焗蛋糕

明晚有個舊同學叫我去食飯，
所以今晚又要做一個 日式 cheese cake 賀佢生日！
鑑於自己做 cream cake 唔靚！
裝飾o的生果又難買到，唯有做一個佢喜愛o既 cheese cake 做禮物！ :>

平時夜晚唔多鍾意整 cake，皆因返完一日工好累，只想躺在床上發獃...
好彩明日係星期五，
一諗起就會覺得好快樂！
因為又會有 2 日假期了~~ :>

SINGAPORE 寄來的禮物

Hehe~~
Mommy 寄o左一本"美味素食"的食譜俾我~:>
雖然唔係甜品，但我都好鍾意呀！ :D
裡面有好多精緻o既小菜...
仲有一個手機袋，不過唔記得影相~ :p

Mommy 係 18/8 寄的！
我見到澳門 郵chop 係 22/8 收到...
但竟然要到今日先到我手！離譜得好緊要！ /:
(尋日派紙來，今日先可以去郵局拎)
澳門郵局真係好似 蝸牛 咁慢！ :<
郵費又貴過人...哼！

隱居

繼昨晚一個人走出去食難食o既拉麵後，今日又唔想食公仔麵/飯盒...
結果搭巴士出新馬路，去 小上海 買窩貼！
今晚晚餐係 20 隻窩貼 + 1 枝大青
o的窩貼令我好失望！
完全冇肉汁的！
以前o個o的係有好多肉汁流出o黎，好正的！ :<

近年我過著o的幾乎半隱居生活，
除o左返工放工外，幾乎冇出街...
更惶論逛街了！
頭先經過賣草地，發覺開o左好多新舖頭！
我真係好 out！
我諗我起碼有幾個月冇逛過街...

記得對上"上年"同一個朋友出去，
我話：咦~乜開o左呢間o野呀？
我個 fd 用好疑惑o既眼神望住我，問我：嘩！你好耐冇出過來呀？開o左成年都有啦喎！
由此可知，我真係同隱居冇乜分別... =.="

日式 cheese cake

今日又整o左美味無比的 日式 cheese cake！
唯獨依然皺皮令我覺得煩惱！
呢個 cheese cake 入口即溶，個個讚！ :>

食譜來源： http://www.leisure-cat.com/frm_1373.htm

材料
8吋份量
忌廉芝士 200克
牛奶 128克
無鹽牛油 43克
低根麵粉 26克
粟粉 14克
蛋黃 4個
檸檬汁l 1/4茶匙
蛋白 4個
糖 86克
塔塔粉cream of tar tar 1/4茶匙

造法：
1. 忌廉芝士切成小塊，加入牛奶浸泡30分鐘。無鹽牛油隔熱水坐溶。

2. 浸泡30分鐘後隔熱水加熱，一邊攪一邊加熱至無顆粒，再加入己溶化的無鹽牛油拌勻，熄火稍稍放涼。

3. 篩入低根麵粉和粟粉拌勻，再加入蛋黃拌勻，最後加入檸檬汁拌勻。此時麵糊光滑無顆粒，如仍發現有小許顆粒，可將麵糊過篩到乾淨的mixing bowl中，待會與蛋白霜混合。

4. 蛋白打成粗發泡後，加入塔塔粉打勻，糖分三次加入打至企身，提起攪拌頭，蛋白的尖峰會下垂。（Clarey 會在頭兩次用高速打發蛋白，每次1分鐘，在第三次用低速打，直至想要的硬度。這樣可以令蛋白沒有很大的氣泡，製成的蛋糕質感軟綿細密，外觀也很好。 ）

5. 取1/3的蛋白與麵糊混合，再將麵糊倒回蛋白霜中輕手混合直至單一顏色就好。

6. 倒入模具，然後拿起模具在”木台”上輕敲幾下。

7. 用蒸焗法（即是放圓模在加有熱水的焗盤上），放入己預熱的焗爐以170c 焗15-20分鐘至表面上色，然後調較至150c，打開焗爐門，直至加熱顯示燈再次亮起，關閉焗爐門，焗40分鐘。
在最後的10-15分鐘，要留意蛋糕的色水，如已達到你想要的色水，可加鍚紙在蛋糕面避免蛋糕表面太深色。

8. 出爐後放在綱架上稍稍放涼，用小刀界開蛋糕邊和模邊(其實不會太「痴」的)只是希望蛋糕出爐後沉降得靚一點。然後小心脫模。(小心熱)

9. 蛋糕可襯熱食，也可放涼後食，不用放入雪櫃。

意料之外的禮物~~

開心！開心！！好開心！！！
上面o個 2 本食譜：
四季乳酪蛋糕輕鬆做 $ 88-, 西點學習大百科 $ 150-
一直都係我想買、但又唔捨得買o既食譜書~
因為我已有好多本，唔可以太浪費金錢亂買...

