老歌

灰灰的天
空空的街
千串細雨點
用斜紋交織出一張冷面
微涼的風中
街中一把遭棄置的破傘
說怎麼過這一天

曾很喜歡 陰陰天
因我愛看雨點
在微涼風中洒向你輕吻你面
然而今天 空空的街中
飄飄雨內
沒有你
陰的天
極討厭

冷冷雨 Wo……
沒焦點因找不到你
冷冷雨低泣彷彿要等你經過
我說冷雨求求停吧
別追憶泡影一個
忘掉雨裡過去有愛侶走過...

網蟲

滴滴答答，又下雨了...
天氣忽爾轉涼...

上網上得眼也累壞了，這幾晚決定不再與電腦廝磨，
還是早早跟棉被纏綿來得實際。
不知從何時起變成網蟲，
有事沒事往網上蹓躂...

上網簡直是天大的發明，世界雖大，
但只需一條網絡便可與身處彼岸的陌生人閒聊面談，
只可惜人心難測，
網上的天使，也許現實中郤是魔鬼！

一如我！
一個雙面人...
並非活在你心中的天使...

宵夜

尋晚又同 姐李、公主 去康記食宵夜~
當然又係我地最愛o既 乳豬海鮮煲 啦~~
公主最愛青口、姐李最愛蝦、我最愛蝦蟹，
最尾叫一個伊麵慢慢煲，個伊麵索晒o的味精湯，
好鬼正！

食完姐李叫我地去摩卡玩老虎機...
嗚~~
我輸o左一百蚊呀！ :(

雜說

今日又燉o左人參燉烏雞~
係用上星期剩番o既一半材料...
我加多少少杞子，燉耐少少...
出o黎湯o既顏色深o左好多，而且湯味亦到更濃...:>

今日用 我愛你 幫我買o既 素色魚膠粉，
整o左 朱古力慕士 & 雲石芝士餅 俾我媽明朝拎返佛堂...

唔知道硬度適唔適中呢~~

p.s. 用 V 仔朱古力o既時候，想擘開朱古力時，好硬！=="
好難先整得開呢...

生日...LV

尋晚，去o左 欽點燒 食 buffet，有好多我鍾意食o既壽司，好好味...
跟住，同 fd 去o左 漁人碼頭露天酒吧飲o野，原來仲準備o左個葡京買o既蛋糕... :>

漁人碼頭 露天酒吧，氣氛很好呢！

如果覺得冷，還可以叫侍應點起桌邊o既火爐...

有多隊唔同o既 band 唱英文歌，有好多鬼佬 & 賓賓 仲出去 band 前跳舞呢...

而最令我意外的是，除o左花之外，

我竟然仲有一個銀包...係 LV 呢

我從來冇諗過我呢生人裡面會擁有一個 LV 銀包！

一來我唔係做賭場 (因為賭場做的差不多大部份都用 LV)、

二來我唔係名牌擁護者 (亦都唔識名牌)...

我最貴o既手袋不過係幾百蚊o既日本貨而已...

這是我人生中第一個擁有的 LV (說不定可能亦係一生人中唯一的一個) ~

電子磅 & 朱古力

這是 我愛你 及 一眾貓友 送給我的電子磅~
我愛你，看！
朱古力 有 55 g 呢~

有了這個電子磅，我以後可以更準確地量出材料的份量...
也可以準確地量出幾 g 的重量...
平時我用的小針磅，相信要退役了！
小針磅 伴我走過這兩年的寒與暑...
我會好好的保留它！

花

今日收到o既第一份生日禮物，係花店送o黎o既 11枝 淺紫色玫瑰... :>
我最鍾意紫色，呢紮花係全紮紫色的...
I LIKE IT.

