織織復織織

星期日織好o左一條波波冷頸巾了~
但冇時間再織其餘 2 條，因為而家想快o的織埋件冷衫個袖...
一晚只織一個幾鐘，睇怕要織到下星期先會完工。
希望到時還冷，可以落到啦~~

一大衝擊！

今日下午焗番 o古 lu 俾我o既 包包 & 蘋果餡餅...
屋企人一路食一路話好好味！
仲話包包好味過街買o個o的...

食完開埋 lazy cat 包 餅餅...
又香又脆...

屋企人食完之後同我講：你整o既o野食只係叫 "入得口"！
你班朋友整o既o野先可以叫做：好好味！

WA~~~<

你識唔識整呀？

呢幾日聽得最多o既說話，係：你識唔識整呀？

早兩日收到禮物後，第一樣拆o黎食o既係：mommy o既 菠蘿酥~
我地一路食一路話好好味，我妹問我：你識唔識整呀？
我：...................一.一"

跟住食 bees o既 冰皮月餅：黑糯米皮、芝士藍莓餡的~
我老豆同我妹一路食一路話好味，我老豆話：好滑好滑呀！你識唔識整呀？
我：...................一.一"

尋日開o左 mabel o既蜂蜜蛋糕食，
我媽話：好軟熟呀！同街買o既無得比！你識唔識整呀？
我：...................一.一" (我心諗：我整過幾次啦o咼！ 證明我整唔出 mabel o既水準..==")

由於其他東東我自己一個人收埋慢慢食，
所以應該唔會再有俾佢地問我o既機會！ xpp
(我癈事一拎出o黎，又問我識唔識整！ 一.一")

mabel 俾得 3 o舊 鳳梨酥 我，我只係一日食一o舊，留o左一o舊今日食...
點知尋晚我隻貓"摷"我個袋，食o左我o舊 鳳梨酥 少少...
WA~~~
唔制呀！
我本來留番今日食o架~~

與星加坡網友一聚

昨日下午終於見到 mommy 了，佢幫我o係 H.K. 帶o左好多美食過來~~
全部都係 H.K. o既網友整俾我的東東...
有好多的，包括：包包、冰皮月餅、鳳梨酥、曲奇餅、九層糕、蘋果酥，仲有好多好多...不能盡錄，總之就係一大袋！ :>

我估中o左 愛蓮 同 lazy cat 真係送 Yves jam jam 俾我，我幾咁叻！xppp

尋晚同 mommy 出去打邊爐，佢大讚好味！
我帶佢去南粵批發市場o既 成記，叫o左 肉蟹海鮮豬筒骨煲~
叫o左：菜、烏雞丸
咁就飽飽！
我地由 7:00 食到 9:00，跟住同佢周圍逛~

本來仲諗住帶佢去埋食宵夜，不過佢話已經食唔落了！:p

今次見完，下次就不知何年何月才會再相見！


有時真係覺得好奇妙~~
一部小小的電腦、髮絲般幼的光纖，
竟然可以令地球上 2 個本來毫不相干、沒有交集的人結為好友...
互聯網的力量，真好比上帝之手... :D

又買波波冷

我尋晚又o係大陸買o左 3 o舊 波波冷 返來...=="
其中一o舊係上次o個隻冷，我諗住駁番長條頸巾...
我問地下商場賣冷o個個人，原來佢話織 10 針就夠了！
(佢話最多都係 12 針)
唔怪得我織唔到咁長啦~~=="

而家我又好矛盾，我織緊個袖，我當然織埋先啦~
但我一日只織個幾鐘，又好似唔多夠時間咁...
2 隻袖我有排織了！
到我織起件衫都唔涷！
再織頸巾又遲，o的冷出年又唔興！
唉~~



肚痛

我尋晚又肚痛啦~~
尋晚去o左大陸打邊爐，我返到來又肚痛啦~~
已經第三次去大陸打完邊爐返來，我會肚痛...
但其實三次都係去唔同地方食的...

尋晚去o左 吉大 o既 馮魚頭，叫o左 天麻湯底打邊爐...
人地食完又唔怕，得我一個肚痛o乍！
唔制呀~~

睇醫生

我今日真係要死去睇醫生了...=="
今日o的感冒重o左好多呀！
嗚~~~
想唔幫襯醫生都唔得了...一.一

等陣早o的走去睇醫生，跟住返屋企 織冷衫 或 訓覺...:p

感冒

嘩！今朝鼻水長流，慘！
尋日食o左消炎藥，喉嚨雖然唔痛了，但今朝好明顯係患上感冒...=="
我前日下午o係公司仲吹緊風扇，公司o的人仲話我誇張。
想不到今朝已經要著 羽絨褸 + 頸巾，當然都係一件薄衫...:p

尋晚挑針挑o左個幾鐘，到 10:30 就已經決定上床訓。
天寒地涷，最好都係早早訓好了！:p

玩意

我件冷衫終於被我救番！
努力o左 3 晚，拆完又織、織完又拆，我終於叫做攪掂o左條領o既收針！:o
雖則唔算靚，但都 ok 咁~
今晚我就會挑個袖，對我來講，挑袖應該會簡單o的...:p

一直認為自己係賢妻良母型(可惜脾氣暴躁又火爆)女人，
周時去攪呢o的別人眼中o既無聊玩意...:>

不過對於我來講，我寧願玩呢o的仲好...
可能我個人較孤僻，鍾情獨處。

有時聽到某o的朋友話去 打麻雀、逛街買化粧品，我會立即皺眉。

果真 甲之熊掌，乙之砒霜。 :p

從開始到現在

一直喜歡張信哲的舊歌：過火、寛容、愛如潮水、別怕我傷心、從開始到現在、不要對他說...

