大食會食物

星期一晚，學烹飪o個度攪一堂大食會...
我已想好焗一個"日式 cheese cake" & 蒸一底"印尼九層糕"
不過都係諗！
因我星期六、日要去好多地方添置家居用品！
如果我星期日有空，先會攪呢o的o野...
因為我星期一晚開課，要去上堂...
大食會與我無緣了...
攪大食會還是由我提出添！結果我自己冇份參予...
嗚~~~

p.s. 好在我係o係 ccc 上堂，就在學烹飪的對面，所以可以拎到食物去。

惡噩

今天下午收到一通電話，傳來一個惡噩...

聽到你裝輕鬆的聲音，心裡登時往下一沉...

不怕的，希望在明天，不是嗎？

雖然我著實很擔心你...

雨傘黨

一向覺得夏天開傘擋太陽，是極度"師奶"的一件事...
想不到我自己也要成為雨傘黨的一員！
下午返工路上，大太陽曬得我幾乎溶化..=.=
搽再多的防曬面霜，也給如雨下的汗糊掉！
紙巾一張接一張的濕透，嗚~~~
想死！
下個月搬到青州，還要在萬里無"樓"的新區往來，
準會將我燒焦！

謎

唔知點解，我成日都會要去做一o的"我從來冇去想過"o既事...
好多o野係我由細到大都冇諗過去做o既o野...
好似十幾年前教書咁，我根本由細至大都冇諗過做老師，結果戇居居下教o左幾年小學...
又冇諗過自己會買樓，結果傻o下傻o下又供緊樓...
而家，可能又會有一樣o野我要去做，唉~
但呢樣o野我唔多願去做，唉~~

第一夜

昨晚在氹仔睡的第一夜，由於不太習慣一個人睡(指全間屋)，
所以廳間我也不熄燈...
又不習慣那張床，結果輾轉反側...
熬到 4 點才睡著...
累得我今早變身大熊貓，有一對比眼睛還要大的眼肚...

今晚及明晚我都不回去睡了~~
因貼了通告在 30 號淩晨 1-2 時會停電 (更換電纜關係)
而我唔知佢係今晚定明晚停電 (雖然應該係指今晚)，
但而家三十幾度高溫，我都費事去搏了...

(o依)(o我)大法

今朝返到公司，我部電腦俾人搬走o左...=="
原來搬o左去隔離房，仲將我個位放o左o係(對住)冷氣機口...

但我發現，竟然無得上網！
因為我而家個位無電話線...
我同我老闆講：咁我咪冇得收發 e 貓？
佢竟然答我：唔收住o羅~
我：大半個月唔收 e 貓？點得呀！
佢跟住話佢明日拎部 notebook 返來放隔離，頂住檔先...
妖~~

於是我成朝施展(o依)(o我)大法 <-- 註：不是移魂大法
佢都頂我唔順！
叫個雜工中午快o的拖番條電話線過來...xppp

燴雞飯

見到 6x2 o既燴雞飯食譜，我自然會試一次...

不過我無買到 花紅粉，亦討厭青豆，故將佢改頭換面，做o左自己喜好o既燴雞飯...:p

參考食譜來源：
http://www.wretch.cc/blog/kkccmenu&article_id=8811903

材料：
清遠雞 半隻 (切成 4 大件)
煙肉 100g (切成細片)
黃椒 1個 (切粒) <--- 黃色燈籠椒

洋蔥 1個 (切粒)

乾蔥 2粒 (切粒)

蒜頭 數粒 (剁碎)

香葉 2片

香草 少許

去皮蕃茄 1罐 <去汁切粒狀> (可用新鮮蕃茄，去皮備用。)
蕃茜 適量 (切碎)
米 1.1/2 碗
水 6碗
鹽 適量
胡椒粉 適量
花椒粉 (Papraka) 2 茶匙

* 另需準備一可入焗爐之器皿 (我用不銹鋼兜)

造法：
1) 鑊下油，爆香煙肉，爆至微啡色，撈起備用。
2) 再下雞爆香，煎至金黃撈起，不用煮熟。
3) 再爆香蒜頭、洋蔥、乾蔥，後下去皮蕃茄，煮至收水。
4) 下 2 茶匙花椒粉、香葉、香草及黃椒，炒勻。
5) 下米及6 碗水，不斷兜勻，以免焦底。
6) 加回 煙肉及雞，加入適量鹽，不斷炒，水滾後稍為收水，熄火。
7) 將全部材料 倒進不銹鋼兜內，封上錫紙，放入已預熱之焗爐，以 200度焗 20分鐘。

註：
1) 如不欲用焗爐，可加多少許水，不斷兜炒，致收水時蓋上鑊蓋，熄火焗一下，可免生米。

搬去氹仔

其實都拖o左好耐，我一直都冇搬去氹仔住...
但近來太多人嘈，話好多人買o左經屋，但又唔入住...
攪到而家房屋局話會徹查，會收番冇人住o既單位...

