宜家傢俬
今朝一早起身等 宜家傢俬 送貨來,買o左梳化床(廳當梳化用)、鋼架床 及 玻璃櫃...
o的貨一送到o黎,我心諗:黐線!唔包安裝簡直想死!
因為同我去買o個個人話佢會幫我砌,所以我先會唔叫佢安裝埋 (安裝費要另計的)...
但同我砌o既人要過幾日先有空o黎攪,咁我又心急!
所以拆o左梳化床,估唔到連梳化床都要砌!
我出盡九牛二虎之力,搬起o的組件,好艱難咁砌 (因為我唔多夠力),
又好艱難咁上螺絲...
一路砌一路狂鬧黐線!邊鬼個叫唔使安裝埋o架...
我用o左個幾鐘先砌好張梳化床,累到我要撻落張床訓...
以後咪鬼攪我!
我唔會再買呢o的 宜家傢俬!
睇雜誌好似好靚,但砌好又其實唔係咁靚!
呢o的隔山買牛o既o野,始終唔多可靠!
而家仲要等人過幾日來幫我砌床及玻璃櫃,真係暈底~~@@"
7 Comments:
我可想像妳一路砌一路狂鬧的情況,連妳的聲音我都知,哈哈哈
我真係狂鬧!
發晒脾氣o個隻添~~:p
哈哈,你那個答應為你安裝的朋友知死了,一定被你駡死xp
咁又唔得...
我仲要靠佢幫我砌埋張床及個櫃...
我都好鍾意宜家d傢俬, 如果唔係我有親戚係開傢俬店, 我已一早買左佢d家俬, 現在聽左你咁講真係好在我冇買
咁真係辛苦左藍雨你
真係好辛苦的!
唔係講笑~~
去普通傢俬舖買好過!
平 ~ 唔一定係好o野!
發佈留言
<< Home