跳樓
頭先食飯時,屋企對面有人想跳樓!
大批消防員趕到,立即封路開氣墊...
(個氣墊好攪笑,中間一個紅點,然後四方有箭咀指向紅點。彷彿在說:要跳中點啊!:p)
個女仔腳 fing fing,坐o係對面工廠大廈天台邊...
擾攘 2 個鐘,聽到街上嘩嘩聲,我仲以為跳o左落o黎添!
原來係佢走返埋去,唔跳啦~
其實我一早o係度諗:有心跳樓佢就一早跳o左,仲點會四圍望風景?
雖然咁諗係衰o左o的,但我真係諗到佢唔會跳!
因為如果係我,我跳得樓就一定係好激動o個隻!
仲邊會咁得閒仲同人傾呀~~
好彩佢鳴金收兵 收得快!
因為樓下封o左 4 面馬路,攪到交通混亂!
到我要走時,o岩o岩開番路,我先可以搭巴士走到...:>
4 Comments:
Bungie jump!
你心諗ge野,,,一d都冇衰~
因為知道呢件事之後我都有咁諗過
好心佢啦,,要跳就快d跳啦...仲係度擾擾攘攘~仲揀係d放工時間""阻住晒~
如果比我有朝一日要去跳樓ge話;我一定唔會係個天台度拖拖拉拉,一跳就跳落去..搞掂~!
哈哈~~
證明人個個都咁諗...
因為我搭巴士時,聽到o的人話架巴士兜路兜好遠先行返去提督馬路...
o個o的人又係話,死都累街坊...
嗯...証明我地仲係正常人^^
發佈留言
<< Home