煩！
我過 2 日就會搬去氹仔住...
以後要日日搭巴士返工放工，煩死！

煩

尋日o既公眾假期，我覺得好似星期六咁，攪到今朝幾乎唔願起身...

尋晚走去 成記 食飯，三十幾度當然係食小菜，唔係打邊爐。
但冇冷氣真係唔掂！睇怕都要等冬天先會再去幫襯...
佢o的客少o左 2/3 都唔止！
同冬天o既全場爆滿，簡直兩回事！
好心佢o既室內就開冷氣啦！(室外冇得開就冇計)
呢o的錢邊慳得？

我今朝問個雜工，做乜唔拆隔離房o的冷氣先？
佢竟然答我：新 office 差我部冷氣未裝！
原來佢地拆o左第二度o既冷氣搬過去，隔離房o既唔要...
頂~~
係咪玩o野？
佢仲同我講：我老闆叫我搬埋過隔離房坐咪得o羅！
我心諗：坐佢條命o羊！
我部電腦o係我房，做乜都要用佢，我坐過隔離數手指o羊~~
最慘隔離部冷氣，開o左等於冇開，咁有乜分別？
妖~~~

黐 x 線

晏晝公司有同事同我講：我間房部冷氣，星期六會拆去安新 office 度！

我個心即刻爆出無數句粗口：攪 x 錯呀！仲有成個月先搬，使唔使咁早拆呀？想熱死我呀？

我老闆都黐 x 線！又唔拆佢地房o個部？

神經！

我同事仲話我老闆特登唔同我講先，費事我瓜瓜叫！

黐 x 線o架！我下個星期開始要捱一個月冇冷氣的日子！

而家三十幾度呀！仆街！我間房冇窗o架！妖~~

我實會俾佢攪出個燥狂症！

明知全公司我最怕熱！我間房長期保持雪房狀態！

佢地自己唔怕熱，長期開 24 度仲要係一格風o個隻，開o左等於無開！

好心就拆佢地o個部先啦~~ 都忽o既！

最衰個死人冷氣佬！成日都咁忙！

我老闆見佢今星期得閒，就叫佢拆定先...

妖！黐 x 線o架！

我由下個星期開始，實會躁狂足一個月！

怪

尋晚原本諗住打食譜，點知一開電腦，最下o個行英文字o的掣全壞了...==
本來想叫人幫我買個 keyboard 返來，但見 9點幾，算吧啦~~
但夜o的用用o下，o個行掣又 ok 番！
唔通因為潮濕關係？

9 月

唔知攪乜鬼！
我成 10 年冇去過讀書，一打算去讀，就九萬樣o野開班...
我尋晚返葡式烹飪班時(尾2堂)，翻譯小姐話：可能 9 月會又開班...
咁我當然即時叫佢問 miss 會唔會教重覆o既o野，
miss 話唔會，會教新o野！
OH~~
我地成班即刻話，唔使登報紙啦！原班升讀咪得o羅~~xD
咁當然係唔得o架啦~~
死啦！
9 月可能會開土生菜班，又會開葡餐班...
但我個中文課程要讀埋 9 月...:<

我尋晚已經幾乎立即決定，到 9 月唔讀個中文課程了...
如果我報到呢o的班的話...

泰皇宮

今晚終於不用迫巴士了...

放學迫巴士很惱人！

永遠沒有座位，要站著...每次回到家都害我累得賊死！

放學後走了去"泰皇宮"吃晚飯，

這種 2 人套餐，$ 128-

有：湯、炒通菜、炸蝦餅、燒豬頸肉

湯像是椰汁雞湯甚麼啦！

當然加了錢換上我至愛的冬蔭功湯...

湯煲中間有塊熱炭在滾著滾著，湯還在沸騰呢~~ :p

但湯中怎麼會有蔥這種東東？=="

害得湯味怪怪的...

