跳樓

頭先食飯時，屋企對面有人想跳樓！
大批消防員趕到，立即封路開氣墊...
(個氣墊好攪笑，中間一個紅點，然後四方有箭咀指向紅點。彷彿在說：要跳中點啊！:p)
個女仔腳 fing fing，坐o係對面工廠大廈天台邊...
擾攘 2 個鐘，聽到街上嘩嘩聲，我仲以為跳o左落o黎添！
原來係佢走返埋去，唔跳啦~

其實我一早o係度諗：有心跳樓佢就一早跳o左，仲點會四圍望風景？

雖然咁諗係衰o左o的，但我真係諗到佢唔會跳！

因為如果係我，我跳得樓就一定係好激動o個隻！
仲邊會咁得閒仲同人傾呀~~

好彩佢鳴金收兵 收得快！
因為樓下封o左 4 面馬路，攪到交通混亂！
到我要走時，o岩o岩開番路，我先可以搭巴士走到...:>