再見 Rainy day

尋尋覓覓,冷冷清清,淒淒慘慘戚戚...

星期四, 11月 30, 2006

黐筋

我又抽起條筋了~ xp
早 2 日買o左 2 磅"沙糖桔",然後洗淨吹乾,尋日用粗鹽醃o左一樽鹹桔仔~:p
希望唔好發毛啦!
咪又蹝我心機...

今日又抽起第二條筋!
諗住等陣中午走去買青檸,想浸鹹青檸...

我係咪黐o左線呀?
仲係黐孖筋o個隻...


上個月想學人 曬果皮,
買o左o的桔返o黎剝皮曬,
跟住我老豆同我講:你傻o架!人地用"新會柑"皮o架!

我唯有丟掉曬o左 2 日o既桔皮... 一.一"

星期四, 11月 23, 2006

王羽

那天晚上看無線的"有緣相聚 ",沈殿霞訪問了王羽...
當然,我並非看王羽長大的人,然而這個訪問卻令我有另一番體會...

訪問的地點,是王羽位於台灣的家,四萬多呎地皮,築了一間華麗古堡,裝修了三年。
地皮連建築裝修,用了超過一億港元。
他的家,真個是金碧輝煌,他每數一樣傢俱,都會說出令人驚嘆的價錢。
這個過千萬、那個又數百萬,就連一面鏡子,也是過二百年的古董...

王羽的兒女早已各自成家立室,他早年結過兩次婚,都是離婚收場。
固此,偌大的屋裡只有他一人獨居 (工人除外)。
子女偶然會回家相聚...
平日他的娛樂,就是做做木工,家裡華麗的畫框,是他獨力造出來,然後鋪上金箔...

他快樂嗎?
我不覺得!我只覺得他很孤獨。
毫無疑問!他的確很富有,可他卻心靈空虛!
整個訪問中,他多是將金錢掛在口邊...

當然,金錢很重要!
只是孤獨地去活下去,換了是我,早就抑鬱而死了!

有時我想想,雖然我並不富有,
可是,我其實也活得快樂。

或許,是因為我本是個隨遇而安的人吧! :p

星期日, 11月 19, 2006

椰子燉烏雞湯





呢個係我昨晚o既宵夜:椰子燉烏雞湯

材料:大半個椰子 + 半隻烏雞

去買椰子時,記住叫佢俾番包"椰子水"你,燉湯時就將o的椰子水倒入燉盅,唔夠就再加清水...

咁燉出o黎就會好清甜,因為有o的椰子舖未必會主動俾番包水你,所以記住問佢拎番~

p.s. 如果怕肥就唔好燉呢個湯,因為椰子o既椰油都幾肥o下的...

星期三, 11月 15, 2006

秋涼

呢幾日都好似好累咁,尤其眼睛...
所以日頭上完網,夜晚都唔再開電腦,早o的上床訓...
可能又咁o岩先秋涼,所以想早少少訓,10 點幾就攤上床。
但到第二朝鬧鐘響,我依然唔願起床,奇怪!

昨日知道o苗o苗被公司裁員,都有點唔開心!
希望佢快o的搵過第二份更好的工作啦~

星期六, 11月 11, 2006

美食節

美食節真係超多人!
檔檔都好"墟冚"o下~
我只係揀最少人o既檔口買o黎食..
幫襯o左 "飯田" 買 鰻魚飯 & 咖喱豬扒飯
鰻魚飯都幾好味,
咖喱豬扒飯 我覺得都好好味,不過o的豬扒就超硬!
因為佢o的飯盒一早整定晒,買時應該係"叮"番熱成盒飯...
o個o的豬扒硬到唔入得口...

其次就係去潮州檔口 買o左一份"鹵水鵝",每份 $ 30-
如果買一斤就 $ 80-
都唔錯~
另買o左一個 "鹵水鵝肝",$ 20-
有點硬...

冇再去其他檔口幫襯,
因為實在太多多多人了!
用剩o的飛唯有留番下次...