叫了椰青汽水等東東，埋單 $ 180-

不算貴！

可是味道郤不大適合我啦~

不會光顧第二次啦~~

天公造美

尋晚睇張學友演唱會，好彩天公造美，唱完先下毛毛雨...

原定7:30開場，點知遲到成8:30先開場，
引起全場鼓譟！
我地買o的飛先抵死！
$ 180- 只係睇到台上有粒米o係度郁，連個所謂大銀幕都唔多睇到，因為係正面。
演唱會o係個大球場擧行，一個長隋圓形，我地就坐呢個隋圓形o既兩側，所以睇鬼到！
就算買正面o既飛，都o係隋圓形o既一頭一尾，死啦！睇鬼到o羊！
最近o既 vip 位，係o的膠櫈，都算頗遠！
未開場時，好多人大叫：回水！

我地仲話，求其搵個人o係台度跳跳o下，都未必有人知佢係替身！
最好搵番 林家棟 扮學友，大銀幕就播帶，咁就更難察覺！哈哈~~

不過好彩，俾錢去聽都抵！
佢每首歌都唱到好似聽碟咁正！
唔會好似第二o的咁，一唱現場即刻走晒樣...
唱o左近 3 個鐘...

我仲諗點解唔唱藍雨？
到最後，佢話唔敢唱，因怕一唱藍雨就立即落雨...
不過差唔多完場，所以就唱...

佢o既演唱會好值得睇，真係想下個月去 hk 睇多次...

走時諗住去宵夜，因為冇食飯...
點知兜o左好多間舖頭都冇位！
可能因為個個睇完演唱會，走去食宵夜...
兜o左成半個鐘先食到...

點知返去又失眠！
呢兩晚都係失眠！都唔知攪乜鬼...

童話

我會變成童話裡　
你愛的那個天使　
張開雙手　
變成翅膀守護你...

http://mediaserver.iwant-in.net/player/casx.php?GApp=mv&GFiles=michael_fairy.wmv

暴雨警告

今早天文台發出暴雨警告，下雨真的似倒水耶~~

幸好今日星期天，可以足不出戶...

(過往會分紅色及黑色暴雨警告，但由於引起學生上學混亂，結果統一為暴雨警告訊告，不再有顏色之分。)

下午已經停雨了，唯望今晚可別再下。

因為今晚我要到澳門運動場欣賞 張學友演唱會，是露天的大球場！

萬一下雨，準會變成落湯雞了...

燥

今日心情好差！
隔離屋都離譜！
晨咁早o係度鑽牆！想訓多陣都唔得...
鑽一陣，停o左！
o岩o岩訓番佢又再鑽過，正仆街！
煩到死！
呢o的o野好心o係星期一至五整啦~~

佢地最仆街o既係，平日有時夜晚十一點幾，走o黎啄肉餅！
發癲！
啄肉餅 早o的啄得唔得？夜晚九點整得唔得？
o的人好似唔知隔離鄰舍要訓覺咁...
攪到我夜晚訓唔著，真係想走過去鬧鬼佢地！
不過朝見口晚見面，又費事攪到咁僵咁...

咳

咳o左成個星期，又買咳水、又蛇膽川貝液、又去飲咳茶，都仲係咳...
就o黎咳死我！
唔知關唔關一早飲涷o野事呢？
唔知o羊牌子咳水好o的...
星期六都係去買第二隻咳水試o下... 一.一"

煩

遲o的要o係氹仔返學，我諗我可能都會o係氹仔訓...
因為搭巴士好辛苦，去又一個鐘，返又一個鐘...
不過o係氹仔訓，就冇得上網了！=="
而家我氹仔間屋o既 前面起緊學校、後面間學校又擴建中，
斜對面又起緊賭場，日頭嘈到不堪...=="
最慘又好大塵！
今年其實都係不大適合住人，唉~

烹飪班

而家好後悔報o左個中文課程，點解呢？
因為尋晚上葡式烹飪班時，翻譯小姐話遲o的可能有個 "澳門土生菜班" 會開~
現還在洽談當中！
如果開班會係 9 月開始...

我個中文課程要上埋 9 月！
如果佢開班，我實會撞時間！
如果我又報到名，到時我唯有忍痛唔讀，走去上烹飪課...=="
因為呢o的烹飪班好少會開...
但如果撞時間，我要返少 4 堂中文班...
唔知點算，因為仲要考試...:<

母親節禮物

今日走去 LE SAUNDA 買o左個真皮手袋俾我媽...

