我愛舊毛巾

每回家裡更換大毛巾時，我總要渡過一段漫長的適應期。=="

我最喜歡用已洗得發白的大毛巾抹身及抹頭，毛巾又乾又粗糙，我至 like... :p
(好變態吧？)

不過我老媽會將用舊了的大毛巾剪開來抹東東，用完即棄~~

老媽常叫我在洗大毛巾時，要加進柔順劑，以免晾乾後又硬又鞋...
(我通常都聽不入耳)

我最最最不喜歡用柔順劑，老媽常說經我洗完後的牛仔褲，墮地時可直插地面 (有冇咁誇？)

可能...我是一個怪人...:p

朱古力慕士

尋晚學葡餐，係學 海鮮通心粉 & 朱古力慕士。
佢地整朱古力慕士 同我整開o既完全兩回事！
我平日慣用 cream o黎整，佢呢種唔用 cream，但用一種唔適合小朋友食用o既方法...
就係全程用生雞蛋！
方法就係 6 隻生雞蛋，蛋黃蛋白分開，
蛋白打至企身，蛋黃加少許糖打至奶白。
然後將已攤涷的熱熔古力，拌入蛋黃中攪勻，
最後就加入企身蛋白，完全拌勻。
雪涷就可享用~~

呢種慕士唯一可取之處，就係卡路里比用淡 cream 低好多！
而且食落口係好鬆好鬆！好美味~~
但佢o既缺點就係要食用生雞蛋！ <--- 此點實在不敢恭唯！

我想就算我再整朱古力慕士，都會沿用舊配方！
為的是怕肚仔遭殃...

生日禮物

星期六有朋友生日，我預備當日製作特色生日禮物。

蛋糕？NO.

我已經買定材料...

由於係第一次整，我只買了最平的材料...

$ 25-/兩 的翅仔、$ 23-/兩 的乾鮑仔

本來我想買的乾鮑仔係大粒小小的，

但藥材舖老板娘話：第一次整，先試一下平材料！好食下次先買貴一些的...

冇錯 ！我想整的：雞燉鮑翅 是也~~

小書店

平日下午若未夠鐘上班，總喜歡到"悅書房"逛一逛。
那是一間小小的書店，也售賣各種精品...
這是我小時候幻想將來會開的精品店。
因為它售賣的簿、FILE夾，看得出是精挑細選，大部份封面都是比較浪漫那種。
和一般文具店相比，高下立見。
如果我是這家店舖的店主，我想我會天天都在看書。
(不過我看書時，店裡的貨品就會全被偷去。xppp)
可惜當我漸漸長大，明白到這種 小書店 大多是賠錢的，
因為書會折舊，看的人多、買的人少呢...:p

麵包香焗葡國雞

資料來源：2007年4月11日 "澳門日報" E4版

註："葡國雞" 非正宗葡國菜，屬 澳門 本地創作而已~~
亦即是 澳門式葡國菜 ~

香而不辣葡國雞葡國雞，由移居澳門的葡國人所創，只在澳門才吃到。

據食店大廚所講，葡國雞是由一位家傭於無意中創出。

而煮葡國雞，有三多，材料多、香料多及工夫多，主要調味料黃薑糕與椰奶的配搭，令葡國雞香而不辣。

材料：
細豬仔包 4 個 ( 切開成半個<即 8 份>，將中間心麵包肉挖掉，形成一個洞。)
雞脾肉 1 磅
洋蔥半個
蕃茄 2 個
(葡國) 西洋臘腸半條
黑水欖 8 粒

