懵

呢張地圖係 popo 畫俾我的，要留番個底先！

今日同網友講開經屋，我又覺得好多o野係整定的...
好以呢期氹仔經屋，其實我從來冇諗過會有我份的...
因為我根本冇留意經屋排到幾多 NUMBER，
我諗住佢下次又係俾黑沙環我揀，我都唔會要了...
結果無啦啦寄封信o黎俾我揀氹仔樓...

開頭諗住唔夠錢俾首期，我諗住實要放棄...
後尾有人話借俾我，
咁結果我又順利咁買o左返o黎...

我成日覺得自己傻人有傻福，
我成日戇居居的...
胡里胡塗就做o左一件事...

我係懵得好緊要的人！
最簡單o既一件事：
我飲開個紅酒杯我見到o係廚房浸o係度...
咁我就洗o左佢...
有一晚我如常咁飲，
跟住屋企人問我：你唔覺得有咩唔同？
我：o下？有咩唔同？
佢：你唔覺個紅酒杯大o左o的咩？
我：我上次洗時覺得佢好似大o左少少，我以為佢o係水入面折射咁睇，所以好似大o左o的...
佢：我俾你激死！我打爛o左你個杯，買唔番個 size，買o左個大o既俾你呀...
我：....................................(望o下個杯，好似又真係大個o的，其實我唔肯定。)
佢：早知唔話你知！話俾你知都係蹝氣！
我：呃...................................

我就係咁懵o既一個人！ :p