在唱片舖，一直找不到齊全這些舊歌的精選碟，反而在大陸的商場，那些老翻卻一應俱存...

很可笑吧？

那次去大陸食飯，就終於給我買到了精選的老翻...
(其實個心想買張質量較好的正版碟，奈何買不到。)


我喜愛的歌... ( 還有：不要對他說 )

如果這最后的結局 為何我還忘不了你
時間改變了我們告別了單純
如果重逢也無法繼續 失去才算是永恆
懲罰我的認真 是我太過天真

難道我就這樣過我的一生
我的吻 注定吻不到最愛的人
為你等 從一開始盼到現在
也同樣落的不可能～

難道愛情可以轉交給別人
但命運 注定留不住我愛的人
我不能我怎麼會願意承認
你是我不該愛的人...

唉~~

我有件丟低o左 N 年o既冷衫，只織o左個衫身，早排收埋個領，鬼五馬六咁...
頭先諗住拆o左個領織過...
點知，我太暴力！連衫身都拆爛埋...
唉~
唔要得啦佢！

果然，唔屬於自己o既o野，迫唔來的...
唉~~

全澳至好食金錢餅 ~ 潘榮記

睇蘋果日報 蔡瀾 專欄，佢話澳門最好食的金錢餅，係 潘榮記~
金錢餅 係用蛋黃做成，並非全蛋。

呢檔金錢餅好出名，係新馬路噴水池都有分檔，好多港客都幫襯。

我特登買o左幾盒送俾朋友，雖然唔值乜錢，不過希望佢都鍾意食啦... :p

15 吋 的巨形白菜~

我老闆常說佢屋企一年 365 日都 住家菜不求人！
全部係佢工人自己種，不落農藥，天然健康又大棵...
今朝佢又講佢工人唔知點種菜，o的菜大到不得了，全部都有一隻手前臂咁長...
(菜心、芥蘭、白菜 皆是)
我話有冇得睇o下？見識o下？
佢打俾個司機叫佢下午拎幾棵返來公司。

果然......
一棵有成 15 吋高，闊度總計 10 吋...
睇相大個過電視機搖控掣幾多...
我地一人一棵拎返去試食...

p.s. 佢工人種菜地點係 新口岸某幢大廈o既全層天台。(我老闆家的天台，2x 樓。)
因為幢樓係佢自己起，所以當時留o左天台自己用。
佢話工人乜菜都有種，講得出都有...恐佈！

金沙 buffet

前晚去o左 Sands 食 buffet，$ 188-/位 另加一。
記住之前先去大堂攪張 金沙咭，食 buffet 時有 9 折！
大家最好先打電話訂定位！
o個晚好爆，有好多人要等位...
訂座電話：28883388

我開頭食生冷o野食到飽晒，竟然冇食過熱o野...
(除o左 芝士焗龍蝦仔 外，乜熱o野都冇食過，因為飽到食唔落。真係第一次咁食 buffet...)
不過我覺得抵食，值得再次幫襯！
冷盤好多，熱o野較少款。
呢個 buffet 只適合鍾意食涷海鮮o既朋友幫襯...

生蠔 ~ 幾新鮮，好少 buffet 食到呢o的咁新鮮o既生蠔~
(唔夠大隻，我食o左好多。今日仲健在，冇肚疴。)
阿拉斯加長腳蟹腳 ~ 佢已經切開一半，用叉一拮就食得，好似蟹柳咁。食得過~
龍蝦鉗 ~ 啖啖肉，不過我唔鍾意。覺得佢好"霉"~
涷蟹 ~ 好多羔，不過我覺得一般。
涷大頭蝦 ~ 都 ok
三文魚 ~ 又厚又大o舊， ok。
赤貝、八爪魚、鯛魚 ~ 好韌，一食就知雪o左超耐！唔好食！
冷麵、沙律 我冇食到。
壽司 ~ 嘩！硬到呀！
芝士焗龍蝦仔 ~ 最好味呢樣，不過佢冇乜芝士味，仲有陣芥醬味！
甜品 有好多款，味道一般~
生果，朱古力噴泉、羅宋湯、雞湯
雪糕 ~ 係 Haagen Dazs
熱食有：意大利海鮮盤、叉燒油雞鴨、炒飯、扒、生煎包 等。
但我冇食過...

我o的朋友話 海鮮盤 同 扒 都 ok~
自助飲品：橙汁、西柚汁、蘋果汁

仲可以即場叫：咖啡、奶茶、檸茶。

好遺憾冇炒蟹食、又冇我至愛o既咖喱...

2007 年啦~~

先祝各位新年快樂！身體健康！今年賺多o的~~[IMG]http://i50.photobucket.com/albums/f326/yoyopighead/icon2/029.gif[/IMG]


早 2 晚煲o左青紅蘿蔔南北杏豬(月展)雞腳湯，好甜好甜，I like it. :>



醜醜 椰子岩蛋白餅，被原作者o既差十萬八千里遠...:p
http://www.leisure-cat.com/frm_1472.htm