ugly chocolate cake

呢個係跟o苗o苗整o既 ugly chocolate cake，
我個就寧捨 ugly！
好似由高空跌落地再踏多兩腳咁款...
難得我仲夠膽送俾人做生日蛋糕...:p
佢食完話好好味，不過佢阿婆問佢做乜咁唔小心跌o左個 cake 落地...xppp

呢幾日好似肺癆咁！
狂咳兼多痰！
唉~

古巨基演唱會

今日冇返工，因為感冒，失埋聲！
我諗明日都要睇多次醫生...

估唔到今日中午俾人拉埋我去 漁人碼頭 買 古巨基演唱會飛~
開頭諗住買最平 $ 200- o個隻，
諗住買 4 張，2 張自己去睇，2 張上網放...
點知佢剩番 3 張 $ 200- ，所以我地買o左 2 張 $ 350-

我地去到其實前面只係得廿幾三十個人，但竟然排o左 2 個幾鐘先買到~
因為賣飛o個o的人，好似食o左豬油咁！
慢到不得了！
到我時，我先見到佢原來 得一個人賣飛，o的飛又黐好晒o的座位 NO，
要嗌去後面叫o的人搵呢個位o既飛出o黎，再去隔離俾錢...
咁又有成 10 場唔同o既演場會飛，好多人都買好多場唔同o既飛...
真係慢！
我見現場最多人係買 古巨基，其次係 側田！
我買o既位都算唔錯！
不過佢係露天，冇冷氣！到時實熱死...

花旗參准山杞子燉雞湯

尋日下午心血來潮，走落街市買o左半邊雞，原本想燉人參湯，點知發o左毛...
所以改o左花旗參...

今次雞已出水 及 去皮，雖然燉o左出來面都有油...

但已經少好多了！

湯，女人補身必備！ :l

信箱中的明信片

今日打開信箱，赫然發現一張陌生的明信片！
是我的o育！:o
誰寄的呢？
郵票很陌生，未見過！ (我亦不懂 WARSZAWA 係啥地方？ =.=")
由頭看到尾...
Irene？
o我！原來是愛蓮！
愛蓮~!!!
她竟然在旅遊途中給我寄來一張明信片！ :>
YEAH~~
很驚喜呢!!!

油塘

每回於夜間搭巴士，看到一具具疲倦的身軀、一張張疲憊的臉，
總令我想到在 HK 搭地鐵回油塘的情景...
由旺角搭地鐵返油塘，要 13 個站。
由於油塘地區偏遠，所以總有很多夜歸人拖著疲累的身軀回家...
(記得朋友說過：HK 地方大，地區遠，所以很多人在下班後都會先去 HAPPY HOUR 才再回家...
回家後也很少再出街了，尤其沒有車的人。因為地鐵晚間會休息，搭的士又貴。)
每次在油塘地鐵站下車，還要走半小時的腳程才能到達 鯉 x樓，
中途是上很高的電梯，然後經過一個大商場才能回到寄居處...
我總會在哪裡買杯麵及啤酒作宵夜... xppp
由於 鯉 x樓在山上，居高臨下，一片山景...
(據說香港的屋邨，很多都建在山上。)

澳門就不同了，地方小、有車的人多...
夜晚 12 點出街是閒事...
沒車的，隨手截的士，最遠也不過三幾十...
這是我喜歡小城的原因...:>

木糠布甸

今日下午整o左木糠布甸，原來準備好晒做一個 7" 大的布甸，
不過屋企人見到話：整一杯杯好o的，方便得多...
結果順應民意，整o左 10 杯...


