樓
今日同朋友傾計，佢話佢兩個同事都o係呢一兩年間賺o左百幾萬...
一個係原本住氹仔樓，前年佢層樓升值，賣o左賺 70 萬，
到舊年，佢換o個層樓又升值，於是一賣一買，又賺o左 50 萬，
到今年，佢而家層樓升值，賣o左又賺幾十萬...
結果而家買o左層唐樓住...
另一個同事，佢原本多年前o係 西環龍圖閣 買o左個 豆腐潤單位，三十幾萬。
舊年年尾 70 萬轉手，落o左訂買o左層舊樓，點知業主又話唔賣 tap 訂，賠o左 5 萬蚊俾佢。
跟住剛剛買o左荷蘭園，點知又升值，佢即賣又賺幾十個！
而家又搵緊唐樓...
有時一個人o的運來到，真係點擋都擋唔住！
朋友口中充斥羨慕之氣，佢話佢雖然有樓，但又唔想賣o左住第二度...
哈~
香港人來炒貴晒o的樓，估唔到澳門亦都有唔少受惠者...:>
posted by 藍雨 @ 3/21/2007 09:00:00 下午
13 Comments:
藍雨,
我果時已講過比你聽我都係賣了以前的樓再買現住的單位, 我現住的單位需然都升值左,但我就唔打算好以你朋友的朋友咁, 因為其實要不停搵樓, 搬屋其實係好辛苦, 不要看她好像冇付出就有收入, 其實好也付出了不少
哈哈~~
其實人人價值觀唔同~
好似我 fd 咁，
佢就唔願賣樓了...:p
呀~~
我突然記起一件事！
我有個朋友早幾年買o左 海洋花園...
佢前 2 年高價賣出，
好似賺o左百幾二百萬，
跟住佢用o的錢o係澳門買o左層舊樓住...
同埋用呢o的錢去o左澳洲讀碩士，
唔知今年定出年讀完返來...
呢o的人好鬼上進...
呢D人就真係好學及有理想, 我自問唔係讀者材料, 賺了錢我只會想到用來投資, 賺更加多的錢好比自己早些退休, 好似我現在住果間屋, 也升值了一倍, 也有些想賣, 但一想到又要搵樓及搬, 又想諗真D
70002004:
你住 寶翠 o個o的？
你係點學投資，屋企人/朋友 有投資開？
又例如我咁，乜都唔識，應由邊度入手？
藍雨, 謝謝你的電話繩, 好cutie呢~~
寶翠?? 咁未又係我的鄰居.
咁又真係升左4倍價.
但我都係煩要再找過間屋, 而無賣到
賣左真係賺 200萬以上, 但再找過間屋就唔易
我唔係住寶翠, 我住的是唐樓, 因為一個人住, 總覺得要比管理費唔抵, 一家人才化算, 所以一宜都係住唐樓, 我投資也沒什麼,只是平時我會留意一些時事, 財經等, 會將些錢用來買股票, 至於樓宇,因為我需要住, 所以才買到, 咁佢升值我才賺到些錢, 如你需要學投資, 也可以學我咁, 初初時買一些實力d的才買, 慢慢學, 不要一開始就只聽人說這好那好就買, 如有需要, 可pm我
投資真係要學好多o野...==":
如果手上有約40萬, 係一次還比銀行減少欠銀行. 減少供樓的錢. 定係買股票好呢??
基金之前已經買左 d
TOM,
我覺得如你的工作穩定,供樓冇問題的話,不要一次過將錢還給銀行, 你可以搵一些有實力及利息高的股票, 因為有些實力股的利息收入大約有4厘,再加上它的升幅, 一定勝過將它還給銀行而減少的利息支出
但有實力的股票. 好多時的價都好高下.
真係覺得唔係咁好時機入市
TOM,
其實都唔係, 好像匯豐早前由高位152回落至132.8, 如你買到133個位, 它現價137.3,你已有4元升幅及有2.X元利息收入, 又以我的愛股永享銀行, 早前由高位106.2回落後,我在86.3入了, 現價92.05, 已有5.75升幅,再加上佢有2元我利息收入, 咁咪已有了7.57的回報啦
發佈留言
<< Home