點知尋日我媽放工帶住呢o的書返o黎，
話係佢公司同事 Anna 俾我的！ (佢都係愛整蛋糕o既人)
佢話因為 Anna 大屋搬細屋，冇咁多位用了。
所以俾o的書我！
佢仲話佢仲執緊書櫃！遲o的仲有書俾我的！
yeah~~
希望仲有一本 戚風蛋糕書 俾我啦！ :p
哈哈！我好貪心呢~~ :p

呢度就係我氹仔經屋的 100 呎房間！超細！(這是我媽的房)

就係眼見咁多位了！

一張4呎半床、一個衣櫃！冇位了！

唔買 Notebook ，就等如唔上網！ :<

涼

今夜，秋風陣陣...
城市的氣溫愈來愈高，冷氣加上污染，令到地球不斷升溫...
只有在平和的夜裡，心中才感到點點涼意。
是外在的涼、還是心中的冷？
是寂寞還是習慣？
只知道夜裡，
愛與影子廝磨...

副刊

尋晚冇開電腦，一食完飯洗埋碗，
就貢入房做我最鍾意o既事：坐o係冷氣口 睇報紙o既副刊~

好多人都唔敢對住冷氣口o黎坐，偏偏我呢個怕熱怪至愛咁做~ :p
我鍾意睇副刊！
睇各個唔同o既專欄文章~
好似細閱每一個人o既唔同人生！
每一個專欄都值得細味！
因為自己每天只係做刻板工作，不及專欄作家的吃渴玩樂精彩...
有時睇o下蔡瀾o既食食食、其他人o既玩玩玩...
感慨天下之大，自己不過窩居陋室...

貓友集中營

為食貓友，來來來！ :p

壞腦子

今日晏晝上上o下網，突然間撞o左o野！
攪到我部機又開又自動熄，激死我！
跟住我周圍打俾人，想問有冇人可以幫我剷o左個 windows 再裝過，
點知個個都返緊工！ :<
o係我好無可奈何o既時候，
諗起公司幫襯開o個間電腦公司！
雖然佢好水皮！
但裝 windows 應該都冇問題o卦~~
於是拎部機去佢公司，兼且強迫佢要立即幫我重裝，今晚拎返走...
好彩，5 點半拎去，8 點半 佢已經打俾我可以拎返！
咁我先開心番！ :>

我係電腦白痴，亦係上網痴！
最怕電腦壞！
壞親都想喊！
晏晝為o左拎部機去整，攪到我連"晏覺"都冇得訓... :<
哼！

~~藍雨老餅家~~

昨日想整o下中式餅食，一口氣整o左 3 種！
由朝早 10 點幾整到 5 點幾，
不斷整整整、洗洗洗，累個賊死！

合桃酥 (20個) 食譜：

材料:

麵粉 320g

梳打粉 1茶匙

吉士粉 40g

雞蛋 1隻(加1湯匙水)

糖 240g

豬油 160g (我用了固體菜油代替)

合桃 適量

做法:

1. 麵粉、梳打粉、吉士粉一同篩勻，開穴，加入糖和豬油(用手揉溶)，

再加入雞蛋，與粉搓勻，成為一粉糰，稱為鬆酥麵糰。

2. 焗爐預熱160度，把鬆酥麵糰搓成長條，分成20份，搓成小圓球，用手輕按，放上核桃並掃上蛋黃，焗15-20分鐘至金黃色即成。

光酥餅 食譜：

http://www.wretch.cc/blog/wakatta&article_id=4096426

郵寄食譜

寄o左本 "塔&派" 俾住o係星加坡o既貓友 mommy，
係大陸版食譜書，我o係書展見到我就即刻買o左本！
因為成本裡面都有好多種唔同o既 批批！
好特別！
我明明星期一下午先寄！
按照慣例會星期五先寄到佢家！
唔知點解尋日就寄到了！
原本諗住佢今日中午返家見到會好開心，點知計錯數添！
hehe~~

發毛

本來前日買o左 地們葡萄乾 o黎浸酵母，
浸時我都奇怪，點解佢咁油？
今朝睇o的水發晒毛！
激瓜我！
已經特登買 地們 o架啦！又話係 100% 天然...
擺明有雜質！哼！

我遲o的又要買過其他o野養酵母... :<

岔子

本來早想好了把蓮蓉寄速遞，香港寄來 可以即日交收，不用隔夜...
怎知中途出了岔子，原來去 lazy cat 家收貨，要多付 $ 60- 附加費！ :<
心立時往下一沉！:<
沒理由要白白多付 $ 60- 啊！(除了運費之外)
那豈不寄蓮蓉要百多元？
心中呼叫：不值！不值！ :<

雜談

頭先睇美女廚房，話o個個 Kary 從未入過廚房，所以先會火燒廚房...
我都唔明o的人，點解廿幾歲人都會未煮過o野...
係母親溺愛所致嗎？
我自 13 歲起就要每日做洗切工序，因為媽媽每日要返工廠...
o係o個時個個同學仔都係日日放學去玩，得我一個係要趕返屋企洗餸做功課...
雖然我煮餸唔係叻，但我真係好難相信一個廿幾歲o既女人，係未入過廚房煮東東...

