唔見o左...

早兩晚本已打好新學的葡國菜食譜...
但呢兩日搵極都搵唔番出來，搜索過仍然係冇！
簡直想死！
我諗星期日又要再打過...
最慘係驚o的步驟有o的遺忘o左...唉~~

理想中的情人？

今日同人傾開計，佢問我如果有得揀，會想要個點樣o既情人？
例如外表、工作等...

其實唔多使諗，咁多年來我都鍾意男人做 programer...
點解？
我都唔知點解..=="

由細到大，我亦都鍾意戴眼鏡o既男人，好奇怪！

但一路長大，而家已經"冇咁"偏好四眼人士... :p
至於其他，高過我當然要啦~

跟住？
諗唔到了...=="
係咪冇要求？
當然唔係啦~
大佬，點都要養得起我o卦！
(當然仲有o的不能說出口o既條件...xp)

結果朋友根據我以上o既答案將我定為：怪人！

好怪o羊？車~~

昨夜的葡式烹飪班

芫茜墨魚
葡式炒蜆



洋蔥汁伴炸池魚仔

尋晚學主菜，超正！

大部份都係原味，只加入少許 lake salt 、辣椒粉 調味，正統葡國風味！

真係o係街俾錢都食唔到，最重要係佢仲係好好味！又真材實料！

煑o既方法好簡單，等緊食譜o既網友，

又要等我得閒打好，就會 send 給你們o羅~ xD

五十蚊

今早食完飯返來，一上樓梯，就看到地下有一團銀紙，
我當然把上手到拿來，返到家一看：有50蚊！
心裡喜滋滋的... :>

事不關乎錢的多與少，只因我從沒這種運氣。
長期只有跌錢的份兒...
因為我不喜歡在街上打開銀包，因為我怕銀包會不見了。
所以我長期在褲袋會有一團散紙，但因為亂，常會跌了而懵然不知。
偶爾有好心人會跟我說：你的錢就快要從褲袋丟出來了。 (其實已很多次)
今天終於輪到我拾到錢了！o喜o喜~~ :>

另外：
看報紙得知因大旱致令 可可 失收，古力將要漲價。
也不知是否入貨好？
因為上兩星期才託網友買了古力，如果古力存貨太多，我又會迫自己在有效期前狂整古力蛋糕."

樓

今日同朋友傾計，佢話佢兩個同事都o係呢一兩年間賺o左百幾萬...

一個係原本住氹仔樓，前年佢層樓升值，賣o左賺 70 萬，
到舊年，佢換o個層樓又升值，於是一賣一買，又賺o左 50 萬，
到今年，佢而家層樓升值，賣o左又賺幾十萬...
結果而家買o左層唐樓住...

另一個同事，佢原本多年前o係 西環龍圖閣 買o左個 豆腐潤單位，三十幾萬。
舊年年尾 70 萬轉手，落o左訂買o左層舊樓，點知業主又話唔賣 tap 訂，賠o左 5 萬蚊俾佢。
跟住剛剛買o左荷蘭園，點知又升值，佢即賣又賺幾十個！
而家又搵緊唐樓...

有時一個人o的運來到，真係點擋都擋唔住！
朋友口中充斥羨慕之氣，佢話佢雖然有樓，但又唔想賣o左住第二度...

哈~
香港人來炒貴晒o的樓，估唔到澳門亦都有唔少受惠者...:>

馬介休球

今日上堂係學我鍾意o既：馬介休球 及 馬介休餅~
今日食到真正足料o既馬介休球，馬介休一絲一絲的滿滿，好鬼正！ :>
同街食o既把鬼薯仔球，真正兩回事！
要食譜的網友們請等一下，太累了！
我要遲些才打食譜。

但做馬介休其實頗花氣力，全程搓！我見搓o個個人手都軟埋！
我諗o係屋企整要花一個上午或下午，
最重要佢仲唔可以放雪櫃留！
要即造即食，擺o下就好容易變壞，唔可以留幾日後先炸！

好累呢~
我真唔習慣返學，每次放學搭巴士由氹仔返來澳門，累死！
就算係上我最愛o既烹飪堂， 依然累得賊死...

