今日有食神~~

今朝公司個雜工，拎o左盒西餅返來，
因為佢嫁女，所以有西餅食...:>
但公司冇人食甜o野，所以當然係益o左我成盒拎返屋企啦~~ :>

下午又有網友拎o左幾盒 蛋卷/杏仁餅 等俾我...
係佢開o個間手信舖賣o既貨，
話俾我試食o咼！ :>

hehe~~
今日我有食神呀！ :D

P.S. 唔知點解 POST 唔到相...

Lucky~

收到 sms 話我中o左 電話公司 攪o既 xx週年 側田演唱會票 2 張！
有楊千嬅做嘉賓的！ :>
我冇乜抽獎運的，一直都認為呢o的係電話公司呃人 sms費用的技兩...
估唔到我只係 send o左一次 sms去參加抽獎，就中了！ :p
不過我以前都中過一次 joey/twins 演唱會門票了~~:p

上次睇 joey 都係好多年前！
當時我 7 點先入場，已經冇位坐了！=="
企到我腳都跛埋！
因為係不設劃位！ (仲要實係派多多飛)
o的o靚妹仔中午已經去排定隊了！
試問我又點會咁早去同人迫呢？xp
今次相信又會係同樣情況！
如果有人出 $ 同我買 2 張飛，我一定賣~~
等我遲o的睇o下 "時價" 係幾多先~~ :p

日光下的月餅

都係日光下影相靚得多~~ :>
今日我試o左 淨蓮蓉月餅了！
蓮蓉好香呀！ :D
好彩呢o的蓮蓉都唔錯，原來焗出來後，係睇唔出係黃蓮蓉，一樣係好靚！ :>
呢o的蓮蓉，雜貨舖事頭婆話係工場 日日新鮮搓出來，都唔錯！
又香又唔拍好甜！以後可以繼續幫襯了~~

06 年 最後的月餅

今日整o既係今年最後一水o既月餅，我個焗爐一爐只可焗 4 個，我幾乎想丟晒o的餡佢...
由中午 1:00 焗到 夜晚 10:30，中途夜晚出去食飯，抖o左一個半鐘...
累死我！
尋晚已經用o左 2 個半鐘 o黎搓餡 及預備o的皮...
夾埋整o左 10 個鐘有多，整到想喊...
除非有人幫襯我訂月餅，咪真係唔再整了。
今次用澳門買o既餡，我o的月餅有少少溶落o黎o既感覺...
因為我覺得o的餡好軟...
唉~
唔夠 hk 買o既餡好！
做出o黎差好多...

多謝 lazy cat ...

今晚竟然連第 4 個朋友也來電大讚月餅！ :>
佢話佢媽話 叫我不如賣月餅，因為真正 "正"！
4 個收到月餅的舊同學都打o黎話想要多o的，真係第一次發生！
證明 lazy cat 幫我買o既 蓮蓉餡 何其正！ :>
真係要多謝 lazy cat！

如果出年 lazy cat 仍然肯幫我買蓮蓉，我會買 10 斤... xppp
不過唔知佢夠唔夠力拎到咁重o野... :p
哈哈~~

焗月餅要訣

尋晚又有朋友來電，話佢老豆大讚我o的月餅好味過 美心 o個o的... :>
由於今次整得好少，所以其實每人俾得 2 個，只俾了 4 個人。
再來星期六o個批，亦已係計好晒人數，所以其他想要月餅o既朋友...
我已經推卻了...
抱歉啊！:<

今年淨買月餅餡都買o左幾百蚊！
鹹蛋都買o左近一百蚊！ ($ 1.3-/隻)
好恐佈！
再加單我要破產了！
而最重要係我個小焗爐，一爐只可焗幾個... :<
焗到天荒老老...
如果好似人地大焗爐咁，一爐有十幾個，咁就唔同講法...