今日去o左拱北打邊爐，飲o左一枝半珠啤，
返o黎都好似行唔穩咁...
不過今日去間o野好熱哦！
上次去過都幾勁冷氣，可能因為今日坐角位，所以好熱...
我諗有排我都唔會話去打邊爐了！

排裝 M&M

呢 2 排 m&m 古力，係o古 lu 同 popo 送俾我o既...
我呢個大鄉里從來未見過，據聞只有 city super 先有得賣... :p
hehe~~
真係要好好細味一番...

popo 的禮物

這是 popo 送我的，用一個好靚、好典雅o既玫瑰鐵盒裝住o的曲奇餅...

曲奇餅用花花膠袋仔入好，然後啤實，好專業的樣子。 :>

今晚食o左間條o個一包，口感好鬆化...

其他o的曲奇，要留o黎慢慢食，每次食一包... :>

鬆軟之合桃牛油蛋糕

今晚去人地屋企食飯，焗o左個合桃蛋糕做手信，結果好評如潮！
因為好鬆軟呢~~ :>
呢個 cake o既份量我都幾隨意，因為唔想開另一件牛油，所以只用一磚，
牛奶亦都係臨時決定落...
好彩做到我想像中o既感覺o者...
嘻嘻~~

材料： (8" 模份量)
牛油 一磚 (200g) 要先放軟
蛋 7 隻 (蛋白 / 蛋黃 分開)
糖 160 g
低筋麵粉 190 g
泡打粉 1/2 茶匙
牛奶 1 cup
合桃 適量

做法：
1) 蛋白 打至企身。
2) 將已放軟之牛油 + 蛋黃 + 牛奶 撈勻，用打蛋器打勻。
3) 加入一半己打起之蛋白入 (2) 中。
4) 把低粉、泡打粉 加入 (3) 中。
5) 將剩餘一半己打起之蛋白加入粉漿中，然後把合桃混入。
6) 倒入模中，將幾粒完好之合桃做飾面。
7) 共焗 50 分鐘，先 180 度焗 20 分鐘、後 170 度焗 20 分鐘、最後用 150 度焗 10 分鐘。

註：要放下格焗。

淮山杞子燉烏雞

今天買了一隻烏雞燉湯，
用一整隻的烏雞，才燉了一個大中碗的雞湯...
雞味濃郁極了！
每個星期六晚，我總愛給自己弄一 點宵夜，
而今晚的宵夜，就是淮山杞子燉烏雞... :>

魔盜王

尋晚去睇魔盜王，全院滿座！
真係唔明o的人點解第一行都買！要岳高個頭睇哦...=="
套戲都幾緊湊，值得一睇！

出年周潤發會拍第三集，做 張保仔 呢！
應該都實會去睇了...

本來諗住尋晚帶 popo 寄俾我o既小圓餅做零食去睇戲，
點知又未寄到，
今朝打返公司，同事已幫我收o左件。

8 號風球

尋日 8 號風球，o係屋企訓訓訓...
因為尋日朝早起身已經頭暈暈，返到公司又話 9:30 掛 8 號，
跟住又即刻返屋企...

由於氹仔間屋細，我想將來買部 notebook 會比較好，
但又驚唔好用！
因為未用過...
其實我主要係用來上網及 down 歌...
唔知 notebook 好唔好呢？

長髮

星期日，終於去把一頭及腰長髮剪掉了...
長髮的確嫵媚，可恨我的髮質並不美麗...
是那種一大把像"地拖"般的頭髮... (舒淇初出道那種)

又做了離子直髮，坐了三個半鐘，坐得腰骨酸痛！
現在剪碎及肩，頭部立時輕鬆多了！

被朋友取笑，何不整把長髮做離子直髮，那便似(肥版)小龍女般...
我說：如果要將長及腰的頭髮做離子直髮，恐怕要坐六小時...
價錢亦都增加一倍！ :p

做離子直髮，除了要端坐數小時令我痛苦不已以外...
最慘無人道的還被迫要兩晚不能洗頭！
我是那種天天要洗髮的人！
一晚不洗覺得頭很骯髒！
因為我是大汗得很的人，
昨晚不能洗髮，今晚必定會狠狠的洗！嘿...