懵

呢張地圖係 popo 畫俾我的，要留番個底先！

今日同網友講開經屋，我又覺得好多o野係整定的...
好以呢期氹仔經屋，其實我從來冇諗過會有我份的...
因為我根本冇留意經屋排到幾多 NUMBER，
我諗住佢下次又係俾黑沙環我揀，我都唔會要了...
結果無啦啦寄封信o黎俾我揀氹仔樓...

開頭諗住唔夠錢俾首期，我諗住實要放棄...
後尾有人話借俾我，
咁結果我又順利咁買o左返o黎...

我成日覺得自己傻人有傻福，
我成日戇居居的...
胡里胡塗就做o左一件事...

我係懵得好緊要的人！
最簡單o既一件事：
我飲開個紅酒杯我見到o係廚房浸o係度...
咁我就洗o左佢...
有一晚我如常咁飲，
跟住屋企人問我：你唔覺得有咩唔同？
我：o下？有咩唔同？
佢：你唔覺個紅酒杯大o左o的咩？
我：我上次洗時覺得佢好似大o左少少，我以為佢o係水入面折射咁睇，所以好似大o左o的...
佢：我俾你激死！我打爛o左你個杯，買唔番個 size，買o左個大o既俾你呀...
我：....................................(望o下個杯，好似又真係大個o的，其實我唔肯定。)
佢：早知唔話你知！話俾你知都係蹝氣！
我：呃...................................

我就係咁懵o既一個人！ :p

晴天

今日好好天呀！
心情都開朗o的！
今朝一早起身就開爐蒸o左一底 白糖糕~~
蒸好後都冇時間試食就趕住返工了~~
等陣中午返去切o黎食o下，睇o下成唔成功先~

星期六要去飲滿月酒~
原來又係o個個人家姐生日~
原本我諗住整生日蛋糕去~
不過佢地實有買 cake 啦~

諗諗o下想整 豬肉乾 俾滿月個媽咪食...
坐月期間要食熱o野...
佢口淡淡 ，食自家製豬肉乾 唔知得唔得呢？

大獲好評！

尋晚我媽同我講，星期日佛堂聚會中，
越南米紙素春卷 大受歡迎！被一搶而空！
仲要好多人食唔到！
梗係啦！
我只係整得 20 條，佢地成三、四十人...
我媽叫我下次再整多o的俾佢拎去...
死啦！
o個o的米紙鬼咁麻煩！
我仲諗住唔再整添... ++"

而合桃酥，亦都反應好好！
佢地以為我媽係買返o黎的...
咁都好o的！
整得辛苦都係值得！

眼訓~

尋日晏晝訓o左一陣晏覺，尋晚全晚訓唔著！
攪到我今日返工狂釣魚...@@"
可能因為陰雨天，勁想訓覺！

碰啱今日又多o野做，咁都好少少...
如果唔係想唔訓著都難~~

而家夜晚少o左好多上網，因為好眼訓...
日頭對電腦多，眼好累！
有時夜晚連電腦都唔開，費事掛住上網呢~~
當然，又唔係實唔上網的...

星期日

今日冇做糕點了~
做了兩天，今天下午來個午睡，精神多了~
不過晚飯時出了去吃大堂炸雞，
那炸雞多油得不得了，回來後肚子痛，現在要吃正露丸呢~~

自到網友們的 blog 都美化得很精彩，
和我這個 簡陋的 blog 完全是兩回事！ :<
因為我不懂得用 photoshop，沒本事將 blog 做得美美的....