出年決定接網上訂單 (暫定)，雙黃 $ 80/ 盒，不貴吧？
一般名牌子約 $120- / 盒
希望可以做得到...:p

由於朋友詢問，現簡述焗月餅需注意事項：

1) 月餅皮 搓好後不能即用，起碼要待 2 小時後，或可 24 小時後先用。
但要用保鮮紙包好密封，以免乾硬。

2) 入爐前噴一次水，入爐用 220 度焗 5 分鐘定型。再出爐塗一層蛋液在月餅面，入爐用 175 度焗 15-20 分鐘，見到上好色聞到香味就要出爐。

3) 蛋液為：全蛋 + 1 滴老抽 , 老抽可令顏色更靚。
需過篩而後才用，以免有蛋白絲。

4) 蛋黃月餅 需要待 3 日，回油後方可食用。

5) 膠月餅模 用前，先用手指塗油上去，塗勻模內側。
咁吸模前 月餅可不用上粉，又不會黐模。 油沒了就再塗上模...

6) 鹹蛋 取出 蛋黃後，用清水洗去蛋白。落少少酒 (我用九江雙蒸酒) 醃 15 分鐘，
然後再用清水沖一沖 (因為我覺得太勁酒味)，瀝乾後可包入餡內。

月餅又加單

哈哈~~
頭先又有 fd 打電話o黎，話想要多 4 個雙黃蓮蓉月！ :>
佢話o的蓮蓉好好味，個月餅好味過街買o個o的~ :>

可惜之前o既蓮蓉係 lazy cat 幫我o係 hk 買，而家我要o係澳門買番...
今日去o左一間雜貨舖買蓮蓉， $ 24- 斤
係網友話我知有得賣的...
買o左返o黎有少少唔開心，因為唔係白蓮蓉，係黃蓮蓉...
好彩又真係幾靚！又唔怕太甜！
希望整出o黎會好好啦~

我今次要買 5 斤蓮蓉！
因為個個都鍾意食蓮蓉多o的，冇乜人鍾意食豆沙咁...:p

月餅加單

皮薄餡靚~ :p





我舊同學 lobo 頭先o係屋企打俾我，話佢尋日收到月餅了...
我明明寫住要回油 2 日先可以食的，佢老豆好心急咁，
趁我個 fd 一唔o係屋企即刻切開來食了~ :p
佢仲猛讚好食、皮薄餡靚、好味過出面賣o個o的... :>
佢老豆問佢：舊年明明俾 4 個佢地，做乜今年俾得 2 個佢...
叫佢打電話問我仲有冇...
所以我 fd 硬著頭皮打o黎問我...:p

我話：唔好意思啊！因為今年整得少，所以唔夠俾人...
我問佢係咪想要，係我就再整俾佢...
佢老豆o係旁邊係咁叫：要呀！要呀！ :p

哈哈~~
既然有人捧場，又焉有不整之理？
當然應承再整啦~~
hehe~ :>

包裝後的月餅

算係咁啦o卦~~ :p
打埋招紙...
本來想買埋月餅盒，但o古 lu 話要十幾蚊一個，咁我又點會買？ :p
又唔係食個盒、又唔環保~
我用西餅盒裝俾人就算了！ :>

其實今次整得好少月餅，唔夠俾人...
唔知仲整唔整好...

不過今次整月餅可能冇先蒸熟蛋黃，今日已經見有蛋黃油出了...
希望人地過一兩日食，會回油得更多...
咁到時就香滑了... :>

今年月餅...

好累呀！
今日由下午 3 點整到 10 點半，累死我！
相中右手面係 迷你純淨 蓮蓉/豆沙/綠豆蓉...
左手面係 三黃/雙黃 蓮蓉/豆沙...餅皮
係用呢個食譜 x 2-
http://www.leisure-cat.com/frm_1245.htm

餡料今年唔自己整了！
自己整唔好味之餘，仲要貴過買....
今年o的餡係o係 hk 速遞過來，買o左 3 斤蓮蓉、1 斤綠豆蓉、2 斤豆沙 (呢樣澳門買)
其實想買多o的蓮蓉及綠豆蓉，但唔好意思要 lazy cat 拎咁重o野...:p
所以今年只係整得咁少...
整晒發覺唔夠分俾人，而家唔知點算好... =.="
仲有，今年唔用木模，轉o左用膠模，發覺冇木模咁好用，不過o的花就會出o的...

