焗蛋糕日

仲有個半鐘，我就開始放假~
因為我明日要幫我媽整o的小食，所以我放假一天！
星期一又係五一勞動節，唔使返工...
所以夾埋放 4 日假！

我媽間佛堂星期六起，一連三日o係"盧九公園"擧行佛教書展~
開幕時要有o的小食招呼人，所以我聽日定為 "焗蛋糕日"~~

今晚首先整o左印尼九層糕先！
因為要完全涷身先可以脫模，所以今晚蒸好，
聽日脫模及切片，再包膠紙，咁就成為一度小食~~

聽日一早會焗"芬妮蛋糕"~ (funny cake？分離蛋糕？)
呢個 cake 係跟書整，我未整過的。
希望唔好出錯吧！

仲有整o下蛋糕仔咁啦~~
因為我媽話訂o左 椰撻仔、芝士三文治仔 咁~~
已經夠開幕用了！

由於書展o個度冇雪櫃，
所以想整涷餅都唔得呢~

電車男

昨天整日都懶洋洋，沒有再焗甚麼蛋糕...
只有在星期六下午做了 10 人份量的楊枝金露...

電視版的電車男滿攪笑的，我喜歡看呀！
因為他同網友的對話，蠻像我平時在網絡上跟網友胡扯一樣...
有共鳴呢！ :P

昨天下午就看了電影版的電車男，
發覺故事大綱雖然一樣，但拍攝手法各異，
感覺完全不同...
是浪漫那種...

但看見那男主角哭哭啼啼，就覺得想揍他一頓！
這種沒男子氣概的傢伙，
我認為應該將大石綁到他身上，
然後把他踢下大海，讓大魚吞噬 !!!

發炎

經歴了差不多兩個月的折磨，我最終還是放棄了我新穿的耳環洞！ :<
人家一個月就會埋口，
我的傷口還是不斷的發炎，
已經天天抹上藥用火酒，它還是愛理不理的不願愈合！
單單看見那黃黃的膿水就夠討厭了！
算吧！
不要了！
反正多出一個耳環洞也不過是為了美美...哼！

中醫

呢兩日想去睇中醫，結果中醫都休息，原來係返o左鄉下...
攪到我o的"感冒未清"一拖再拖... :<
唔去呢間睇中醫，又唔知去邊間好...

今朝有o的頭暈暈o既感覺，
唔知係咪因為尋晚成一點先訓o既關係呢~

今晚要早o的訓了！
但我又想搓包包...
心大心細中...

復活節

復活節假期轉眼就過o左！
放假o既時間過得特別快...
條 街真係好多好多遊人€
睇報紙好多香港人過o黎玩，
佢地去氹仔買豬扒包條人龍好得人驚！
澳門都冇乜人會鍾意食豬扒包，但香港人個個都話覺得好好食！
唔通香港冇豬扒包o羊？


呢幾日都焗o左幾次雪芳蛋糕，都已經唔怕下陷了！
想掌握好基本蛋糕先再整o的深入少少o既，因為有好多都要蛋糕做底...

落葉

落葉不是深秋的專利嗎？
為何在上班的途中會滿地凋零？
現已屆春夏之間，怎麼一地黃葉？
大太陽底下，不是青葱的綠蔭，而是光禿禿的樹椏，
真個想把人曬得皮開肉裂...

是植物不合地區生長嗎？
還是植物的生長期產生變異？
我沒去深究，
只知道，
落葉代表結束，
但也代表了重生...

雜談

感冒未清，結果仲係冇去睇中醫...=="
因為唔想去睇...