越南米紙素春卷~~

用米紙都幾麻煩！
下次都咪攪我了...
越南米紙素春卷　
http://www.veg.org.hk/recipes/r2001jun.htm

材料：
春卷皮1包、甘荀一條、青瓜 2 條、粉絲一束、生菜一棵、芽菜適量、素火腿數片、芽菜適量。

醬汁： 素沙嗲醬、麻醬、花生醬適量。 (我冇整，我買現成 甜酸醬)

調味料： 紅椒碎半湯匙、蒜茸半湯匙（可略去）、青檸汁1湯匙、糖半湯匙、豉油（生抽）2湯匙、水2湯匙、米醋1湯匙。

做法：

1. 粉絲用滾水浸稔然後用冰水過冷河隔水待用；

2. 生菜撕成小塊後加入全部餡料及調味料；

3. 春卷皮用暖水浸軟、取出、放於布上；

4. 把已調味的春卷餡料包入春卷皮內；

5. 吃時淋上醬汁。

合桃酥

尋晚焗 40 個，一爐焗 5 個，
焗到成 3 點，
幾乎訓著咁滯~~ @@"

"合桃酥"~ 20 個份量 (我做o左 2 倍，即係 40 個~)

材料:
中筋麵粉 320g
梳打粉 1茶匙
吉士粉 40g
雞蛋 1隻(加1湯匙水)
糖 240g
固體菜油 或 豬油 160g

做法:

1. 麵粉、梳打粉、吉士粉一同篩勻，開穴，加入糖和固體菜油(用手揉溶)，
再加入雞蛋，(可加些核桃) 與粉搓勻，成為一粉糰，稱為鬆酥麵糰。

2. 焗爐預熱160度，把鬆酥麵糰搓成長條，分成20份，搓成小圓球，用手輕按，放上核桃並掃上蛋黃，焗15-20分鐘至金黃色即成。

醜醜牛角包 & 醜醜蝴蝶酥

係跟"專業麵包製作" 造，
但同人地出品就差十萬八千里遠...
自己搓酥皮真係好麻煩！
我仲夾硬加 芝士 o係中間，
攪到卷唔到做牛角形狀... +.="

好彩個味都 ok ~~ :p

RAINY

好想將英文名改叫 rainy... (現在才改已經太遲)
沒甚麼理由，只因我愛 雨~
所以所有網名均有"雨"字...

藍雨 太普通，太多人用！ (但我喜歡"藍雨"這首老歌)
還是 寒冰雨 更適合我個人...
雨兒 是比較少人知道的網名，只是...到底還是有人會猜度出是我。

而最令人啼笑皆非的是：大家都以為我的英文名叫 YOYO~
好吧！
我便順應民意，自認是 YOYO 好了...
哈哈~~

香水

潮濕天氣洗o既衫都有股討厭的味道，雖然早被抽濕機抽乾，
但那股怪味總令人覺得郁悶！
所以今朝噴o左少少香水先返工...
我唔係"姿整"o既人，係一個不修邊幅o既女人~
香水實在好少噴...
通常都係人地送，自己都好似未買過...
今日噴o既係西瓜味香水~
其實我唔鍾意生果味香水，感覺上係少女先會用...
(但唔用的話，佢就會長年被擱置一旁。)
我比較鍾意 花香味香水，尤其清香o既茉莉花味！
討厭難聞又濃味的...

唔知點解，每朝返工都見好多人一路行一路啃麵包...
真係咁趕嗎？
食 係人生一大樂事，並非單純性為o左撐飽肚皮！
連食都咁求其，咁點樣去享受生活呢？
我從來未試過咁樣一路行一路食早餐，
一來我唔多鍾意食麵包，
二來咁樣實在不雅...

已經好耐冇o係街度一路行一路食o野...
(除o左o係 HK 街邊企o係度食 臭豆腐 外)
人愈大，愈覺得咁樣係失儀！
我唔係o的咩o既 lady！
但總係唔多願意咁樣做...
因為咁樣好容易整污槽o的衫，我寧願買返屋企慢慢食好過...

雨

雨輕輕撫我心
彷彿似聆聽我的心聲
這孤單的晚星
似跟我共有那心境人倦了
不想憶記 ...

雨如泣低訴
竟夜伴我身邊
無盡漆黑的夜
不再顧影自憐

雨兒長在我心
一如晚空中的流星...

無題

揭開疲憊的面具
淚水汨汨不止
紅腫的雙眼、蒼白的面孔一併浸到水裡去...
哭哭哭...
冰涼的水漸漸舒緩我的心靈...

