚瀉...好慘! :(

而家又有少少肚痛,唯有食多一次正露丸...
如果再痛就真係要死去睇醫生... =_="

諗番起尋晚,我只係食過魚皮鮫伊麵、油菜、可樂 同埋一杯乳酪...
都冇食過其他o野oY...

星期日, 1月 15, 2006

名牌手袋 菓子玩具...



呢一套女人夢想o既"名牌手袋"菓子玩具,買埋個櫃,三百幾蚊...
雖然有少少浪費金錢,
但 "我愛你" 話:女人一生總要擁有一套,買唔起真都要買套假...
咁又係喎!
雖然我都唔會買呢o的手袋,但擁有一套菓子玩具也不錯呀! 哈~~
阿Q精神! :P

星期六, 1月 14, 2006

茶葉蛋




簡易茶葉蛋 (食譜來源:芝C 喵喵)
材 料 :
10 隻雞蛋

調味料 :
8 粒八角 (我用o左 八角粉,因為唔記得買八角)
2 茶匙 鹽
2 湯匙 老抽 (我用左珠江橋牌)
5 湯匙 生抽 (我用左珠江橋牌)
8 湯匙 普洱茶葉

做 法 :

(1) 把雞蛋放進冷水喉水中烚 8-10 分鐘至全熟(水滾後開蓋細火),取出以冷水喉水浸泡,用匙羹輕輕把蛋殼敲裂(多打幾下)。

(2) 把雞蛋放入鍋中,注入清水至水蓋過雞蛋再多少少,加入調味料拌勻並煮滾,蓋上蓋以慢火煮個半鐘後熄火,浸至少半小時即可!

**(1) 烚蛋時應以冷水下蛋,否則蛋殼會在中途爆裂,溢出蛋白。
(2) 煮好後取一隻試味~如果唔夠味的話,再整碎d個殼再煮多半小時 or 浸過夜!

哈哈~~
我根本未食過茶葉蛋,就學人整!
因為見個食譜簡單,所以就膽粗粗整 10 隻,仲要俾晒人食!哈哈~~

今日蒸o左幾底椰汁年糕俾人,但我試味後發覺唔夠甜!想死!


星期五, 1月 13, 2006

我的辦公室...

呢度就係我做o野o既地方喇~
一個人坐o既房,都算大o架啦~
一個人一間房o既原因,係因為我做o野唯一o既要求係勁冷氣!
而公司個個都怕涷,所以佢地(我老闆同o的阿伯)坐晒o係大房,
我一個人霸間細房。哈哈~~


我張檯係咪好亂呢?哈哈~~

因為我而家埋緊數,年尾嘛!所以特別亂,成檯都係單...

不過其實我檯面一向都咁亂,我老闆將我檯面稱為:垃圾崗! :p


檯面呢棵立體紙桃花,係我今朝返工時經過文具店時見到買o既~

$ 9.8-

過年嘛!順便希望今年旺o下我o的桃花啦~~ :p

睇到嗎?我今日著牛仔褸呢~~

雜說

我尋日又去睇醫生啦!嗚~~
我真係百病纒身!啱啱先好番感冒,而家又有第二樣o野要睇醫生...=="

醫生話可能係我上星期食o左成個星期消炎藥,所以先會誘發另一樣o野出o黎...
我有排要戒口,慘!

尋日有 fd 過 HK,我千叮萬囑佢幫我買 鯉魚年糕模!
佢o係 HK 時仲打o黎問買咩 size (當時佢睇緊),咁即係幫我買o左!
好心急睇o下係咩樣~~ WU~~

我發覺我真係好鍾意整o野食,
如果將來我o既伴侶係為食貓,肯定俾我嘈肥! :p
但唔知點解我淨係鍾意整甜食,對鹹點又冇乜興趣... =="

明日、後日我都會好忙!
因為應承o左人,要整好多底年糕!
咁樣都好o既,咪我就會又百無聊賴~~

星期三, 1月 11, 2006

花不朽...

新屋裡第一樣添置的,是我媽用 $ 2,700- 買的酸枝佛檯,小小的一張檯,要 $ 2,700-!
著實令人咋舌 !!!
其餘家俱將會在這幾個月慢慢添置...
由於是新樓,每次去到樓上樓下均正在裝修...
鑽牆聲不絕於耳、油漆味歷久不散,對面金光大道幾座打樁機在打樁,實在不宜居住。
而且右右隔鄰幾幢新樓,大部份都未開始裝修...
我想半年後入伙,比較適合愛靜的我。

上兩星期,我媽叫她佛堂的師傅幫新屋"灑淨",令到一切邪物絕跡屋內...
說也奇怪!
我媽供奉觀音的花,隔了十天再去,花朵不但沒有枯萎,且開得燦爛!
而花樽內的水,絲毫沒有臭味、花枝也沒有霉爛...
凡是插過花的人也知,普通插花水必需天天更換,否則會發出惡臭!
而花朵插數天後,花枝也會霉爛發臭...

