救命麵包

逛街 3 日後，今日我幾乎整日攤屍o係張床度！
有o的發燒咁...
我太少運動，一稍為操勞，就周身唔舒服。

去動漫展，我o既收穫就係： FEEL 100% o既 poster 同埋 自動傘！
o的 poster 我拎o左去鑲架，會放o係睡房~~

仲有，估唔到o古 lu 焗俾我o既麵包，變成"救命麵包"！
因為...................
雖然我有買定杯麵做宵夜，但係我住o個間屋，由 於人地係用作渡假用。
平日係無人住的！
o的煲好耐無用過，見到都唔想洗o黎用...

所以夜晚肚餓，就撕住o古lu 俾我個大麵包o係度食...
到第二朝， fd 未起身，我唯有又食住呢個麵包頂肚...
第二晚淩晨，繼續食...
結果食o左 2 日先食得晒呢個大麵包！=.="

o古 lu，好彩有你呢個救命大包o乍！ T.T

逛街不是我專長

去o左 HK 3 日，日日都係逛逛逛...
累到我死咁滯！
第一日去 灣仔睇動漫展，入場排隊排餐懵！
以為好短路，點知排完一輪入去，原來入面又排過！
排o左成粒鐘先入到場！
最慘就係入到去，同 fd 排隊買"天下"o既手辦公仔，估唔到要排一條九曲十三彎o既隊...
又排成個鐘！超變態！
真係 係 HK人 先會咁癲排隊！
如果係澳門，保證無呢o的咁恐佈o既排隊情況！

第一日
中午去到 HK，同o古 lu 會合後，就起程入油塘放低o的行李！
然後先出去灣仔食o野，再去動漫展...
點知因為乜都要排隊，由下午 4 點去到 9 點...
更慘o既係：我地走時唔知地鐵站o係邊！
一路行行行，見到有小巴停路邊，司機猛嗌：15 蚊去到旺角朗豪坊！
我地梗係第一時間(標)上車！
去到朗豪坊，食埋扒王之王，逛朗豪坊逛到 11 點，就打道回府！
我直頭聞到自己個身同頭o既(宿)味！
o個日又出汗又乾、又出汗又乾，幾恐佈！

到第二日同今日，都係逛足成日街，夜晚返去幾乎散晒！

我呢 3 日逛o既街，肯定多過我一年逛街o既時間！

唔係講笑！

我絕對唔係"逛街"o既材料！

我寧可o係屋企睇o下書好過...@@"

HK

明日去 HK，我當然係食食食！
我要食 臭豆腐！
我要食 煎鵝肝！
我要食.........................諗唔到！@@"

乜我想食o既o野，原來得咁少o既o羊？一.一"

今次又係住 油塘，好遠耶~~
不過勝在唔使錢！
但我一諗起由旺角去油塘要搭十幾個站，
由地鐵站去到鯉魚門村o的鯉 x 樓，
首先要上山、又要經過大商場，
再往上走...要半小時！
嚇死人！
真係好鬼遠，唔怪得 HK o的人要放工就去飲酒...

唔同澳門人，半夜先出動...

HK o的路實在太遠了....

跳樓

頭先食飯時，屋企對面有人想跳樓！
大批消防員趕到，立即封路開氣墊...
(個氣墊好攪笑，中間一個紅點，然後四方有箭咀指向紅點。彷彿在說：要跳中點啊！:p)
個女仔腳 fing fing，坐o係對面工廠大廈天台邊...
擾攘 2 個鐘，聽到街上嘩嘩聲，我仲以為跳o左落o黎添！
原來係佢走返埋去，唔跳啦~

其實我一早o係度諗：有心跳樓佢就一早跳o左，仲點會四圍望風景？

雖然咁諗係衰o左o的，但我真係諗到佢唔會跳！

因為如果係我，我跳得樓就一定係好激動o個隻！
仲邊會咁得閒仲同人傾呀~~

好彩佢鳴金收兵 收得快！
因為樓下封o左 4 面馬路，攪到交通混亂！
到我要走時，o岩o岩開番路，我先可以搭巴士走到...:>

懶洋洋的下午

天氣炎熱，放假我的節目，不外是躲在家睡覺...@@"

我其實並不是一個能長時間睡眠的人，但在大太陽的日光下，我整個人懶洋洋的不願上街。(實際上是沒有街去) @@"

今早睡到十時半，在床上獃了一下才出街吃飯，

回來沖涼洗頭，又在冷氣房內看電視等頭髮乾，看了一下又倒在床上昏昏沉沉地睡去...