在鏡子的倒影裡
佈滿紅筋的雙眼、哭得發紅的鼻子、浮腫的面龐...這是我嗎？
心裡的翳鬱並沒有因而竭止
只是，今天的淚水還是到此為止吧！
明天！我有的是無數個明天...

歌聲魅影

電話用的鈴聲是 歌聲魅影~
每次聽到這首歌，感受至深...
一個戴著面具的人，刻意隱藏身份，銳意保護最愛的人。
傻嗎？
或許！
或許不！
到了最後，雖然想用暴力困著心愛的女人在自己身邊...
但理性戰勝了感性。
天下間最令人難過的事，莫過於只留著一具沒有靈魂的軀瞉在身邊...
誰都能理解想留著愛人在身邊的心情吧！

只要所愛的人得到幸福，自己就覺得快樂！ <--- 不過是天下人"自欺欺人"的謊話！

誰個不想與最愛的人終身廝守呢！

煩悶星期一！

今日又到o左煩悶o既星期一，認真悶悶！
好彩老闆聽日要去潮汕開會，開到星期六...
但佢唔o係度呢幾日我都唔好過，要做成 3 份標書！
佢唔o係度就冇人跟其他o野，公司個個都食濕米，煩死！
有一份仲係 N 咁多頁，都幾驚計錯數！
雖然平時都係我自己計，但而家冇人同我對，煩多二錢！


公司個o靚仔都唔係路！
踢一踢，郁一郁！
o岩o岩先 18 歲已經有 2 個豆丁！
佢o的咁o既人淨係識造人，唔識做事！
乜鬼都要同佢跟，日日唔鬧過佢 好似會死咁！
o的o野都跟o左成年，少少o野都做得唔好！激到我生蝦咁跳！

最衰我仲要係脾氣暴躁o個種人，
成日都想星佢 2 巴！

都唔知點解呢個世界上有咁多無用o既人仲可以生存咁耐而唔死！
點解？點解？

buffet

頭先去 DEE 8 食自助餐， $ 88-/位，差到不得了！
乜鬼都唔 refill ！
連三文魚得o個少少，俾人夾晒都唔 refill ！
又唔斟水俾人！超差！
都唔知點解有咁差o既自助餐！
唔怪得得o個幾檯人！
侍應相信全部都係個 part time o既學生仔！
3 個人去食，埋單 $ 290-
真係俾 $ 50-/位 都俾多佢！

蜜汁豬肉乾

貓網有人分享了 豬肉乾 及 牛肉乾 的食譜，今日我首先試了做一做豬肉乾呢！

原食譜 :
http://www.leisure-cat.com/forum/viewtopic.php?t=31796&highlight=

為了迎合自己的口味，我將食譜稍為修改了呢！ :>

藍雨口味：蜜汁豬肉乾

材料 :

碎豬肉 2 磅 (我到街市豬肉檔買了 $ 30- 梅頭肉，約 2 磅，叫他替我鉸碎。)

調味料 :

魚露 4 湯匙
老抽 3 湯匙
生抽 2.1/2 湯匙
酒 3 湯匙
蜜糖約 1 湯匙
糖 1杯

另備：蜜糖 + 水 開稀 (比例： 1 : 3)
用來焗肉乾中途掃肉乾用~

用具 :
(我的是小焗爐，焗爐大小會焗出的肉乾塊數不同。)
牛油紙 7 張 (要裁成焗盆大小) 墊底用

做法 :

1. 將碎豬肉放入大碗內,然後加入調味料,用筷子將所有材料順一方向攪勻, 直至起膠黏成一團.

2. 把牛油紙鋪在焗盆上 (切勿用錫紙,因較易黏底)

3. 用湯匙把碎豬肉鋪好在牛油紙上, 然後放一張保鮮紙在碎豬肉上.

4. 用棍在保鮮紙上來回轆過,把碎豬肉壓成一底薄薄的肉餅.

5. 預熱焗爐至 150 度 , 焗20分鐘成肉乾.

