再見 Rainy day

尋尋覓覓,冷冷清清,淒淒慘慘戚戚...

星期日, 5月 28, 2006

蜜糖吐司片




今日切了吐司了!
切的時候很開心...
有幾片有洞洞呢~
一定是捲的時候捲得不好所致...

係用o古lu 幫我買的吐司切切器去切,笨笨的我卻未能切到每片都同大小呢~
還有要謝愛蓮幫我買吐司模,popo 幫我寄...

吐司好軟綿綿,食後口裡有種甜甜的感覺...
是因為用蜜糖的緣故吧!

今次做的吐司,我改o左用 2g 乾酵 + 1 大湯匙天然酵母
效果也不錯呢!

mabel 的食譜,真是一個寶! ^^~

星期六, 5月 27, 2006

蜜糖吐司




今日跟 MABEL 個 blog 整o既~
原食譜:
http://www.wretch.cc/blog/mabelchong&article_id=5169056

不過我冇楓糖,改o左用荔枝蜜糖~
第一次整吐司,個外表麻麻地,有待改進...
希望聽日切o黎食o既時候,食得落口啦~~

星期五, 5月 26, 2006

怪人

每朝唔係 早餐A 就 早餐B~
中午唔係 鮮茄雞絲飯 就係 火肉鴨飯...
萬變不離其中,人也漸變得沒趣...

每逢有人問我:生命o既意義在於乜o野?點解我地要不斷賺錢去生活?
我會答:等死!
然後又會例牌式咁答:
生命o既意義唔係在於佢o既長短、結果。
而係在於中間o既過程,只要我地活得精彩,就可以無悔今生了!

哈哈~~

其實,我係一個只重視結果o既人!
我唔在乎中間o既過程,
只想要得到 我想要o既結果!

當然~
我並唔係不擇手段o個類人...
o係我知道達唔到我想要結局o既時候,我就會適時放手,以免誤人誤己...

我經常會做一o的別人睇落去係 奇哉怪也 o既事情...
例如o係一個鍾意我、但我唔鍾意佢o既男性面前,我會吸煙嚇走佢... (我本身唔吸煙的,但明知佢唔鍾意女仔吸煙。)
o係一個我唔鍾意出席o既場合,做出各種奇怪擧動、令人側目,
好令到別人下一次唔會再迫我去我唔想去o既地方...
多次拒絕同一個人的約會,若對方再死纒爛打,我會o係約會中途搵第二個男士o黎接我走... (好絕吧?!嘻~)

凡此種種,不能盡錄!
個個都話我係怪人一個~

我知,此為不圓滑之擧!
但我就係我,o係唔傷害別人o既前題下...
我,又何必在乎別人o既睇法?

星期一, 5月 22, 2006

達文西密碼

早幾日已經睇o左 達文西密碼,
係上畫第二日去睇的~
o個場 9:30 全院滿座!
戲院 1:00 開始賣飛,
我個 fd 1:30 去到排隊,已經係買o的唔靚o既位...
由於片長 2小時30分,所以戲飛每張都貴 $ 10-

我其實都唔明o的人,第一、二行o個o的要"岳"高個頭去睇...
咁都買飛?

一開場好失望!
女主角 珂德莉塔圖 老o左好多!
同 天使愛美麗、天使愛過界 時相比,真係老o左唔止 10 年!
我覺得外國o既女人,唔多注意保養!
廿幾歲個樣已經好老...
但 HK o既女人就唔同!
3x 歲 個樣都仲可以 keep 得好好...

套戲做到中途,我幾乎訓著咁滯!
可能觀眾多,呼出o既一氧化碳太多了!
我差唔多想放棄望住個螢幕,心諗訓著算了! :p
戲院冷氣又涷,涷到我係咁震...=="

其實套戲都算值得睇o既,
不過就唔好抱太大o既期望...

星期五, 5月 19, 2006

寧靜

每日營營役役,只有夜深時份真正安寧...
可恨身心均感疲憊,已沒閒暇去沉思細想。
幾已忘記逸樂憇靜之詳和,
只有午夜夢迴,
沉溺於半夢與半醒之間...

寧靜,於我已成奢侈之物。
只有淺嚐醉人紅酒之際,
方能忘郤世俗煩擾,
讓味蕾釋放心靈...