第二份 係 HK 貓友寄o黎o既 電子磅！ :>
本來想影相，但我已收番入箱，今晚返屋企先影... :D

好開心！

穿耳

頭先去精品店買o野，睇睇o下耳環抽起條筋想穿多一個耳洞...
就即刻穿...
o拍！(一聲)
(好痛呀！ >o<")
個心立即後悔...
幾十歲人學乜鬼o野人地穿耳呀~~
十幾年前都怕痛怕發炎，冇再穿多次...
而且一年都戴唔到 2 次耳環...
唉~

一路行返公司，一路又諗...
我唔記得自己血小板唔夠，有排唔埋口...
(以前o係醫院打針，打完唔止血，結果成條褲都係血，嚇到個姑娘乜o野咁...)
又唔知穿耳洞o個度乾唔乾淨，一陣因為咁惹o左 AIDS 咪死...=0="
況且我又日日洗頭，洗頭時實會(哪)到好痛.
抹頭時 大毛巾又會o卡到耳環，實好痛的...

嗚~~
早知唔穿耳啦！

吞 pop

我老闆要去大陸開一星期會，開到 25 號...
但佢今日竟然o係公司出現！
佢竟然吞 pop o係廣州竄返o黎！激死人！
唉~
佢返o黎即係又輪到我冇得吞 pop...
悶死我！

曲奇

今日終於都收到了 愛蓮 & o古o魯 寄給我的 情人節曲奇，
但全部均發毛了...=="
由 HK 寄來 MACAU，我不明白為何要十天時間...
不過一海之隔...

另外，昨天本來會寄 2 筒迷你杏仁餅 + 1 包加蛋餅 給o古o魯...
但到郵局過磅時，這小小東西竟收我 $ 50- !!!
癲！
我當然不寄！
原來由 澳門 寄平郵 到 HK， 500G -800G 收 $ 50-
難怪郵政局年年都虧本，收人天價郵費，啥還會寄信呢...？

我愛你 今天寄給我一大袋代買的蛋糕材料及用品，
用貨運公司寄速遞，今天寄 明天收貨，不過 $ 20- 而已~~

爛茶渣

又見到報紙賣 觀音開庫，即係我農曆生日o既來臨時~(後天是新曆生日)
今日係我正式踏入爛茶渣o既日子...
嗚~~
以後我都唔再夠膽大大聲話俾人知我幾多歲了...

當人生踏入爛茶渣階段，
我開始不再執著某些事物...
人老了，愈知道自己想要的是甚麼...

今朝一早食o左豐富o既早餐：辣魚蛋公仔麵 + 熱檸茶
等陣中午買飯盒時，打算 買多一隻雞脾 (免切) 慶祝自己生日... :>

尋晚有諗過整紅雞蛋俾自己，
但諗諗o下...咁麻煩！
自己又唔多鍾意食烚蛋...
因此作罷！

堂二家姐

尋晚先知道我 堂二家姐 離o左婚...
聽到呢個消息，我覺得好震憾...
雖然我地從來冇聯絡，但我仍清晰記得我二家姐的模樣...

我記得我好細個時，佢已經十幾歲...
我仍然記得佢當時一對 星星、月亮 耳環，我覺得對耳環好靚！
一邊係星星、一邊係月亮...
(而家諗番其實係好普通o既一對銀耳環，但對當年的我係一種震憾，令到我一直對星星月亮耳環情有獨鍾。)

堂二家姐 係一個好典型o既美女...
長頭髮、眼大大、面尖尖、鼻高高、五官精緻(似中葡混血兒)、身材高佻纖瘦(比我還要高)、懂得打扮、性格斯文溫婉...
我諗佢大我十年吧！ (我實際上不大清楚)
只記得我讀初中時，佢已經生o左一個女...

但產後至今佢身型依然纖瘦如昔，絕對仍然稱得上為美女...

對佢當年老公的模樣，我已沒多大印象...
只記得佢好後生就結o左婚，
然後，聽聞過佢老公醉酒車禍，全身骨折、卧床數月...
二家姐也不離不棄照顧佢...

今次離婚，想必佢老公又有女人在外...

我相信，離婚令我二家姐心靈 必受重創...

還望佢從此以後，快樂人生、逍遙自在....

