焗蛋糕日

仲有個半鐘，我就開始放假~
因為我明日要幫我媽整o的小食，所以我放假一天！
星期一又係五一勞動節，唔使返工...
所以夾埋放 4 日假！

我媽間佛堂星期六起，一連三日o係"盧九公園"擧行佛教書展~
開幕時要有o的小食招呼人，所以我聽日定為 "焗蛋糕日"~~

今晚首先整o左印尼九層糕先！
因為要完全涷身先可以脫模，所以今晚蒸好，
聽日脫模及切片，再包膠紙，咁就成為一度小食~~

聽日一早會焗"芬妮蛋糕"~ (funny cake？分離蛋糕？)
呢個 cake 係跟書整，我未整過的。
希望唔好出錯吧！

仲有整o下蛋糕仔咁啦~~
因為我媽話訂o左 椰撻仔、芝士三文治仔 咁~~
已經夠開幕用了！

由於書展o個度冇雪櫃，
所以想整涷餅都唔得呢~