6. 拎出焗爐，然後用掃在豬肉面塗上蜜糖水, 然後反轉豬肉乾, 再塗上蜜糖水,放回入焗爐用 180 度 再焗 20 分鐘~ ( 要睇火,否則易).

7. 焗好出爐後, 放網架上待涼,後, 入密實袋保存.

唔同厚度的豬肉乾焗的時間也長短不一，宜因應厚薄去調校焗的時間。

free~

我老闆今日同我講佢下星期二至六要去汕頭開會...
YEAH~~~
free！
又係我做私人o野o既好機會！
例如：上網、恰眼訓~~
好呀！哈哈~~

千其唔好到時又死返o黎呀！

一陣中午去街市買豬肉，聽日整豬肉乾！ :>

肚仔痛

今日肚仔痛，所以冇返工...
又唔想食止痛藥...
就咁o係床上攣o下攣o下... :<
點解女人成日要受埋不必要o既痛苦？

想訓晏o的都唔得！公司個o靚仔成日打電話o黎問o野...
做o左成年！小小o野都要問，真係唔得佢死....

我以前有個同學每日總有幾日唔返學，
因為佢痛到要訓床的！好得人驚！

又病 !!!

今朝喉乾鼻涸，嘴唇乾晒！我諗係發緊燒... :< 所以燒到個嘴乾晒！ 尋晚好好笑，o係大陸過關返o黎時，大陸關有測體溫儀器... 排我前面o個個男人，輪到佢時個測體溫器 BB 叫！ 見到 38度幾，跟住我話：發燒都唔會唔俾你過關啦... o個個男人o係度講，佢食o左辣o野，可能咁體溫高o的... 佢過關時有個海關拎住耳仔機同佢量體溫，跟住俾佢走... 點知到我時仲衰，佢又 BB響！ 仲要係 39 度幾... 到我過時，個女人問我係咪拎住袋熱o野... (我當時拎住袋啱啱出爐，新鮮熱辣o既老婆餅。) 原來係我袋熱o野作崇！ 出到關 笑到我地肚攣~~ 我唔知係咪尋晚出大陸吹親，而家又感冒呢... :<

雜記

今晚約o左 fd 去大陸打邊爐，係食重慶火煱！
如果唔係咁啱天氣涷，我諗我都唔去！
山長水又遠，行上拱北打邊邊...
雖然又平又好味，不過我嫌遠！
o係澳門食其實好得多，佢地個個都有車，唔使咁麻煩...
之但係話要去大陸買碟...=="

今日換o左 3 格 蘋果日報o既 叮噹火車卡~
本來有 6 格，但遲o的先有另外 3 格換~
其實成 $ 8-/格
一架車要成 $ 48-
都幾唔化算！

PIZZA

尋晚焗o左 pizza 做宵夜，雖然同 pizza hut o既仲差好遠~
但都入得口o架！

7 " PIZZA 食譜 (來源：WAI99)

材料：
高粉 75 g
低粉 50 g
有鹽牛油溶液 30 g
溫水 50 g + 適量
乾酵 5 g
砂糖 少許
鹽 少許

配料：
1) 茄汁
2) 芝士碎
3) 配料可隨自己喜好，切粒！
(我有：蟹柳、菠蘿、芝士腸、磨菇...)

造法：
1) 乾酵加 50 g 溫水、砂糖拌勻，待 5-10 分鐘
2) 粉類過篩、加入鹽、酵母水、適量溫水、牛油溶液 拌成麵糰，搓至滑身，發酵約 60 - 90 分鐘至 2 倍大
3) 將麵糰放氣
4) 用麵棍壓平麵糰放入焗盆，發酵 30 分鐘，再用叉拮多些洞洞
5) 塗上茄汁、放上自己喜愛的材料、最後灑上芝士碎
6) 預熱焗爐 230 度 10 鐘
7) 入爐焗 15-20 分鐘
8) 趁熱食，正！

無題

尋晚焗o左 微波包 & 排包，焗起時軟熟，
但今朝已經硬晒！滿討厭的！ :<
已經使用中種法，且冷郤後已立即入袋封好，
但還是硬硬的，令人食不下嚥... :<
結果還是益了垃圾桶...

