聖誔快樂!
在此祝各位好友:聖誕快樂!身體健康! :>上星期五終於考o左我至怕o既心算!3 分 30 杪計好十題,但錯了一題!所以只得 50 分~不過唔緊要!因為 50 分o岩o岩好合格! :p下星期就要考流程,希望都可以合格,唔好有乜o野出錯啦~~~呢排日日都要考試,所以放假o既節目都只係溫習!慘無人道!
蠢鈍兒
好艱難地終於捱o左個半月,每一日的返工放工返學放學,簡直係身心俱疲!最慘仲係我晚晚放學沖完涼後,我仲要拎張數紙出來 背/計... (20-30 分鐘)我知無人好似我咁,夜媽媽返到屋企仲要咪數...無辦法!再唔將勤補拙,真係"做鬼都唔靈"!其他同學都早已上手,可以 2 分幾鐘做 10 題數,唯獨我一個慢人一截!佢地而家上完堂多數都係聚埋一張檯玩o下傾o下,唯獨我一個o係另一張檯不斷練習練習...當然~~佢地同 miss 都知我追唔上,所以同學都會走埋來教o下我...但我唔係唔識個方法,係我有o的仲要諗一輪個答案!須知一要計就會又過o左 30 秒,到執碼我又手腳慢,執錯跌碼上唔到碼 乜都有。下星期起,就係 2 個星期o既考試週,老實講,普通話係我弱項!口試 唔知點算~英文要讀的話,都難唔到我的,最怕係無時間讀!電腦科算最好的了...但計數就真係我天生o既弱項!如果唔合格,我應該點好呢?補考?睇怕都唔會再有心機去補考...如果呢個項目唔合格,1 月o既新項目我仲讀唔讀好?當然,如果真係唔合格,下一個項目,我可能都唔讀的了...
折磨
近月真係超懶!個 blog 都無更新過...返o左學個幾月,日日唔夠訓不在話,仲個個星期三、四已開始頭痛...結果個個星期六都要煲天麻魚頭湯。返學另一大慘,係自己腦筋遲純 + 手腳慢成績自然追唔上同學,加上自己係緊張大師,所以成日出錯!有時都好懷疑,自己讀唔到成績合格o既機會真係好大好大!所以成日都想放棄...因為十幾年無用過個腦咁,而家晚晚局住我用腦,壓力好大!