透明碎銀包

我是一個奇怪的人，一直堅持用透明的膠碎銀包。
也不是甚麼特別的貨式，不外是四方形扁身拉鍊狀，可卻特別難買！
每次要買都要費一番功夫才會找得到，可能潮流問題吧？！
我已不計較甚麼公仔，總之 size 對的就可以。
可我近兩星期己逛遍多間大小文具店及精品店，只給我找到一款頗大的...
大概半張日曆紙般大吧！
我妹還說：怎麼這樣誇張？買這麼大的一個碎銀包？差不多是銀包的兩倍呀！
其實我也不想呀！
但買不到有何辦法呢？ :]

遲到

今晚約了朋友去食晚飯，有朋友遲到近 25 分鐘，令我心裡覺得討厭！
每次都遲到！
現今的人都沒有時間觀念，遲到藉口一大堆。從不去想別人要在等待...
換了要她們自己去等我，肯定滿口怨言...
我最恨人遲到！
因為我是一個很重守時的人，由讀書到工作，從未試過遲到！
總不明白那些人為何總要待到最後一刻才踏出門口？

食完飯後，朋友提議去玩角子機...
我開頭也承諾去，結果在途中，我就改變了主意，溜了回家。
我寧可回家織織冷衫，也好過在角子機場浪費金錢...
須知道，贏錢的永遠是角子機場，哪會輪得到玩家(我)！:p

p.s. 剛開始在編織新的冷衫，要努力啊！) xp

網友送的生日禮物

每次收到網友們送的禮物，總覺得不好意思！
平時已經常要麻煩她們替我 購買/郵寄 烘焙材料/用具，
怎好意思還平白要人家的禮物呢？==
真是不好意思啊！
你們下次不用再破費了，謝謝o魯！

popo 送的大袋 (走佬用一流！超大個！)

o古o魯 送的 叮噹曲奇模 (害我想星期六馬上就焗曲奇餅食啊！ :p)

popo 送的古力 及 我託 popo 買的 雲呢拿枝 (澳門現在再也買不到雲呢拿枝了！)

同埋加映：我的立立亂辦公室

檯面立立亂...

後面的櫃面 更加立立亂呢~~ ><"

我公司的同事，將我的檯面及櫃面，統稱為：垃圾堆填區！

我也覺得挺貼切呢~~:p

觀音開庫

今日係我o既農曆生日，咁即係話明日係觀音開庫o既日子...
觀音開庫：即係問觀音借錢。

今晚就會有好多人去觀音堂度上香...
我有朋友話佢家 2 個阿哥都借過，分別中o左六合彩及 3T，
但o個 2 年佢家都發生o左大事，令到家庭破裂，阿哥入院...
總之借完就係要還，還o既方法仲可能係好大件事...

我呢~
就從來冇想過去借...

我份人太隨遇而安，冇乜要求，但求安安穩穩過一輩子算了！xp

當造甜品 ~ 芒果布甸

而家o係芒果當造o既季節，上星期就買定 10 個芒果，等佢地又熟又香時先整甜品。

星期日就整o左眾人至愛 ~ 芒果布甸。

材料：

芒果o者o厘粉 3 盒

魚膠粉 4 湯匙

糖 3 湯匙

(細)三花淡奶 1 罐

水 1350 ml

芒果 6 個 (多少隨意)

