堂二家姐

尋晚先知道我 堂二家姐 離o左婚...
聽到呢個消息，我覺得好震憾...
雖然我地從來冇聯絡，但我仍清晰記得我二家姐的模樣...

我記得我好細個時，佢已經十幾歲...
我仍然記得佢當時一對 星星、月亮 耳環，我覺得對耳環好靚！
一邊係星星、一邊係月亮...
(而家諗番其實係好普通o既一對銀耳環，但對當年的我係一種震憾，令到我一直對星星月亮耳環情有獨鍾。)

堂二家姐 係一個好典型o既美女...
長頭髮、眼大大、面尖尖、鼻高高、五官精緻(似中葡混血兒)、身材高佻纖瘦(比我還要高)、懂得打扮、性格斯文溫婉...
我諗佢大我十年吧！ (我實際上不大清楚)
只記得我讀初中時，佢已經生o左一個女...

但產後至今佢身型依然纖瘦如昔，絕對仍然稱得上為美女...

對佢當年老公的模樣，我已沒多大印象...
只記得佢好後生就結o左婚，
然後，聽聞過佢老公醉酒車禍，全身骨折、卧床數月...
二家姐也不離不棄照顧佢...

今次離婚，想必佢老公又有女人在外...

我相信，離婚令我二家姐心靈 必受重創...

還望佢從此以後，快樂人生、逍遙自在....