一本恨要的書

http://www.cite.com.tw/product_info.php?products_id=8825

繼早前見到 藍藍 推薦呢本書後，今日又見到 kea 推薦呢本書："專業月餅製作大全"~

呢本書我恨o左買好耐！ :
但上次 hk 折o左特價都要 $400-
實在太貴了！ :<
幾時有一筆橫財，我一定會將佢買落o黎...哼！
( 我又係o個o的 連六合彩都唔買o既人，又何來橫財？ :p )

苦情人

讓眼睛關起　我不想再演戲
原諒我太獨立　沒有天生體貼入微
我不知道　怎樣是抽離
但從你每個吻可預期
已經知道　這是厭棄
其實愛下去　也不過　別離

讓我手鬆開　我不想再死心錯愛　
其實你怕寂寞　未見得珍惜給予你的愛　
再走多遠　一樣沒將來　
就由我帶你轉身下台　
再想多遠　也難連載　
繼續難被愛　仍然能自愛　別怪責我要分開　

曾經想當個好情人　捨身成仁　
還愛你愛到往下沉　
若要犧牲　方能擁吻　
無法一起　再同渡半生　

如今找不到好情人　只得苦情人　
就算我對你還著緊　
亦無耐性陪你　浪費多十秒　傷心　
誰有心　還要等　你熱吻


如果必須要好情人　捨身成仁
誰有勇氣愛上別人
若要犧牲　方能擁吻
難道一起　再無下半生

曾經不相信好情人　找不到情人
遇上你曾如何認真
但明白你脾性　就算多十秒　開心
誰有空　還再等　你合襯

夜涼

踏入九月，天氣漸涼...
倘若不是閏七月關係，中秋也已過...
綿綿夜雨，秋意更盛...

夜來輾轉反側，記憶回到老遠...
忘了？
忘不了...

醜惡的(舊)木月餅模

早兩日搵番上年用過o既木月餅模出o黎...
我已經好醒目！
戴定透明膠即棄手套！ :p
當我打開包裹住木月餅模o個幾個膠袋後，睇到最後一層透明袋入面o既木月餅模...
即時包番膠袋，砰砰聲丟o左佢！
因為我見月餅模表面長出數粒不知名的醜惡東東...xp

我舊年已經跟足指示咁去處理佢！
但都知今次多數都唔要得... :pp

好彩我已買備膠月餅模~~ :>

p.s. 本來仲有幾個新o既木月餅模，準備搵出o黎入油的，而家可以唔使了！ xppp

感冒未清

今日o的感冒仲係未清！
因為仲有好多痰o係喉嚨，吐唔出，好辛苦！
把聲仲係好沙！慘！
我已經冇睇醫生，食o左 4 日西藥，食到我"溫溫登登"...
尋晚去涼茶舖飲o左杯感冒茶...
唔知有乜現成o野 食o左可以吐出o的痰呢？
我諗住今晚買包九製陳皮食...=.=''

第一個網上出售的蛋糕

尋晚終於賣出第一個o係網上出售o既蛋糕...
事由係有網友 pm 我，話想買個我做o既蛋糕食...
於是就促成呢單交易~
日式芝士蛋糕， $ 70-
可恨我功夫有限，日式 cheese cake 有裂面又縮腰...
好彩網友唔介意！
話好好味...
仲話下星期會再幫襯我訂 cake 呢~~

不過佢話想食蘋果批，要有蘋果o係面的、又唔係 m 記o個種...
我自問又未食過又未整過，
要搵食譜呢... :p

p.s. 我家o既食譜書，幾本都係有好多蘋果粒o係入面，冇一本係面有蘋果...=.="