新屋插的不過是我老家常插的康乃馨而已~~
而且新屋密不透風,這些花不腐的怪現象,實在無法用常理解釋...

藥煲

尋晚又 9 點鐘訓覺,愈o黎愈似o的阿婆!
我發覺我無論幾點訓,朝早都唔願起身...

雖然o的西藥食晒,但今日發覺條舌腫,所以決定飲苦茶...
我今日仲係聲沙,不過食西藥食到人都癲...
再係咁落去,我就o黎變 藥煲...

返工好悶!悶到唔想返...
好彩有得上網,咪真係會悶屎!

星期二, 1月 10, 2006

尋晚 9 點未夠我已經冷上床,因為食藥食到我冇晒力,想死咁滯...
說話無力、聲音沙啞、喉乾舌躁、毫無味覺...
真係想就咁訓訓o下就去...

尋日朝早返o左一陣工我已經返o左屋企訓,訓訓訓...
訓到晏畫起身出去買餸,食埋飯洗埋碗,又冷上床訓過...
其實訓唔著,不過咁涷天時,冇地方好得過被竇... :p

星期日, 1月 08, 2006

感冒

那晚到漁人碼頭吹風後,第二天鼻水長流,累我昨天去看醫生...
藥是吃了兩天,可我現在還是聲音沙啞,說話無力...
看來明天還是要再乖乖的奉上$120-再看一次醫生了...=.="

猶記得去年年尾時也是看醫生過年的,因為當時也是十度八度的日子...

年紀愈大,身體愈差!

老媽常催促我小病時快去就診,她的理據是:"你現在還十八廿二麼?你已經"三張o野"了..."

嗚~~

年紀大、機器壞!

{新年預習} 蒸蘿蔔糕~~

瑤柱臘味蘿蔔糕~~

素蘿蔔糕



我係用 鷹粟粉 盒背 之食譜~~

材料:

蘿蔔 2斤 (1200g)
蝦米 1兩
冬菇 1/4 兩 (20g)
臘腸 2條 (80g)
鷹粟粉 4兩 (150g)
粘米粉 2兩 (75g)
水 1.1/2 杯(cup)
蔥 1 條 (切粒)
芫茜 適量炒香
芝麻 適量

調味料:
鹽 1/4 湯匙
雞粉 1 茶匙
油 1 湯匙
椒粉 適量

製法:

1) 蝦米洗淨浸透;冬菇浸透,切粒;臘腸洗浸切粒。 我另外加了瑤柱!
2) 燒鑊加油爆香蝦米、冬菇及臘腸,盛起。
3) 蘿蔔去皮洗淨切幼條,用適量水同煮至蘿蔔軟身盛起。
4) 將蘿蔔之水份,量出 1.1/2 杯份量待涷,將鷹粟粉、粘米粉及調味料倒入開勻,然後下鑊煮杰;
5) 預先將所有材料放入一大碗內,將已煮熱之杰粉糊倒進去,然後趁熱攪勻。
6) 糕盤塗油,將混合物倒入扒平,大火蒸 40 分鐘。
7) 蒸好後以筷子插入糕中,若不沾粉表示已熟,取出後灑上芝麻、芫茜、蔥粒,待涷後切片煎香食用。

藍雨煮食心得:

1) 蝦米、冬菇、瑤柱 用涷水浸過夜至軟,不要貪快用熱水浸,否則會浸淡海味之味道。
2) 用刀將蘿蔔切幼條,比用刨刨絲更有口感~
3) 蘿蔔條 放入大滾水 滾幾分鐘後,熄爐焗透(不要打開煲蓋)。 一小時後已可焗透及呈透明狀...
4) 蒸好之蘿蔔糕必須完全涼透 (或置雪櫃一夜) 才可輕易切片,熱食則會呈稀態,要用匙羮忽食...

星期五, 1月 06, 2006

大北風天到漁人碼頭涷壞我!