尋晚食o左 2 個芒果，覺得好滿足！
我至愛芒果！好好味~~
本來諗住一次過食晒 5 個，
諗諗o下又覺得誇張得滯...
hehe~~

無線就o個套"向世界出發"
我覺得好啱我睇！
尋晚佢做o左半個鐘介紹片，
我已經諗住每晚有時間的話，一定唔可以錯過...
佢介紹o既係我地日常知識範圍以外o既o野，
一o的我地諗都冇諗過o既生活...
實在可以大開眼界！

v 仔古古力復活兔~~

呢隻係o係 "葡京" 買o左 v仔古古力復活兔~
葡京餅店出品一向真材實料！
呢隻古古力兔係用 法國 v 仔古古力造~
$ 48-/ 170g
我覺得都幾抵買！
因為我o係 hk 買o既 v 仔 1kg 都要 $220-

頭先用手搣開食時，覺得自己好似摧毀o左一件藝術品咁！
好殘忍呢~
不過已經有半隻o係我肚入面了~~ :p

痰

呢幾日好多痰，最慘係吐不出來...
在氣管處唔上唔落，攪到我訓唔到覺...
因為好像塞住喉嚨處，抖唔到氣咁...好辛苦！
我冇去睇西醫了！
因為食o的藥好散！
出去飲o左 2 日感冒茶，
又食o左 2 包九製陳皮，都無助吐出痰...唉...
好辛苦呢！
今日我媽叫我去飲o左o的苦茶...
如果星期一仍然係咁，我媽叫我去睇中醫...
中藥好難飲，好苦的！ >.<"
我覺得仲難飲過廿四味...
但我聲沙了已經一星期，講o野都冇乜氣！
又鼻水長流，好慘！
本來我想買細路仔食o既 "蛇膽川貝液" o黎試o下，我媽話唔好買呢o的...

唔知有乜食o左係可以去痰的呢？
我呢幾晚訓得唔好，
好似隨時會俾痰堵塞氣管而窒息咁...

我的好貓友~~

呢幾個就係我o既好網友 ~ 為食之友會！ :p
個個整 cake/ bread 都係一流的！
尤其拎住玫瑰花的 popo，
做o既蛋糕簡直可以媲美大酒店！
色香味 俱存！又大膽創新！
嘻嘻~~

涷水浴

今日好熱o奥！ >.<"
熱得返到公司已經汗流浹背了...
立即開冷氣以求涼快！
雖然明知這樣子會很易感冒！
但太熱我會脾氣暴躁啊！

昨天到墳場拜山時，大伯他們預備了一大堆祭品，
燒了一個多小時，熱得我全身汗濕透！
回家立即洗頭洗澡！
真想洗個冷水浴！
但太冷了！結果臨陣退縮，用回暖水...
還被我媽責駡：感冒還洗涷水？想肺炎嗎？
我內心嘀咕著...

感冒

今朝早o的走，去o左睇醫生...
因為我又感冒！ :<

晏晝冇返工了！
訓o左一陣 兼焗o左雪芳蛋糕~
未食過已經俾o左一個人地~
其實呢個食譜我未整過的。
而家食o左藥冇晒胃口，連試味都唔想食...
食o左藥個人o牛o牛o豆o豆咁...想死！

印尼椰汁九層糕 (改良配方)

今次整，我係利用貓網食譜改過o黎的！
因為我嫌佢個食譜太韌了！
我今次整出o黎o既就不會太韌，口感蠻好的！ :>

藍雨配方~~

材料：
木薯粉 480 克 (即係一包)
粘米粉 200克
椰漿 2大罐 (即 800ml )
砂糖 500克
暖水 400ml
班蘭葉香精 2 茶匙 (綠色)
士多啤梨味香精 2 茶匙 (粉紅色)
椰子味香精 2 茶匙 (白色)

製法:
1. 暖水溶解砂糖，備用。
2. 木薯粉、 粘米粉混合，加入椰漿，砂糖液拌勻。
3. 糊漿分為 3 份，各份分別加入不同味香精。
4. 先倒一層糊漿入蒸模內蒸3-4分鐘(熟透)，其後 3 種糊漿。 (每層用粉漿 200 ml)
5. 重複交替總共 9 層為止， 製成品放涼後切開享用。

酵包

尋晚用天然酵母搓o左個麵包，
經一日室溫發酵後，頭先諗住焗o黎做宵夜...
點知...
焗出來真係好軟熟、內裡組織好靚！
但係..............好酸耶~~
激死我了！
次次用天然酵母，一長時間發酵就會產生變酸呢個問題...
攪到我鬼死咁失望！
唉~~