造法：

1) 水煲滾後 落o者o厘粉、魚膠粉 及 糖煮溶，熄火。

2) o者o厘水攤涷後，加入花奶拌勻。

3) 芒果切粒，加入o者o厘水，然後倒入o者o厘杯，雪涷後完成。

註：

1) o者o厘水 可按o者o厘盒背後之方法造妥。

2) 淡奶份量可隨個人喜好加多減少，但不可不落。

3) 魚膠粉 份量可隨個人喜好加多減少，視乎喜愛之口感(軟硬)而定。

4) 以往會加入生雞蛋黃，但由於近年病菌肆虐，故已不再加入生蛋，安全食用。:>

蛋糕

頭先中午有人打o黎，話佢小朋友明天一歲生日，問我去唔去佢家開生日會...
我諗我都唔去了，但今晚要整o的o野俾明日俾佢地食...
我o係度諗，我食完飯得閒時都差唔多九點，有乜o野快o的整好呢？
最簡單：朱古力雪芳蛋糕 + 朱古力慕士
一於咁話！ :>
想整 cheese cake，但冇時間攪咁多...
我想整o個o的算係最簡單的了！
反正佢地實訂蛋糕，我整雪芳蛋糕，先o岩呢個一歲人仔食o架o麻~~xp

葡餐班

前晚上o左葡餐烹飪班，學o左 3 個前菜，都係好簡單o既o野...
西梅夾煙肉、煙火腿夾密瓜、馬介休三角豆沙律。
佢話 4 堂學前菜、4 堂頭盤、4 堂甜品。
係有 2 個葡國女人教，1 個翻譯。
做時佢示範，我地可以幫手。
但由於佢冇食譜印俾我地，我地又掛住抄底用料份量同造法，所以我冇乜幫手。:p
返來即刻打好，因為驚唔記得...

個翻譯話：遲o的有馬介休球、血鴨、鴨飯 學...
呢o的都好鬼正！
我好想學呢o的呢~~ :p

使錢

尋日用o左千幾蚊買o野...
我係好少會一日裡面買千幾蚊的...:p
平時要買咁多錢o既話，一定唔會係我俾錢。xp
(事關我呢o的低收入人士，每個月都會計好數，只係o岩o岩好。==")
不過我尋日買o既全部都係必需品！
買o左一個女士用品(不要心邪o育！)、一包純羊毛冷 (織冷衫給我媽用)、一個日本版子手袋 (給我媽用)、一本冷衫書。
好似尋日咁買o野，又唔覺得肉赤！
可能因為有"利是錢"補貼！xp
冷舖 每年會o係 正月十五 後半價，所以我特登等到尋日先去買...(點知得六折)
13個冷 $ 312-，如果正價時買，就要 $ 600- 了！
可惜純羊毛o既冷，款式得好少，又唔多靚...
我尋日買o既都係一般鍾意，實在唔係太喜愛...
希望織起時 (唔知幾多年後)，我媽唔會嫌隻色太沉...=="

前日去o左大陸 "譚魚頭"打邊爐...
我覺得佢只值 40 分！
o的湯又唔掂、魚頭勁多骨 (都唔知乜魚)...
打邊爐湯底係最緊要！
湯底唔好味，食乜都唔好味...

返來時o係地下商場睇書，又買o左 3 本冷衫書、一本心靈書藉。
大陸買書真係抵！買 4 本先係 $ 7x-
o岩晒我地呢o的逛書店迷。
不過簡體字書我唔太鍾意睇呢~~

仲有，o係大陸買o左隻老翻 張信哲 x 香港小交響樂團 演唱會 DVD
麻麻地好聽...
好彩唔係買正版o者！=="

返學

之前報o左教青局o既 葡式烹飪班，$ 450- / 12 堂
超抵！
包括前菜、主菜 & 甜品~
呢o的政府攪o既班，係好難報到，因為好快 full.
下星期一起就會上堂，逢星期一下午 6:30 o係 (乙水)仔上堂...
好遠o幼~~ :(
我要早o的收工，返家沖埋涼，再搭巴士去(乙水)仔...
好心咪鬼咁早上堂啦~
放工時間又塞車...

另外，在此通知一下網友 :
由 2007 年 3 月1日起，
澳門o既電話要加上字頭...
手提電話號碼要加一個 6 字在號碼前
家用、商用電話 及 fax 要加上 28 在號碼前


想打電話給我的網友，要注意一下加上 6 字頭喇！ :p