素食魚膠粉

我愛你 已經幫我買o左 素食魚膠粉~
過 2 日會寄俾我！
我打算星期六會整 朱古力慕士 俾我媽拎返佛堂呢！

尋晚飲o左人參雞湯，我成晚都眼光光、訓唔著！
我唔記得我之前飲過又係咁...
因為人參雞湯好提神，
結果我今朝先入睡，剛睡不久鬧鐘就響了...想死！

人參燉烏雞

今日第一次用個電子燉盅，就燉o左人參烏雞湯...
當然唔係咩名貴人參，只係o係八佰伴賣 $ 3x-/包 的 cheap cheap 長白山人參~

買o左一隻烏雞
$ 10- 豬肉
2 個陳腎
紅棗、杞子、元肉 適量

點知當我拆開個電子燉盅，先發現個燉盅好細...=="
唯有先燉半隻雞、半o舊豬肉、一個陳腎先...
其餘雪到冰箱，下星期再燉...

我仲好懵地唔記得落人參，
當我插掣後才醒起！
急忙落了 2 條人參...

原來用電子燉盅還是會乾水的...
要中途加水...=="

燉了差不多 4 個鐘，雞湯清澈見底！
我愛煞這種湯水！
但如果論出味計，我還是會選擇煲湯！
煲可將肉味完全散發，但會較為肥膩...
不能與燉湯相提並論...

HK

尋日搭 5:45 去 HK，今日又係搭 5:45 返o黎~
去o左 HK 都唔夠 24 小時...
因為我好白痴地買o左個電子燉盅！(蘋果報見到 ok 有得換，我又o岩用，所以換...)
成個電飯煲咁大，又重又性...
今日拎o左佢一日逛街，真想丟鬼o左佢！
又累又病病地咁，索性早o的返o黎 macau....

buffet

頭先去駿景酒店食 buffet，抵到不得了！
情人節晚都係 $ 108-
中銀咭 仲有 九折！超抵！
有生蠔、涷蟹、北極螺、三文魚、吞拿魚等，又有飲品！真係超抵！

我又貪心，拎o左 5 件蛋糕埋o黎，又拎o左一個手掌攤開咁大o既蛋糕仔... (上圖)
飽到我反肚咁滯！ :p

走時入摩卡 win o左 $ 100-
very lucky. :D

書店

今日又出血，每次逛書店，總會買到書。
以前買心理書、跟住買手工書、編織書、而家就買整餅書...
小說就更加不在話下，由細買到大...

好奇怪，就算去 HK 逛街，我一見到有書店都飛撲入去...
被朋友喻為怪人！
佢地個個都鍾意逛商場，我就覺得超悶！
我鍾意逛書店，佢地話我係怪人...
怪嗎？
愛好不同而已~~

朋友的老公同我朋友講：
話我表裡不一！
睇我外表 T恤、牛仔褲、波鞋，好好動咁...
但我竟然識整蛋糕...(佢覺得整蛋糕係好斯文、內向o既女仔做o既o野。)
好奇嗎？
佢都未知我仲識煮飯、織冷衫、睇書添...
哈哈~~
我一直覺得自己係典型賢妻良母型女人...:p

醜醜 cream cake...

呢個係我第一個整o既 cream cake，原來 吻 cream 係好有難度o既事...
我一直以為呢o的係簡單o野，但我諗都冇諗到原來好難吻得靚...
呢個係幫人整o既情人節蛋糕，整得唔好我都唔好意思俾人...=="
唯有以朱古力粒o黎遮醜...

醜醜 黑森林蛋糕，希望我妹唔好介意... =.="

雜談

尋晚好夜訓！因為要整朱古力蛋糕仔...
我阿媽無端端星期五晚又同人地開大食會，
我驚今晚會整唔切，所以尋晚整定先...
攪到我成點幾鐘先訓...

我阿媽o的 fd o既女話我整o的蛋糕好好味，想跟我學整蛋糕...
我第一時間拒絕o左！
我係一個好冇耐性o既人！唔識教人...
而且我係自學，手勢唔多正確...
細路女要學，俾錢去"桃子"學o下正確手勢 好得多...

靈感

好想寫o野，但冇乜靈感...

我係o個種o係唔開心情況下就可以寫好多文章o既人...