重感冒

喉嚨乾涸、聲音沙啞、傷風鼻塞、連說話也彷彿沒有氣力...
皆因患上重感冒！

這兩天狂渴水，對一如沙漠的喉嚨，一點作用也沒有...
想死！

今早看蘋果報，知道 THE LAKE HOUSE 星期四在 HK上畫，
但看看並不包括澳門的戲院...
唉~
還滿懷希望地想著要第一時間去撲飛... :<

又收到 mommy 禮物~ :p

哈哈~
一星期內收到 mommy 的第三份郵寄禮物！開心！
點解佢會寄 3 份咁多o既呢？
係因為佢太心急，以為寄失了，所以不斷的寄寄寄...
哈哈~~~
其實是因為澳門o既郵政局 好似食o左豬油咁慢！
所以先會十幾日先收到... :p
累 ommy 幾乎錯怪o左佢公司 2 個 office boy 呢~

mommy 的禮物

嘻嘻~~
又再收到 mommy 從星加坡寄來的食譜！ :>
今次可能比較薄，所以直接寄到的信箱來，不用到郵局去取件！
這是豆腐的食譜，雖然我家多數不會做這樣的餸菜，但我好鍾意呢~ :>

原來 mommy 之前又寄了 2 本給我，但真的沒有收到呢！
想必已寄失了！ :<

mommy，不要再花錢寄東東給我了！
食譜雖然精美，但我家可是只做 烚/炒 清菜的家庭...
絕對不會花功夫做這種菜呢~ :p
我曾經買了多本素食食譜給我媽，但到頭來還是天天的青菜！=.="


p.s. 所以我常說，要是我也住在星加坡，一定會每晚跑到你家"黐餐"... :p

LA CUCINA ITALIANA (我的意大利廚房) 食後感...

LA CUCINA ITALIANA (我的意大利廚房)

地址：氹仔 豬扒包對面左手面轉入去，去到盡頭的轉角位~

訂座電話： 827818

語言：全英文對答 (裡面侍應全部係賓賓，冇人識中文。)

今日我地一行六人去o左識呢間餐廳，因為聽聞 斜塔以前個廚師 轉o左o黎做~
(當然，一個廚房有咁多人，係邊個廚師就唔清楚了。)
結果，大失所望！
如果 5 粒星為滿分，佢只值 1 粒半 星！

總括o黎講，一個字：差！
絕對冇下次！我地 6 個人一路食一路彈！佢都算經典...
仲有，佢o的o野要等好耐！
趕時間千其唔好去...

首先，o的 service 真係差到無倫！
裡面有 4 個賓賓， 2 男 2 女！但就算你遞手叫佢地，佢地都當你透明！扮睇你唔到！
我地係咁叫 excuse me，佢地都扮聽唔到！所以我地每次想叫佢地攞o野，真係要叫足幾分鐘！
離譜！

當我地飲完湯後，佢開始拎食物o黎...
但佢係唔會同你地收o左o的湯碗！ (張檯已經 full 晒)
叫佢收湯碗，佢就收一個！
簡直係踢一踢 郁一郁！總共叫o左 3 次，同佢講要收晒全部湯碗，佢先收！激死！

到o的食物o黎，嘩！等幾耐呀！等o既時候仲多過食！簡直等到天荒地老！
我地叫o左 2 個 pizza、 2 個意粉、 1 份牛扒、 1 份羊扒、5 個湯、 3 枝大水 (bonaqua)
埋單 $ 670-

先講o的湯：
2 個雜菜湯、 3 個忌廉雜菜湯雜菜湯都還好， 忌廉雜菜湯真係唔好味！好難頂！

意粉，恕我唔識欣賞！硬到不得了！
硬到好似落滾水淥一淥即刻拎起o個隻！超硬！
我地食到縐晒眉頭！
我地叫o左一個係三文魚意粉、一個係白酒蜆殼意粉，o的味一般...
仲要係一隻大碟裝好少好少意粉...

牛扒，叫佢 5 成熟，佢整出o黎絕對係 10 成熟！
韌到不得了！救命！

特色羊扒，一碟 3 件，好多油呀！
佢係羊排o黎...

2 個 pizza 叫做 ok ！

水就真係, 成 $ 20- /枝好心就俾 葡國水啦！
俾埋晒o的 bonaqua...

p.s.但佢又好多鬼佬幫襯！
或者佢o的o野唔啱我地中國人口味o瓜~~

貓友 Yves~~

知道今期 壹本便利 裡面o既 飲食男女 有佢...
都特登買一本o黎睇o下...
佢又係好似我咁上網學整食食，到而家佢開始實踐佢o既夢想...
o係網上賣食食、開舖頭賣食食...
好羨慕...
祝福你！Yves~