星期四, 5月 18, 2006

藍天白雲

晨早已經藍天白雲、陽光充沛!
毫無跡像顯示昨天仍是颱風日子...
這次颱風並沒有往常的特大雷雨,只是風勢頗大而已。

昨晚 9:30 已經睡了...
可能因為睡眠時間充足,所以今早也特別精靈...

原本打算看《達文西密碼》~
但說康城首映時,
全場2000人 無人鼓掌!
劣評如潮!
令人失望...

星期三, 5月 17, 2006

如意算盤打不響

如意算盤打不響了!
原本以為今天會有一天颱風假的,
故昨晚早就量好糯米粉,打算今天搓糯米糍...
現在計劃泡湯了! :<

不真的確定會掛八號風球,
那新聞就不要說嘛!
害人家空歡喜一場... :<

星期二, 5月 16, 2006

8 號風球

頭先黃昏 6 :30 澳門已經掛起 3 號風球,
7:00 澳廣視新聞 仲話 明朝可能改掛 8 號風球。

期望我明朝一早醒來已經掛o左 8 號,等我放假一天! 期待呀!!!

如果明日 8 號風球,我會整食食...
例如 饅頭、糯米糍...

不過只係暫定,亦都可能係訓訓訓 都未定!

千其唔好訓醒時仍然係 3 號呀!
咪我一定好失望 !!!

星期一, 5月 15, 2006

木棉

昨日路經白鴿巢,只見漫天棉絮...
駐足細看,原來是木棉花的花朵...
白白棉球一顆顆,中間有黑色細粒花托...
那場面真正震憾!
整整數條街道,彌漫著一片白白的飛花...
但一再回頭,也找不著木棉樹的蹤影,
想必白棉花從老遠飄來...

只是,
卻苦了鼻敏感患者,
因為空氣混濁,
令人癢癢的呢!

星期五, 5月 12, 2006

我難過

那一年默默無言 只能選擇離開
無邪的笑容 已經不再精彩
你害怕結局 所以拼命傷害

說是我擋住你的美好未來
你堅決 不希望我等待 
我便默默的讓你走開
如今你 受了傷回來 
叫我如何接受這安排

我難過的是 放棄你 放棄愛 放棄的夢被打碎 
忍住悲哀
我以為 是成全 
你卻說你更不愉快

我難過的是 
忘了你 忘了愛 盡全力忘記我們 真心相愛
也忘了告訴你 

失去的不能重來

星期三, 5月 10, 2006

世界上最遙遠的距離

世界上最遙遠的距離 不是 生與死
而是 我就站在你面前 你卻不知道我愛你


世界上最遙遠的距離 不是 我就站在你面前 你卻不知道我愛你
而是 明明知道彼此相愛 卻不能在一起

世界上最遙遠的距離 不是 明明知道彼此相愛 卻不能在一起
而是 明明無法抵擋這股想念 卻還得故意裝作絲毫沒有把你放在心裡

世界上最遙遠的距離 不是 明明無法抵擋這股想念 
卻還得故意裝作絲毫沒有把你放在心裡

而是 
用自己冷漠的心 
對愛你的人 
掘了一條無法跨越的溝渠

星期一, 5月 08, 2006

身邊的小故事 (真人真事)

公司的上海老伯,人稱 廖生,已經七十多歲了...
老闆還是不願讓他退下去,因為他的建築經驗豐富,難找到比他更好的寶貝!
廖生以往曾經多次嚷著退休,都被我老闆說服了...
自從他妻子癌症去世後,他再沒有提過這一件事...

他有一子一女,兒子在澳門某高級酒店做大廚...
女兒 已嫁往馬來西亞多年...

廖生 是一個純純的老人(因為他腦海內滿是簡單的思想),
是中國第一代大學畢業的知識份子。
為人彬彬有禮、說話擧止溫文儒雅,
在他妻子去世前,他從來沒有 銀行戶口,
因為他的薪金全存進他妻子的帳戶裡,
他說是因為不想理財這種事...

他住在高尚住宅裡,自妻子離世後,
兒子一家也搬往同住,說是為了好好照顧他。
由於他的兒子早出晚歸,每星期只有在放假那天才能說上幾句話...
平日屋內就只剩他媳婦及孫子 ...