但我冇理由為o左寫文章而 keep 住咁o既心情o卦~

發夢

今日返工仍然冇乜意欲做o野...=="
好懶啊我！
最好有人養，日日o係屋企整o野食、睇電視打發時間...^^ (<-- 發夢ing...)

可惜冇... :(

死啦！愈o黎愈唔想返工...唉~~

聚舊

今晚同o的 中學同學 去食晚飯...
哈哈~~
我地又講番以前o既o野...
人大了
原來仲有好多o野，係唔會忘記的...

完美的 海綿蛋糕~~

呢個海綿蛋糕，係我暫時o黎講整得最成功o既一個...

材料： (6" 模)
雞蛋 3 隻
低筋麵粉 50 g
粟粉 16 g
糖 66 g
鮮奶 20 ml
菜油 1 湯匙

加水用蒸焗法，焗約 20-25 分鐘~
p.s. 我係用分蛋法的~

印尼椰汁千層糕~

呢個食譜做出o黎o既千層糕比較煙韌，我其實唔鍾意太韌的...




食譜來源： http://www.leisure-cat.com/frm_1202.htm

材料︰
木薯粉 300 克
粘米粉 40克
椰漿 (1大罐) 400克
砂糖 250克
暖水 200克
班蘭葉香精 半茶匙

用具:
1. 9cm x 18cm 長形模2個。

製法:
1. 暖水溶解砂糖，備用。
2. 木薯粉、 粘米粉混合，加入椰漿，砂糖液拌勻。
3. 糊漿分為兩份，其中一份加入班蘭葉香精。
4. 先倒一層糊漿入蒸模內蒸3-4分鐘(熟透)，其後兩種糊漿。
5. 重複交替用完為止， 製成品放涼後切開享用。

夜涼如水

立春了，天氣還是乍暖還寒。
天空彌漫著霧水，沾到皮膚也有股寒意沁進骨子裡...

夜了
坐在電腦前，手足冰冷，郤還堅持喝著一口涷水...
應該擁著一杯熱水吧？ ！
我太懶了！亦實在不喜歡熱水的味道...

年初七了
電視還播著薜家燕與歐陽波比的 賀年歌"歡樂年年"
單看波比，也真夠開心！
他那四萬式的笑容，看得人會心微笑...

老

今日又有少少頭痛...
我昨晚已經 11 點訓，唔知係咪仲未習慣要早起身...=="

新年轉眼就過，人愈大就愈覺時間過得快...
或者應該話係人愈老就愈過得快...
有時諗番讀中學時，真係好似尋日o既事咁...
轉眼間身邊o的人都結晒婚、生埋仔...

我公司o的阿伯，就成日同我講 四幾年係點、五幾年係點...
佢地都好鍾意懷緬舊時...


唔通呢o的係老人o既通病？

年初四

明日就要返工，超悶！
我都唔明點解要咁早返工！
以前實係年初七！今年竟然年初五... :(

放假對我o黎講，係可以訓晏覺、整o野食o既日子...
不過呢幾日整得太多蛋糕，再整都唔會有人要，所以唔可以再整了... =.="

其實對於我o黎講，我覺得只有 年三十晚 & 年初一 係新年，
之後o既都係普通假期...
仲要係周圍舖頭都唔會開o既假期...
去食飯、宵夜 間間舖頭都冇開...超悶！

蛋糕債

今日係 1 月 31 日，年初三~
我整o左 3 個 cheese cake + 1 個朱古力 mousse + 1 個天使蛋白蛋糕
( 昨日亦都焗o左 4 個 cheese cake )

我好識利用時間，先攪o左 3 個 cheese cake，
由於我個係細焗爐，所以要逐個焗。
咁o係焗 cake o既時候，我就爭取先間整 mousse...
然後再整蛋白蛋糕...

呢 2日 夾埋整o左 9 個 cake...
我想趁呢幾日假，還晒我o的蛋糕債~

今晚雖然係年初三，但我o既晚餐只係 辣魚公仔麵...
我其實經常性o係o的大時大節 食飯盒、公仔麵...
有時一路食一路喊，根本食唔落...
一個人，如果唔係因為唔食o野會胃痛，我諗我會選擇唔食吧！