原食譜出處：http://www.leisure-cat.com/frm_1481.htm

材料：
瑪莉餅 150g
淡忌廉 500ml
煉奶 100g
雲呢拿條 1 條
砂糖 或 雲呢拿糖 1 湯匙

工具：
10 個膠杯仔 (或 7" mousse ring一個)
吱袋 1 個
吱咀 1 個
(如整杯仔裝，應用細吱咀。/ 如用 7" mousse ring，應選用大吱咀。 )

造法：
1) 先將 馬莉餅 用麵棍壓碎，備用。
2) 將雲呢拿條用 小刀 開邊，再將其籽刮出。
3) 淡忌廉先打至 6 成，再加入 雲呢拿籽、糖、煉奶，然後打至 8 成。
4) 將 cream 入吱袋
5) 將餅碎用匙羮"畢"入杯仔，再吱一層 cream，梅花間竹，最後面層舖上餅碎 (或用"可可粉"飾面)。
完成~~
雪涷後可享用！

p.s. 由於用淡忌廉關係，建議如果諗住做一個大 cake 的話，最好於打 cream 時，加入少少魚膠水。
咁可以 keep 得耐o的唔怕溶，並要在做好後先放入冰箱雪硬，脫模後可享用。

賣晒 lu~~ :D

我抽中o個 4 張 側田澳門 one good show 演唱會飛，已經售罄啦~~ :>

我放o左網上賣...

今朝有人 send e-mail 俾我話想買，我話 $ 800-

跟住叫佢即刻駕車來我公司樓下交收，以 $ 750- 成交~:p

原先一早同我訂o左飛o個個人，下午 以 $ 800- 成交~ :p

哈哈~~

總共賺o左 $ 1,550-

可以補貼我今個月買新的 xx~~ :p

p.s. xx 請君自己估~ xppp

奇妙的事情

奇妙o既事情發生o左啦！
我今日去電話公司拎 側田 演唱會飛 時，咁應該係 2 張飛o架o麻！
我竟然原來係中o左 2 次獎！即係有 4 張飛！
4 張呀！
咁有人同我 book o左 2 張，咁我剩番o個 2 張，當然諗住賣埋佢啦~~
我諗住平平地都賣o架啦~~
如果賣唔到，先自己去睇喇！

p.s. 我記得電話公司第一次 send sms o黎時，我 send 過去一次參加~
過o左好耐佢又 send 一次來宣傳，我又 send 過去一次...
點知咁就...
嘻嘻~~ :p

花旗參燉烏雞湯

呢個係星期六晚o既宵夜...

因為上星期用剩半隻烏雞，所以今日燉埋佢...

材料：
烏雞半隻
金華火腿一小件
花旗參 1/2 兩
紅棗 數粒
薑一小件拍扁


本來想落埋其他藥材，但上網見有話...
燉花旗參就唔好落其他藥材，咪會搶o左花旗參o既藥用價值...
所以今次o既湯都幾甘味！
唔係人人接受到...

又：因為落o左金華火腿，o的湯都幾油，要先撇油先可以飲用。

中秋掛浴簾

今夜中秋，我這孤獨老人照例在家發呆...
心血來潮想吃碗糖水，走到街上卻發現糖水檔也休息一天。
無無聊聊走去逛超市，除了買了半打啤酒外，也買了一塊透光浴簾...
人家中秋掛燈籠，我卻在家掛浴簾... =.="

這件冷衫大概織了五年有多，皆因懶之過！

早兩天終於在衣櫃中找了出來，然後修好領口...

還差兩隻袖子，不知何年何月才會完工呢...=.="

送給 mommy 的白兔燈籠~

相片在 mommy dearest 的 blog 內 copy 的~:p

9 月 19 日寄給 mommy 的 白兔燈籠，終於o係 10月 2 日平安到埗！ :p
攪乜鬼今次寄成十幾日先到呀？
害我以為寄失了！
平時寄去 星加坡，5 日佢就會收到...

好彩o係中秋節前寄到，咪過後先到就冇晒意思了！:>

希望 mommy o係佢屋企花園 同朋友/家人 賞月時，
會掛上燃點了蠟燭、 made in china o既 兔兔燈籠... :>

淮山杞子北芪黨參燉烏雞湯

用電子燉盅燉，一個大中碗，不多不少，一人份量啱啱好！ :>
係今晚o既宵夜... (仲加o左少少金華火腿)

今日去o左睇 情流戀屋，西片版 不及 韓版 好睇，不過都算 ok o既...