昨晚天氣寒冷,我卻走了去漁人碼頭逛逛。
澳門日報說到者皆彈、指示牌又不足,進去一如投進迷宮......果然名不虛傳!
我們在泊車後找不到出口,兜兜轉轉...
到走時更慘,找不到車子的停泊區!
因為地下停車場太大,又沒有分區指示牌,想找回停泊車子的區域,真的轉了一彎又一彎...=="
肯好我是路盲,沒有車牌,否則要我在停車場找車,哭定了!
漁人碼頭 內裡十室九空!
根本並未準備好就開業,但外表裝修一流!
簡直是影緍紗相取景一絕!

由於昨晚返大北風,又在漁人碼頭吃了一小時的大北風!
今天鼻水長流不止,打完一個噴嚏又一個...
傷風了!

現在鼻子也塞了,快窒息了! :(

星期一, 1月 02, 2006

買o左啦!攪拌機~



菲利浦 Cucina 榨汁機
HR 1843/06


300 瓦輸入功率的多功能攪拌/榨汁機設有 2 種速度選擇及暫動式開關、快速清洗功能、分離式刀片設計、乾磨器、豆漿過濾網、1.5 公升攪拌杯及 0.7 公升果汁杯。
多功能榨汁/攪拌機可方便地榨出新鮮果汁或蔬菜汁, 而且清洗攪拌機簡單容易, 只需加入溫水及洗潔精,並按快速清洗掣,即能開始自動清洗。附設的乾磨器是磨碎乾材料的最佳工具, 而豆漿過濾網讓豆漿及果汁更純淨。

尋日o係 金龍 買o左呢套 攪拌機套裝返屋企, 識人買 $ 500-
以後我就整o野食就可以更得心應手!
想整乜都得!嘻嘻~~ :p

不過我都未拆出o黎用,要過幾日得閒先試~
我最想第一時間整o既係:士多啤利慕士~~



貓友地盤

由於 我愛你 個 blog 暫停,我又開一個地盤俾各位貓友暫時竭竭腳先~~ :p

星期日, 1月 01, 2006

{新年預習} 椰汁年糕 & 馬蹄糕~~



新春在即,今年決定唔去油器店 訂年糕,自己蒸!

往時訂年糕花費o係二百元以上,今年自己蒸,一百元已經可以蒸好多底糕了~~ :)

自己蒸年糕,勝在真材實料!健康新鮮! :D

由於新年要送禮俾老人家,所以預先練習一次, 到時就唔怕咁易失手!

因為老人家話 年糕會影響o黎近一年o既運情,整得唔好實俾人鬧!

老人家教落: 蒸時只落 8 分滿! 蒸前要用牛油紙包住個糕盤面,

然後用繩綁好張紙,避免倒汗水滴落糕面...(咪個糕好易發毛)

但我蒸好後,撕開張紙發現有少少水,咪諗住倒o左糕面o個少少水...

點知...........我條糕跣o左落盤水度...

結果剩番一條... (因為我蒸 2 條) =.="

我係用呢個食譜~

http://www.leisure-cat.com/forum/viewtopic.php?t=9060&highlight=

但我改o左少少o野~

材料: (份量可以整 2 個 3.5吋 x 7吋 的長方模)

糯米粉 300g

冰糖 300g

椰漿 200g

清水 250g

澄麵 75g

1) 將冰糖加水煮溶待凍,待凍後加入椰漿 用 篩過~

2) 加入糯米粉和澄麵(粉要篩過)於粉漿中,攪勻用篩隔 2 次,直至挑起粉槳即瀉下為合。

3) 倒入已塗油之糕盆內,隔水蒸約 1小時。






原食譜 :
http://www.leisure-cat.com/frm_1122.htm

我改o左個食譜~
材料: (份量可以整 2 個 3.5吋 x 7吋 的長方模)
馬蹄 半斤 (我買已去皮之馬蹄肉) 
椰汁 1/2 杯
冰糖 200-300g (自己試味到合用為止)
馬蹄粉 280 克
清水 3 1/2 杯
油 1 湯匙 (掃糕盤用)

造法:
1. 馬蹄洗淨, 去皮, 用刀拍碎。
2. 用一半份量的水調稀馬蹄粉,成馬蹄粉漿備用。
3. 用另 一半份量的水煮溶砂糖後加入椰汁, 熄火, 把一半馬蹄粉漿快速攪拌成稀糊狀, 將剩下的馬蹄粉漿分次慢慢注入攪勻。
4. 倒入已塗油的糕盆內, 隔水猛火蒸四十分鐘, 取出待冷, 煎香食用。