由於我媽不噴香水、不化粧等，故我覺得最實際都係買手袋！

夏季來臨，揀o左個米白色，比較易襯衫呢~~ (唔知佢鍾唔鍾意)

(其實我次次都係買手袋俾佢... =.=")

乾燒伊麵

見到 6x2 的乾燒伊麵食譜，由於材料簡單，立即決定星期六晚要試一試...

幸好煮出來還可以...

家人評分為 80 分，我自己則評 75 分。

街外吃的乾燒伊麵較韌及偏鹹，自己煮就可以煮得比較林身及控制味道...

食譜來源：

http://www.wretch.cc/blog/kkccmenu&article

_id=8615610#comment133982925

材料：（3-４人份量）

大伊麵　　2個

草菇　　　半罐

韭黃　　　適量

調味料：

酒

水 或 清湯

雞粉　　　2茶匙

蠔油　　　3茶匙

砂糖　　　1茶匙

鹽　　　　1.5茶匙

老抽 適量

事前準備：

1) 韭黃切1吋長。

2) 伊麵先用滾水煮透，然後撈起，用清水沖去伊麵本身的油份，備用。

造法：

1) 燒熱炒鑊落適量油爆香草菇、贊酒、落適量水。

2) 下：雞粉、蠔油、砂糖、鹽 於(1)中。
3) 落伊麵慢火炆(視乎情況再加水及油)，伊麵半乾時放韭王，韭王不要炒太熟。
4) 下老抽炒勻上碟。

註：

1) 下老抽後試味，如不夠鹹可立即加入蠔油，不要下鹽。

2) 炒草菇時，水只需要半碗至一碗，不然會太多水，炒伊麵時間變長。

發雞盲

今日中午放工，返到去睇到晾衫繩上有一隻大草蜢！
(因為隔離屋有人養雀，平時都有買草蜢，時有漏網之魚，所以我唔覺得太奇。)

到差不多返工時，見大草蜢仍在，所以走埋去睇o下...

結果，我發現...........................................................原來只係一隻綠色o既膠夾仔！

心裡不禁罵起：黐線！日光日白都發雞盲...

安德魯 葡撻

我至愛 ~ 涷檸茶
咖啡

葡撻

牛角包

泰式辣雞沙律

之前去o左路環o既 安德魯 cafe 下午茶~

佢原本轉彎位o個間 cafe 好細，去親都冇位的！

好彩佢而家開多間o係迴轉處 間藥房隔離，咁先至有位o乍！

不過真係好多人！

o的o野食都要等好耐先到~
但呢o的咁o既 cafe，我都真係幾鍾意去呢~~ :>

飽到嘔！ xp

好味味o既麵包，餐廳師傅自己焗，好鬼正！

雜菜湯
pizza

炆羊膝

魚子醬長通粉

我至愛：chocolate cake

前個星期六晚出去 媽閣水師廠對面o既 PIZZERIA TOSCANA，

原本佢o係碼頭對面好好 view，不過賽車大樓要收番舖位，

所以佢就搬返去老闆自己媽閣個舖位度...

我次次去 比薩，我都必點 chocolate cake.

係我o既至愛~~:>

今次叫o左呢幾樣o野，我其實已經好飽！

但我堅持要食一件 chocolate cake，

結果......................行到半路 我已經嘔番出來！

因為個胃就好似塞滿o左o既垃圾桶咁，要回吐！ :p

食o野食到咁，我真係好離譜！=="

光影魔術手

修改前

修改後

mommy:

我發現到一個o岩我呢種電腦白痴用o既軟件呀！

你入下面條 link ，down "繁體 0.23" 落部腦度用~

http://www.wretch.cc/blog/mscraft&category_id=2858545

咁就可以將又黑又沉o既相，變為鮮明o的o既相...

