天公造美
尋晚睇張學友演唱會,好彩天公造美,唱完先下毛毛雨...
原定7:30開場,點知遲到成8:30先開場,
引起全場鼓譟!
我地買o的飛先抵死!
$ 180- 只係睇到台上有粒米o係度郁,連個所謂大銀幕都唔多睇到,因為係正面。
演唱會o係個大球場擧行,一個長隋圓形,我地就坐呢個隋圓形o既兩側,所以睇鬼到!
就算買正面o既飛,都o係隋圓形o既一頭一尾,死啦!睇鬼到o羊!
最近o既 vip 位,係o的膠櫈,都算頗遠!
未開場時,好多人大叫:回水!
我地仲話,求其搵個人o係台度跳跳o下,都未必有人知佢係替身!
最好搵番 林家棟 扮學友,大銀幕就播帶,咁就更難察覺!哈哈~~
不過好彩,俾錢去聽都抵!
佢每首歌都唱到好似聽碟咁正!
唔會好似第二o的咁,一唱現場即刻走晒樣...
唱o左近 3 個鐘...
我仲諗點解唔唱藍雨?
到最後,佢話唔敢唱,因怕一唱藍雨就立即落雨...
不過差唔多完場,所以就唱...
佢o既演唱會好值得睇,真係想下個月去 hk 睇多次...
走時諗住去宵夜,因為冇食飯...
點知兜o左好多間舖頭都冇位!
可能因為個個睇完演唱會,走去食宵夜...
兜o左成半個鐘先食到...
點知返去又失眠!
呢兩晚都係失眠!都唔知攪乜鬼...
26 Comments:
我都聽過佢0既個唱,真係好正,同譚校長一樣,現場聽正過正版~~~
點解唔見晒今朝d對話既???
定係我問題??
珍妮你睇唔睇到???
真係抵 :)
mommy:我覺上次活出live演唱會好正, dvd都賣埋, 最正係佢唱人地d歌~歌神即歌神
阿飛,佢唱小城大事仲正!(定叫大城小事?==")
mommy:
都幾抵o架真係~:p
張學友係幾好
食神~傷追人好聽過古巨基唱啊
"我真的受傷了"呢隻我好鍾意
我都有呢首歌~
劇場版 仲正!
我家電腦 down o左落o黎...
聽正版啦!!!!
不過我都搵緊呢隻歌係邊張碟....我淨係知係演唱會佢同原唱王菀芝都唱得一樣咁好聽...
係2001年"熱"呢隻國語碟
唔該哂"唔易早"~~~
小意思~我都係佢fans
如果可以將我鍾意0既歌整成一隻碟你話幾好呢~~~~不過我唔鍾意mp3.........
我唔識 down 歌呢o的o野,
我全部都係叫人幫我攪...xp
而家出面個天超黑!
晏o的返學慘!又變落湯雞...=="
好彩我今日揸0左4個look~~~等陣番工冇事
好o力o羊~~ xp
叻就叻在有睇天氣報告,同埋有我架4個look
...................@%(^%#x%kzyxz...
咁大個人,唔好講粗口啦..........
哼!
我粗魯慣!
唔識扮晒溫柔可愛~~
我溫柔可愛可愛可愛!
gek 病藍雨, 哈哈哈哈!
你係咪傻婆o黎o架?哈哈~~~
我都知你會話我係傻婆,哈哈~~~
傻得溫柔可愛 xp
kekekkekekekk
嘔死!xp
發佈留言
<< Home