晏晝訓o左一陣，醒o左又唔想食飯盒，因為唔知食乜好...
跟住求其煲o左 2 個即食撈麵，胡亂填飽肚子算數！
一個寂寞o既人，無聊o既生活就係咁過日子...

睡~

怎麼人總是懶懶的？
這幾晚總是十時正就攤上床睡覺去...
每晚睡覺的時候，正是我覺得最快樂的時刻...
人的一生有三分一是在床上渡過，如果睡得香甜，
翌日早上就總會精神奕奕...
可恨我的貓兒每天半夜總會叫我起床替牠倒臭臭...
這是我的致命傷！
令我每夜不能一覺睡到天亮... :<

驚蟄

其中有一句話…「斗指丁」為驚蟄，雷鳴動，蟄蟲皆震起而出 ，故名「驚蟄」。
時間是現在陽曆的三月五日或六日。

在民間的傳說裡，關於驚蟄的說法有三：
據說如果在驚蟄之前，就雷聲隆隆不斷的話，那這一年的雨水將會特別多。
如果今年的第一聲春雷在驚蟄當天響起的話，那今年不管種什麼都會豐收。
最壞的情況是，如果驚蟄過了好多天，都沒有聽到春雷響起的話，那今年
就會缺雨水而收成不佳了。

原來驚蟄是因為雷響，嘈醒冬眠中的昆蟲，所以名為「驚蟄」。

今天雨水連綿不斷，不知道又代表甚麼呢？

街邊有許多人在 打小人，如果真的有效，那豈不人人福星高照？哈哈~~

陰雨

今天陰雨綿綿，不打傘就會令衣服濕濕的，打傘又會覺得煩人...
是典型春天的天氣..
明日便是驚蟄，相傳是所有冬眠動物轉醒的日子！
真的嗎？我不清楚...
但以往我養的巴西龜又確實是在這天醒來的...
中國人的曆法實在匪夷所思！

這種陰暗的天氣，最適宜的莫過於睡覺！
但我又不是習慣午睡的人，勉強去睡今晚準會失眠...悶壞人！

女孩子的鏡

呢個鏡係我買o黎第時新屋用的小鏡子~
係我一次o係書展見到o既"幾米"攤擋度買，個名叫 : 女孩子的鏡~
頗精緻的，又唔貴，好似 $ 70+-

貓

今日又累累的...
昨晚十時正已爬上暖暖的床欲睡...
眼看頑皮貓兒在床尾捲縮，就把牠納入毛氈內...
結果牠暖得整晚也不願下床，睡得o古o魯o古o魯地響呢~~ :>
今早牠起床尿尿後，竟然(不可思議地)連早餐也不吃又再走入被窩...=="
不是病了吧？！
不吃早餐，於牠來說這是不可能的事o艾！=o-"

以往多年養貓也堅決不準上床睡的...
但養這貓兒時，又打又鬧牠也堅決要跑上床...
幾番爭鬥，結果我們投降了...
自始我們的床就等於牠的床...無奈！
當然，牠也有屬於自己的窩呢！

但牠最喜歡的...
是每回看見我們更換床單，
牠總第一時間跑上去睡...=.+"

一夜無眠

昨晚睡得不太好，整晚聽著床前窗外的呼呼北風聲...
貓兒暖暖的窩在我床尾...
(如果不是我睡在床上，牠一定會窩在我的棉被裡...==" )

天氣乍暖還寒，我準又會感冒...

在家穿著短袖衣短褲，也感到陣陣寒意...
我是那種一年四季都短衣短褲的人，
哪怕是十度八度，也堅持不穿長褲。
故由小至大皆被父母責備，但我卻依然故我... :p
因為我皮膚頗敏感，穿著純棉的長褲也覺得皮膚癢癢的...
運動服料子也覺如是，故唯有穿短褲...

常年感冒，怕且也是由此而來...