今晚，是鐵定睇不著的了！

但我有個秘密武器：紅酒是也~~

喝了可以令人沉睡不起呢~~:p

宜家傢俬

今朝一早起身等 宜家傢俬 送貨來，買o左梳化床(廳當梳化用)、鋼架床 及 玻璃櫃...
o的貨一送到o黎，我心諗：黐線！唔包安裝簡直想死！
因為同我去買o個個人話佢會幫我砌，所以我先會唔叫佢安裝埋 (安裝費要另計的)...
但同我砌o既人要過幾日先有空o黎攪，咁我又心急！
所以拆o左梳化床，估唔到連梳化床都要砌！
我出盡九牛二虎之力，搬起o的組件，好艱難咁砌 (因為我唔多夠力)，
又好艱難咁上螺絲...
一路砌一路狂鬧黐線！邊鬼個叫唔使安裝埋o架...
我用o左個幾鐘先砌好張梳化床，累到我要撻落張床訓...
以後咪鬼攪我！
我唔會再買呢o的 宜家傢俬！
睇雜誌好似好靚，但砌好又其實唔係咁靚！
呢o的隔山買牛o既o野，始終唔多可靠！

而家仲要等人過幾日來幫我砌床及玻璃櫃，真係暈底~~@@"

悶

公司個o靚仔走o左，而家我要做埋佢o個份！
唔係唔想請人，而係而家無人會做呢o的工！
係人一夠 18 歲都走去做賭場...
呢樣已經衰，但有樣o野更衰o既！


上星期六佢地搬過o的位，而家攪到我個位係全公司人都望到！
攪到我完全上唔到網咁滯！
唉~~
以前返工 8 個鐘，有 7.5 個鐘我係 online~
而家無得 online，竟然多o左好多時間剩...
悶死我！

青紅蘿蔔雞腳豬(月展)湯

天氣炎熱，才 7 月中已經 34.4 度！

入廚之慾望已降至 0！

但偶爾一煲湯水，仍是少不免的...中國人o麻！

今日中午特地到街市買新鮮雞腳煲湯，這是我至愛的湯水之一。

骨膠原又豐富，也算是對皮膚做一次保養，o喜o喜~~ :p

又到書展

呢幾日又有書展了！
當然又係我入貨o既好時機！
但唔知係咪因為香港都差唔多書展，所以覺得今次參展o既出版社少o左好多。
逛完整個場地，只係買o左 3 本書...
土生葡人飲食文化 ~ $ 250
中點制作精選 ~ 國內書籍
西點制作精選 ~ 國內書籍

我今次又繼續我o既"懵性性"本色！
返到o黎先發現... 西點制作精選 呢本書，唔係我想買o個本！
我係o係o個度揀完書，諗住拎本新o的o既，結果拎錯o左第二本書...@.@"

後記：

以前買國內版圖書，一率九折。
上一次書展，變成同等價值，沒有折。
想不到今天，國內版圖書要照價再加 10%，真正時移世易！=="

酒

頭先走去逛超市，又買o左 2 枝紅酒。

酒，真係良朋知己...

唔開心o既時候，夜晚想睡得安穩o的，飲酒的確有莫大幫助。

我唔係酒鬼，只會輕嚐淺酌，半杯紅酒下肚，不快樂的情緒立即得到舒緩...

一個人住，真好！

以前，唔開心時偶爾會打俾朋友出來傾計，而家，朋友們都結晒婚，我更加顯得寂寥...

誤

我是一個習慣了”習慣”的人。
討厭嘗試、討厭接受新的事物。
每回有一個重大的決定，我都會三思又三思，結果因此而錯過了黃金檔期。

一如近來我終於狠下心去落實做一件事，
可是就因為已經過了黃金機會，結果處處碰壁！
雖然一早已抱著平常心去面對，但心裡還是有閃過一絲失望。
失望的是…
如果我早多幾個月去立志做呢一件事，肯定已經成功了！
不過我依然深信：塞翁失馬，焉知非福。

MACAU BEER

上星期去食 buffet 時飲過 MACAU BEER，遂對佢念念不忘...

啤酒o既"清"，係好少飲到，只有 麒麟啤 及 藍妹 先會有呢種味道。

近年新包裝o既 青島，麥味太濃，令我卻步！

一向係 喜力 o既捧場客，但飲完 MACAU BEER 後，我立即到超市入貨。 :p

頭先細心望o下個罐，先發現原來佢根本係 KIRIN BEER 間廠出，唔怪得咁似啦！哈哈~~

頭先執完屋，出o左一身汗，沖埋涼開大冷氣上網，當然少不免開一罐啤酒啦~~

於我，人生一大享受也~~

哈哈~~

不足

一直知道自己沒有讀書的天份之外，語言天份尤其差！
多年來學過多次普通話，到現在一句也說不出。
可能因為現實生活中從沒使用過，故學了也是白交學費。

明天，我因為某些原因要說一遍普通話...
我知道是死定的了！
倘若我能半鹹半淡地完成還好，真怕會是全程 :O 咀！
現在退縮還來得及！
但實在不想...

今晚將會是一個失眠夜... -.-"

浪費

今日整o左 石頭湯，仲要係好大煲...
食o左一碗，已經唔想再食...
而家唔知煲o野點處置，打算晏o的會倒o左佢...
唔係唔好味，只係一個人好難食呢o的咁o既o野。
我成日都係咁，
明知食唔晒都想整，然後又去浪費...:<