魚缸大災難

自從上兩星期發現濾桶壞掉，換o左新濾桶後，個缸o的魚就不停咁死...

壞濾桶幾日都無魚死，換個新o既就係咁死魚...

幾十隻蝦都瓜晒！

我明明已經用回舊有生物環，

唔知係咪因為o係大陸買濾桶時順便買了些大陸o既生物環同過濾炭...

都唔知關唔關事！

唉~~

我個缸而家空空如也...

但好奇怪！

粗生o既開缸元祖，全部都死晒！

但話易死o既 白老鼠、熊貓鼠，不自幾 enjoy 咁悠然自得，反而無死過...仲肥o左好多！

奇哉怪也~~

腸胃炎

前晚 8 號風球，去o左朋友屋企打邊爐...
由於係臨時決定打，所以只有超市買返來o既肥牛、蟹柳、乜丸物丸等一大堆o野...
無海鮮~
4 個人打，得我一個腸胃炎！
我尋日又痾又嘔，攪到我攤o係床度...手軟腳軟！
梗係無返工啦~~
好彩今朝無再手軟腳軟，咁就返o左工！

人人都無腸胃炎，得我有！真係黑！
唔知係咪因為食o左未熟o既雲吞添...

豬籠草

豬籠草 ~ 傳說會食蚊蟲的植物。

我家的豬籠草，近來多o左好多小豬籠，夜晚影得無咁清楚...

搵日朝早再影~~

老實講，我又唔多覺得佢有吸引到蚊蟲入豬籠內，不過勝在幾得意... :p

月餅又o黎啦~~

又差唔多到中秋，梗係月餅出籠o既時候啦~~

今次又攪o左 11 個鐘度，真係腰骨都直晒！

不過好彩，效果都 ok~~

唯獨今年買o的蓮蓉唔太靚咁！