可狠他媳婦把廖生視作透明,
閒時不打招呼,彷彿屋內從沒這個人存在過...
廖生 只好每天放工就躲到房裡去,晚上獨自在廚房煮食...

有時 廖生的好友到訪,
媳婦也會一起打馬吊,
但卻常會因輸贏問題而在眾人面前擺出一個晚娘臉!
弄得老人家顏面無存...
而廖生郤只有啞忍...

今回,女兒老遠從馬來西亞回來探望父親,
媳婦也不給情面,
對與女兒同來的親友不啾不睬!如同陌路!

忍耐多時的廖生 將所有屈辱向女兒傾吐...

結果,決定召開一次家庭會議...
兒子完完全全站在熄婦那面,還認為是老頭子的錯!

談判的最終決議是:分家!

由於高尚住宅當初兒子也有合資的份兒,
現在決定賣掉此住宅,所得金錢分成兩半,從此各不相干!

我不明白他的兒子為何如此沒有良知?
廖生 為人忠厚老實、吃了虧也不願哼半句...
現在晚年無依,真個是苦不堪言...

這個是發生在你我他身邊的一個小故事,
但願你我不是豺狼!
而是溫馴、有良心的綿羊...

星期日, 5月 07, 2006

微波麵包




好軟綿綿呀! :>
尋晚十點幾焗好,今朝食都唔怕硬呢! :>

原食譜:
http://www.leisure-cat.com/forum/viewtopic.php?t=23924&highlight=

份量 6 小個

材料:
鮮奶 約 80g
雞蛋 1 大隻
砂糖 20g
鹽 1/4小匙
高筋麵粉 135g
低筋麵粉 15g
乾酵母 1小匙 (我另加天然酵母 2 茶匙)
含鹽牛油 15g

刷液:
全蛋1個.
牛油數條 (切成如薯條般的小條狀)

做法:
1.牛油除外,所有材料拌勻,直到麵糰揉出一層薄膜。

2.麵糰放在抹油的鋼盆中,蓋上保鮮膜,進行第一次發酵。
發酵至2倍大,約60~90分鐘。

3.分割約60g左右,滾圓→搓成長型的水滴狀,鬆弛15分。

4.整形:擀麵棍將麵糰擀開為長形,用手掌壓在麵皮上由窄的那端捲起。

5.做好排入事先抹奶油的烤盤,要留小小距離,做最後發酵約30分鐘。

6.在麵糰表面刷蛋液2次,然後在麵包與麵包之間放上冰奶油條即可入爐烘焙。
200/170度C 20分鐘

星期三, 5月 03, 2006

運動

今晚終於"的起心肝"踩o左一粒鐘健身單車~
一路睇電視一路踩,過程比較舒服...
因為我慢慢踩、而今日又天氣涼,所以幾乎冇出過汗咁滯...@@"
人地話每晚踩一粒鐘單車,可以修大腿及修腰...
都唔知係咪真o既..=.+"

返埋聽日又放假!
後日係佛誔節!
會係我又做包包o既大日子...
希望今次又會成功!唔會失敗吧!

星期一, 5月 01, 2006

五.一




呢o的係尋日整o既東東...
跟書用直接法 整o既麥包(其實係吐司,但冇吐司模,變o左個大麥包...)
同埋芝士雪芳蛋糕~

可能因為天氣熱,個麥包好輕易地發酵好!
呢個包都算係我目前為止整得最好o既一個包!

等到 popo 幫我買o既吐司模寄到o黎,
我就會實踐我包包第一步曲:吐司 !
務求好似雪芳蛋糕咁!
整整整!整到好為止!

至於個芝士雪芳蛋糕,
我發現本書o既食譜竟然冇泡打粉!
根據我o既經驗,梗係自行加番落去啦...=="
唉!
而家o的書我覺得好多謬誤...
又唔係海綿蛋糕,冇泡打粉個 cake 邊會發得靚呢?
一陣整出o黎鞋口就真係搵鬼食!


今日五.一,藍雨廚房要休息一天!
聽日又要返工...
放假o既日子過得特別快,返工就係漫長一日,
好彩過幾日又係佛誔節,又放假!hehe~~