雜談
頭先睇美女廚房，話o個個 Kary 從未入過廚房，所以先會火燒廚房...
我都唔明o的人，點解廿幾歲人都會未煮過o野...
係母親溺愛所致嗎？
我自 13 歲起就要每日做洗切工序，因為媽媽每日要返工廠...
o係o個時個個同學仔都係日日放學去玩，得我一個係要趕返屋企洗餸做功課...
雖然我煮餸唔係叻，但我真係好難相信一個廿幾歲o既女人，係未入過廚房煮東東...
今日去o左拱北打邊爐，飲o左一枝半珠啤，
返o黎都好似行唔穩咁...
不過今日去間o野好熱哦！
上次去過都幾勁冷氣，可能因為今日坐角位，所以好熱...
我諗有排我都唔會話去打邊爐了！
posted by 藍雨 @ 8/13/2006 10:03:00 下午
13 Comments:
我都好耐無入廚房整嘢食啦
可能慣咗出去食,懶晒
大熱天時真係無乜意欲去烚烚下.. =.=
我覺得有D假,好作狀啊
佢尋晚真係好討厭, 我老公激憎佢, 尋晚起世話果隻毛孩豬扒毛臣臣頭髮一餅野咁, 不知所謂個樣, 未見過咁醜樣又不負責任ge人, 煮d垃圾出泥俾人食, 想食死人咩?!~ 我話 : 聽講係有錢女泥... 咕嚕佬話 : 唔怪得之豬扒成咁都有人捧la, 自己俾錢出泥捧自己ga?~ 又問 : 佢一定帶左大眼con啦?!~ 我話 : 係呀~ 咕嚕佬又話 : 唔係醜樣成咁ge人邊會有咁令ge眼睛ar~ 無可能ga嘛~ 好盡呀踩得...
我喜欢去廚房整嘢食,整出泥俾人食 XD
哈哈~~
o古lu佬 真係踩到佢盡咁！ :p
其實我覺得邊有人廿幾歲都未入過廚房o架？
煮公仔麵都要o瓜~~
我比較鍾意有人煮埋俾我食！ :>
咪係~~依家D人太幸福，
我都7-8歲要自己煮飯俾自己食。
不過，我琴晚睇完都同我O個仔講，
叫佢咪笑得咁開心，
叫你煮都係煮成咁咋。
佢都知有可能。
佢地邊知道熟定唔熟。
我以前女朋友個家姐都上左美女廚房,不過唔知幾時做呢...呵呵
mabel:
而家o的細路仔乜都唔使做！
cake:
係 model o黎o架？咩名？
不如我地又開個美女廚房啦...
拍低D高人整野食...然後擺上網...XDDD...
當然...(祕方不祥)
其實我覺得kary好好笑......
不過因為我自己都唔識炸野--""所以冇資格話佢......
但炒野都炒過5次喇，屋企都冇爆炸，而且成品都係熟嘅，而且......佢係大過我架嘛(哈!)，又真係幾咩架噃佢~
見到你呢個post, 我唔識點回應好, 個晚無睇kary, 不過我以前就係個d好簡單廚房野都唔識做個d人, 原因我想係中學時無家政堂, 在家媽媽不用我做野, 不過都會洗碗, 最重要係自己無興趣去做廚房野~~我ge轉變真係嚇死左好多人ga~~
南乳 : 好似叫陳沛嘉
hi hi, 從mommy dearest那邊來拜訪您!
講真我14歲的女兒,都從未煮過o野,最叻都係整下 cup of noodles 咁. 叫佢煮o野真有可能會火燒廚房!
發佈留言
<< Home