簡單都你唔信！

你搵張相試o下就知~~

抵學葡國餐

尋晚去學葡國餐，發覺葡國人口味同中國人真係唔同！

佢教整 蒜茸白酒豬肉，佢買o左 3 斤豬腩肉！

用油炸豬腩肉，嘩！勁肥！

之後仲要用o的豬油來煮飯，嘩！嘩！肥肥肥！

最後食時，嘩！嘩！嘩！o的豬肉又韌又硬！

真係個個都好怕，結果當然食剩好多啦~~:p

跟住同個翻譯姐姐傾開，佢話佢驚個 miss 蝕本！

因為呢班 20 人，材料費每人 $ 250-，夾埋總共 $ 5,000-

個 miss 就係拎住呢 $ 5,000- 買呢 12 堂材料，但佢堂堂買料都起碼 6-7百！

嘩！ miss 真係蝕硬！佢真係唔話得...

貼埋錢o黎教整o野食...

美國長柄士多啤梨~~

幾大粒！
盛惠 $ 78-

99% 古力~ $ 30.5-

前日去 八佰伴，買o左大大粒士多啤梨~

真係好大粒o架！

一粒要成 5 啖 先食得晒~:p

又甜又大粒，貴得有道理~ :>

買o左牌 可可成份 99% 的黑古力

公司個葡國阿伯 今日入院做"通波仔"手術，

等埋佢出院休息完返工時，先開o黎食~

因為我成日會買黑古力俾佢食...

日日食一粒黑古力，可防心臟血管病呢~~

揹起書包

懶了 10 年的我，終於決定報個短期課程讀o下！
課程為期 4 個月(6-9月)，返星期一、三 晚上 6:45 - 8:45.
不過最痛苦o既，莫過於又係返 氹仔！
我放工不能回家沖涼洗頭，要直接趕搭(迫)巴士返學...

課程內容係學：辦公室的中文書信往來、通告等。
我報呢個課程，原因係讀中文！
因為我呢個英文盲，對中文比較有興趣。
其實考入學試時我已滿懷信心，因為我覺得o的題目好淺(不過60題中有幾題唔識)，我仲係第一個交卷...xp
我直情考完試已經走去睇筆袋，
諗住買個有特色少少o既...(但到而家仲未買到)

p.s.我都覺得自己有點自大！哈哈~~~

葡國鄉村菜式 ~ "雞飯"

30/4 上葡式烹飪班時，學會了煮一道"雞飯"~


美味至極！


故 1/5 假期立即實習一次！


原來真係好容易！:>

材料：
雞 1 隻 (必須全隻，半隻飯會不夠味) <雞斬件，一隻雞斬開 6-8 大件。>
紅蘿蔔 1 條 (切粒)
蒜頭 6 粒
洋蔥 1 個 (切粒)
芫茜 適量
香葉 1-2 片
豆冦粉 少許
辣椒粉 少許
海鹽 適量
橄欖油 適量
米 適量
水 適量

造法：

1) 橄欖油下鑊，爆香蒜頭、洋蔥、紅蘿蔔，然後再下雞件爆香。

2) 下 2 碗水，加入芫茜、香葉、豆冦粉、辣椒粉，慢火煮，不時要攪拌以免黐底。

3) 煮至開始收水時，加入海鹽調味。 (此時雞汁漸濃，香氣四溢。)

<雞肉可試味>

4) 加入適量水，水滾後放入米。(開細火)並要不時攪拌，以免黐底。

5) 煮至飯開始收水時，加入海鹽調味。(煮好時屬於 濕飯類)

6) 煮好後蓋上蓋，熄火焗一下。(以便飯焗透，不會生米。)

註：

1) 煮飯時，要緊記：每 1 碗米 就要落 3 碗水，如想多汁就可下 4 碗水。

2) 我買了清遠雞。

3) 雞油 全部要保留、也不能去雞皮，因為要保留原汁原味。

4) 雞要斬大件，以免飯多碎骨。

5) 雞煮好後肉會鞋會靭，著重的是食原汁雞飯而已~~

材料：


加 2 碗水煮材料

中火煮至收水

加入水及米

飯已煮熟

雞飯

尋日 5-1 假期，我o係屋企整o左前晚學o既 雞飯！
係炆o的雞，用o的雞汁來煮飯，煮成濕飯，
好鬼正！
正到我要即刻煮一次...xp
不過由於o的雞要炆成個鐘，所以o的雞好鞋好靭，
主要係食個原汁原味o既雞飯...:>


尋晚睇o左蜘蛛俠，覺得超失望！
套戲講蜘蛛俠好高調地鍾意市民o既擁戴，又做好多o野、又有好多悶場o既感情戲...
完全脫離o左蜘蛛俠o既常規！:<
今集一o的都唔好睇！