星期三, 11月 08, 2006

豬小姐

頭先去買燉湯,買o左 2 個細o既當歸首烏燉雞湯,都係 $ 29-
又真材實料,真係好過自己買o野燉...:>
飲o左 2 碗,而家好飽...
覺得好似好暖身咁,真想立刻覺覺豬... 0(. .) 0 zzZ

「豬小姐」~ 胡杏兒版本

雖則天真的蠢豬 我未搏得歡呼讚譽
然而有你愛上我的短處 快樂也許不必富庶
繁盛世界慣了已冷眼 去看我滑稽的際遇
能令你去發笑 也有用處 我用傻事去捐輸

多麼蠢的蠢豬 個個也來揶揄
充當不起公主 並沒段段艷遇
悠然面對這悲劇遭遇 齊集給了你當笑話書

多麼蠢的蠢豬 我勝過條人魚
即使爭都爭輸 仍然從未怪罪於天主
就當戀愛運肯特殊 期望你前來叫我蠢豬
講愛情暗語

即使悲觀的烏龜 我亦看出牠的美麗
仍然有你愛我我都矜貴 快樂要先拋開智慧
誰又會似隻蟻去獻世 各有各獨一的慣例
同樣你愛錫我 那有代替 證實人沒有高低
開心多麼簡單 要愛有何疑難
不必苦苦支撐 但願是是但但

誰人自怨說生活艱難 成就似爬完勉強高攀
開心多麼簡單 那怕愛人平凡
A餐B餐C餐 原來無論吃什麼早餐
共你的每日都燦爛 而幸福秘訣太過簡單
於好處著眼

多麼蠢的蠢豬 個個也來揶揄
充當不起公主 並沒段段艷遇
悠然面對這悲劇遭遇 齊集給了你當笑話書
多麼蠢的蠢豬 我勝過條人魚
即使爭都爭輸 仍然從未怪罪於天主
就當戀愛運肯特殊 其望你前來叫我蠢豬
講愛情暗語

星期六, 11月 04, 2006

mommy 寄給我的禮物



睇o下!
係 mommy o係星加坡寄來俾我o既 迪士尼禮物! :>
係o係迪士尼入面買的呢!
不過佢係諗住係 萬聖節禮物,點知寄到來已經過了萬聖節了!:p
因為澳門的郵局實在太慢了!激死!

我係第一次收到迪士尼的東東呢!
(除o左上次 mommy 放我信箱o個o的之外)
hehe~~ :>

美容妙品 ~ 珊瑚草




呢幾年都好流行食 珊瑚草 (又稱:海燕窩),為素食一種。

整o既方法好簡單,先浸洗,又開一煲水,加適量冰糖、拍一片薑,煲滾後就可食用。

如果煲耐o的,珊瑚草 會完全溶掉,雪涷時呈o者o厘狀,口感不俗。

但如果想有咬口,只需滾十分鐘就可以了,咁可以保留佢一條條o既形狀,食時似食o者o厘條咁。



珊瑚草 (未浸洗前)



浸洗後 (好多沙的,浸時要換水,又要"漾"o下佢。)

一條細細的可以發到好大,所以每次只需浸 三幾條 就夠一次食用。


珊瑚草來自純淨海洋的養生植物,只生長在紅潮帶經過之完全無污染純淨海域,受海水與日光交替的孕育,由於其族群產量有限,採收過程艱難,所以極為珍貴稀有,學名為「厚岸草」,又稱麒麟菜、鹽草、諴草、福草、神草、長生不老吉祥草,周朝時日本人曾將它當作貢品獻給中國皇帝。

其營養成分極高,蘊涵極豐富的海中酵素、膠原蛋白、水溶性纖維、多種維生素與礦物質(鈣、鐵、鎂、鉀、磷、鈉.....等) ,故有「海底燕窩」的美名,它含有高鐵、高鈣、高纖維是女性養顏、美容及維持健康的聖品。

美容聖品-

珊瑚草又稱海燕窩世界稀有珍品珊瑚草,以現代科學分析含豐富酵素、膠原蛋白及鈣、鎂、鐵、鉀、磷、鈉等礦物質。穩定心神、更年期最需元素,可幫助小朋友增高,預防骨質疏鬆,消除皺紋、補血、瘦身、解除便秘、養顏美容的聖品。

宿便是萬病之源,珊瑚草如何清除宿便?

由於珊瑚草生長於海岸的濕地,它所吸收的海水水分被太陽蒸發後,在一公噸的海水中只積存一公克的酵素與礦物質其交互運作,此精華成分,可發揮自淨作用,能將長年累月附著在腸壁上的宿便排出。排出宿便,您可感到頭腦清晰、腹中有如和風般的舒順,這是因為宿便所分解的毒素不再被吸收到血液中之故。

因而相傳在周朝的時候,日本人將珊瑚草當作貢品,獻給中國皇帝,珊瑚草自古即被當作不老長壽之草。

為何珊瑚草是吃的化妝品?

