我做o左殺魚兇手

昨日見魚缸水少了(19吋缸)，便加了 3 個糧杯的水(水已放了過 24小時) ...
點知今朝死了 2x 條 魚b...
(魚b 呢幾日本來都係勁生猛的)
而家仲有魚b 想死...
頭先仲有條 黑摩利 死埋！
哇~~~
我又唔係換水，只不過加番少少水o者...
都唔明點解加少少水都會害死魚 b...
哇~~

魚ｂ

2 條孔雀魚母，總共生了 4x 多條魚 b...

唔知可以養大成魚的，會有幾多條？

但昨日有條魚母被魚公追，夜o的已經見佢死了！=.="

(其實一路都間中有魚仔死)

又見沉木有發白毛現象，嘔血！

沉木係現成買回來，並給紮上了水草！(買時魚舖幫我攪好)

而家竟然發毛，真要去魚舖問過究竟！唉~~

養魚仔

我這個"大花筒"，又有新搞作！
學人養水草及魚仔...
o喜o喜~~

只是一些幾蚊一條的魚仔吧了！
早前買了一條大肚黑摩利，只生了3 條魚仔，而家存活 2 條~
(其他相信早被其他魚吃光了！=.=")
後來上網進修，方知要買 生仔箱 飼養大肚魚...

早兩日又去買了2 條大肚孔雀魚母，
而家放了 2 個生仔箱入缸內...
快快生產吧！:>

浸青梅酒

青梅當造，又係浸青梅酒o既時候啦~~

見一眾網友熱切地談論 自製青梅食品，我當然又心癢癢的整埋一份... :P

今次係我第一次浸青梅酒，同大家分享一下...

我買o左 3 次青梅，到第 3 次先開始浸...

因為我都係參考網上食譜o黎整的...

第一次：我浸o左十一小時，然後放冷氣房一晚吹乾，第二朝發現好多爛o左！

第二次：我浸o左七小時，然後用廚房紙抺乾，再自然吹乾一晚，第二朝直情爛晒！

第三次(即係今次)：訓覺前浸水，起身後用廚房紙抺乾，再用燒酒(九江雙蒸)浸一陣就動手整...

材料：

青梅 1 磅 (454g)

冰糖 300g

高粱酒 1L

大玻璃樽 1 個

事前準備：

大玻璃樽洗淨，用熱水過一過內部，然後倒轉滴乾水。
浸漬前，用少許燒酒洗一洗內部作消毒。

方法：

1) 青梅浸水 7 小時，用牙簽挑去蒂部，用廚房紙抹乾，吹一陣風備用。

2) 青梅用少許 九江雙蒸酒 浸一浸，就可逐粒取起用叉拮孔，以便青梅能更出味。

3) 青梅放玻璃樽底部，再放入冰糖，最後注入高粱酒。

4) 完成後用少許錫紙密封樽頂，才再蓋上樽蓋。

儲存方法：

要放陰涼無陽光處，有空時悄為搖晃樽身，易於冰糖之溶化。

三個月後，就可開蓋飲用。

註：
強烈建議用 高粱酒 來浸，高粱酒 真係好香！
同孖蒸o既辛辣比，真係無得比！
我係o係 來來超市買， 2L 裝都係 $ 30-

青梅

見到貓論區o的人興致勃勃地浸青梅酒，
我當然不甘後人！
也買了青梅及高樑酒，參予浸青梅酒o既行列！
hehe~~
我好快會動手了！ xp