葡汁調味料：(以下材料各份量隨意)
洋蔥半個
菜油
麵粉
椰汁
黃薑粉
雞粉
鹽
糖
胡椒粉
白酒
香葉

做法：

1) 雞脾肉切成丁粒，落少許雞粉、鹽、糖、胡椒粉、黃薑粉、白酒及麵粉醃好，備用。

2) 把洋蔥、蕃茄、西洋臘腸切成小丁粒，麵包一開二備用。

3) 將鑊輕輕燒熱，加菜油後，再放入已切好的材料及已醃好的雞丁炒香。

4) 再加入備好的葡汁調味料及少許清水，煮成濃汁。

5) 將已吸收葡汁的雞肉，放在麵包上。

6) 最後在上面灑上椰茸在上面，用攝氏 160度焗香便可，須留意火候以免焗焦。

貼士：

1) 將雞丁炒香時不要大火，因容易變黑及變硬。

2) 煮葡汁時不要太稀或太濃稠，太稀容易令麵包變腍身，如太稠則口感不好。

3) 除了雞肉可做材料外，亦可用罐裝法國蝸牛代替，菜式更覺名貴。

失眠

昨晚失眠！
到淩晨三時還是"眼光光"狀態...
想死！
可怒也~~

葡國美食

咖喱蝦

蔬菜蝦仁

如果想知點整，歡迎光臨我的廚房~~ :>

http://www.wretch.cc/blog/pigheadyoyo

黑古力

今朝一早已經覺得自己又憂鬱症發作，
於是食完早餐就趕緊去超市買盒黑古力作預先治療，
防止憂鬱症蔓延...
自知比較情緒化，
唯有一早想好應變對策。

養顏美白燉品 ~ 鮮奶燉花膠竹絲雞

先聲明，如果對燉奶無好感，可改以清水代替。

材料：

竹絲雞 半隻
花膠 幾隻 (我用了 3 隻)
鮮奶 1L(家庭裝，約 $ 10-)
薑 一小片

造法：

1) 雞 要出水、花膠浸軟剪開 出水。

2) 雞、花膠、薑片 入燉盅，倒入鮮奶(需蓋過材料)。

3) 燉 3-4 小時便可，飲用時加少許鹽調味。

註：
1) 燉好後，面會有一層浮油，宜撇除後才飲用。

假期完了

假期總係過得特別快，眨眼間又要返工...
習慣o左幾日朝朝十點幾先起床，今朝鬧鐘響簡直比死更難受...xp
不過呢幾日食得太多熱氣o野，
牙肉都腫起了！
今日要去飲o下涼茶先得啦~~:p

隨想

睇鄭嘉穎o個套電視劇，有好大o既感觸...

佢 ex 返來搵佢(ex 先前話要與他人結婚，要同鄭嘉穎個角色分手)，

但佢好決絕地 拒絕佢個 ex，仲o係現任女友面前表明立場...

佢仲話：一把傘裡面只可以容納兩個人，三個人太迫了...

我好欣賞呢種男人，乾淨俐落，絕不拖泥帶水...

如果個個都係咁，會係幾好呢...唉~~

拜山唔見豬

尋晚同人出街食飯，個 fd 同我講：
佢地尋日家族成廿個人(全部男丁)，買o左 2 隻乳豬，過氹仔拜山...
由於有兩個墳頭，所以拜完一個再去另一個...
點知...
係拜山o既時候，各人忙著各人o既崗位，有的插花、有的燒香、有的化寶...
到臨走時，竟然發現其中一隻乳豬不翼而飛！
天呀！有人偷豬呀！
今次唔係 拜神唔見雞，而係 拜山唔見豬~~xp

p.s. 聽佢講，墳場當時人頭湧湧，但相信偷的可能係大陸人，因為當時有好多大陸人o係附近開工。=="

假期

終於有時間整理一下相片，這是 mommy 上次從星加坡帶來給我的禮物...
我至愛的 菠蘿酥 & 花生魚仔~~:p


用具一大堆！(mommy 常花錢買東東給我) xp

今日書展中的收穫...

藍帶書一本、TONY WONG 的五星級蛋糕甜品 & 近來大熱的禁書：上帝的黑名單~

今個星期又有一個書展，這是我最愛的節目！

因為書展的書會有八折，比平日便宜很多呢~~
有很多平日不捨得買的蛋糕書，我也會趁書展時入貨...

澳門一年會有三次書展，分別由三間不同的書店舉辦。

要我去逛街我準會覺得累，但書展時我往往可以逼留一個下午...

因為蛋糕書我已有很多了！

基本上網友推介的我也會購置，故現在買蛋糕書時審慎了很多，

必定每一頁都翻過，確定一下真正值得買的，才會大破慳囊...

因為書櫃已經被我擠得滿滿...XP

無無聊聊

昨日氣溫一日之內急降 9 度，真正涼快！
前晚還要開冷氣，昨夜就可以擁著棉被呼呼入睡...:p

過兩天就是清明及復活節，又有多兩天假期...連續4天~
(可惜星期一 9/4 是香港假，不是澳門假。--" )
想想已多時沒動身做蛋糕，
打算放假時就盡快用掉雪櫃中的 2k creamcheese，
否則又會給送進垃圾桶了。 :p