由於宿便的清除加上含有豐富的膠原蛋白和鐵質,腸子和血液保持潔淨新陳代謝變好,皺紋、黑斑會變淡,肌膚呈現光澤、臉色紅潤自然變得年輕、漂亮、充滿活力,而珊瑚草是具有此功能的最佳健康食品,也許可將稱之為食用化妝品。

珊瑚草成分分析表 (100g中)

鈉       6.31%

鹽分      15.7%

鈣       671mg%

鐵       441mg%

磷       139 mg%

鎂       661mg%

鉀       475mg%

Ph (4%溶液)   7.6

成份分析表內容摘自神奇的珊瑚草健康法,杉野孝一郎著

珊瑚草精力湯:

1.珊瑚草+水+蜂蜜+檸檬

2.珊瑚草+水+鳳梨

3.珊瑚草+水+蘋果

4.珊瑚草+水+芭樂

5.海燕窩蓮子冰糖

6.海燕窩涼拌雞絲

7.海燕窩果凍或茶凍

浸泡方法:

清洗3次後,加入少許檸檬汁,浸泡飲 用水冬天24小時夏天8小時(換水3-4次),即可食 用或料理。

泡開後須冷藏保存。

以一兩的珊瑚草加水3000CC,適量的糖、枸杞,大火滾開後,再小火一小時後熄火,待半溫不燙手時,過濾珊瑚草、枸杞,將湯汁裝進杯器中,待涼就會結成果膠般,再放冰箱冷藏即可。

以上材料,依個人喜好可適量加減。

川芎白芷天麻南棗燉魚頭湯




呢幾日都頭痛,又唔想食止痛藥,所以燉o左 川芎白芷天麻南棗燉魚頭湯 o黎飲...
川芎白芷天麻呢o的藥材,去藥材舖同佢講幾多人飲,佢就會執好一包俾你...
我呢包就執o左 $ 30-,係 2 人份量。

去街市買個大魚頭,都係 $ 1x-藥材洗淨,魚頭用少少酒(一湯匙)撈一撈佢,落埋水,燉 3,4 個鐘就可以了。 (記住要拍一大片薑)

但o的湯o既味唔係人人都鍾意,不過如果長期有頭痛/偏頭痛,飲o左自確係可以有幫助...

(轉載自網上)
功效:
驅風活血,健脾醒腦

說明:

天麻,是廣府人熟識而且常用驅頭風,止頭暈眩痛的要葯。其味甘,藥性平和。有平肝息風,定惊功效。常用於治療肝陽上亢之眩暈頭痛,惊厥癲癇,抽筋,中風癱瘓,高血壓,偏頭痛,肝腎不足之四肢麻木等症。

近代研究,天麻含天麻素等物質不但能安定鎮痛,還有抗炎,增強記憶,擴張外周血管,增強心腦血流,增強心腦對缺血缺氧的耐受力,因此而用於治療神經衰弱,神經性頭痛,三叉神經痛,血管神經神頭痛,長期伏之頸項刺痛,腦血管病之後遺症等。

而川芎藭,即川芎,川白芷,即白芷是活血驅風,行氣止痛要葯。
能擴張周圍血管,增強冠狀動脈血流,有較強的止痛鎮靜作用。
與天麻為伍,煲魚頭湯,不但有癖穢除血腥,增強本湯香甘鮮味,而且使湯水之葯力倍增。

大頭魚,因魚頭特大而得名。
此魚,味而葯性溫。

魚蛋白豐富而質優,有暖胃益人功效,是最正氣之淡水之魚類。大魚頭,有極為豐富之膠質,更有以形(魚頭)補形之妙。

天麻川芎南棗魚頭湯味香腴而鮮味,葯味俱全。

星期五, 11月 03, 2006

木糠慕士 cake




呢個係之前有網友同我訂o既木糠慕士cake,我唔明個餅底究竟係點?
因為o的餅碎晒出來!
我覺得應該係牛油 + 餅碎 先 work!
下次再整我會用 牛油餅底!
為o左遮醜,我用o左膠紙圍邊,冇咁醜...:p



聽人講葡京不夜天o既 cake 好味!

所以叫人幫我買o左 3 件,都成 $ 50-

不過我覺得麻麻地,唔多o岩我口味咁... :<