朱古力慕士

尋晚學葡餐，係學 海鮮通心粉 & 朱古力慕士。
佢地整朱古力慕士 同我整開o既完全兩回事！
我平日慣用 cream o黎整，佢呢種唔用 cream，但用一種唔適合小朋友食用o既方法...
就係全程用生雞蛋！
方法就係 6 隻生雞蛋，蛋黃蛋白分開，
蛋白打至企身，蛋黃加少許糖打至奶白。
然後將已攤涷的熱熔古力，拌入蛋黃中攪勻，
最後就加入企身蛋白，完全拌勻。
雪涷就可享用~~

呢種慕士唯一可取之處，就係卡路里比用淡 cream 低好多！
而且食落口係好鬆好鬆！好美味~~
但佢o既缺點就係要食用生雞蛋！ <--- 此點實在不敢恭唯！

我想就算我再整朱古力慕士，都會沿用舊配方！
為的是怕肚仔遭殃...