痰
呢幾日好多痰，最慘係吐不出來...
在氣管處唔上唔落，攪到我訓唔到覺...
因為好像塞住喉嚨處，抖唔到氣咁...好辛苦！
我冇去睇西醫了！
因為食o的藥好散！
出去飲o左 2 日感冒茶，
又食o左 2 包九製陳皮，都無助吐出痰...唉...
好辛苦呢！
今日我媽叫我去飲o左o的苦茶...
如果星期一仍然係咁，我媽叫我去睇中醫...
中藥好難飲，好苦的！ >.<"
我覺得仲難飲過廿四味...
但我聲沙了已經一星期，講o野都冇乜氣！
又鼻水長流，好慘！
本來我想買細路仔食o既 "蛇膽川貝液" o黎試o下，我媽話唔好買呢o的...
唔知有乜食o左係可以去痰的呢？
我呢幾晚訓得唔好，
好似隨時會俾痰堵塞氣管而窒息咁...
posted by 藍雨 @ 4/08/2006 02:43:00 下午
13 Comments:
唉！我哋真係同病相憐~
我今日去咗睇醫生~又係氣管敏感~
條氣唔順~講嘢唔夠氣又痰上頸~真係辛苦~
藍雨你都要小心身體健康~
因為醫生話氣管敏感唔理佢~
好容易會變哮喘~
17號返嚟再上嚟同你傾偈~
保重呀~
愛蓮：
去 馬爾代夫 玩得開心o的啦~~ :>
我都成日氣管敏感！好煩！
所以成日去睇醫生...
原來咁多人氣管敏感呢, 我都係ga, 冇得醫咁, 每年有幾個月發作, 食極藥都冇用, 已經習慣了, 唯有發病時就戒飲汽水同凍野, 要幾個月冇汽水飲, 所以我冇事的時候就會狂飲番~~
我係唔會戒口的！
我鍾意可樂、涷檸茶~~
只有病時先唔飲...
藍雨~
你今日好番d未呀~
寶寶同咕嚕都有sent sms話俾我知呀~
我會搵大大個同埋靚靚ge貝殼~
仲有係幼幼ge沙沙返嚟送俾你ge啦~17號返嚟影咗俾你睇先~然後寄or速遞俾你~
預祝復活節快樂~
Hope you feel better.. make sure no cold drinks or cooling stuff...
南乳 我前2年就不斷係氣管敏感, 瞓覺時hehe聲ga條氣管呀...唔好飲冷飲住, 氣管會收縮呢~ 睇中醫醫到ga~
愛蓮：
哈哈~~
多謝先！咁我唔客氣啦~ :>
貝殼細細粒 得o架啦！
大o既一寄就會爛！
媽媽我愛你：
我呢種人戒唔到口o架！
因為我鍾意飲可樂~ :p
o古 lu:
我成日都 kekekamkam o架...
如果你聞得川貝母陣味，買D番黎煲9個字，放暖後加蜜糖吊味，飲2-3次都 ok。
藍藍：
係點o架？o係中藥舖買嗎？
點買？買幾多錢呀？
我完全未聽過呢樣o野...
藥房買呀，都要$50/1兩(係香港賣)，都煲到2-3次，份量大約係手執仔，凍水放一齊煲，煲出黎大約係未夠 2/3。
另外雪紡蛋糕唔下陷，可以留意以下幾點：
1. 蛋白要打到乾性
2. 蛋黃麵糊唔好攪太耐
3. 焗得未夠時間
唔記得講煲滾轉小火煲45分鐘
唔該晒！藍藍~
發佈留言
<< Home