蠢鈍兒
好艱難地終於捱o左個半月,每一日的返工放工返學放學,簡直係身心俱疲!
最慘仲係我晚晚放學沖完涼後,我仲要拎張數紙出來 背/計... (20-30 分鐘)
我知無人好似我咁,夜媽媽返到屋企仲要咪數...
無辦法!
再唔將勤補拙,真係"做鬼都唔靈"!
其他同學都早已上手,可以 2 分幾鐘做 10 題數,唯獨我一個慢人一截!
佢地而家上完堂多數都係聚埋一張檯玩o下傾o下,唯獨我一個o係另一張檯不斷練習練習...
當然~~
佢地同 miss 都知我追唔上,所以同學都會走埋來教o下我...
但我唔係唔識個方法,係我有o的仲要諗一輪個答案!
須知一要計就會又過o左 30 秒,
到執碼我又手腳慢,執錯跌碼上唔到碼 乜都有。
下星期起,就係 2 個星期o既考試週,
老實講,普通話係我弱項!口試 唔知點算~
英文要讀的話,都難唔到我的,最怕係無時間讀!
電腦科算最好的了...
但計數就真係我天生o既弱項!
如果唔合格,我應該點好呢?補考?
睇怕都唔會再有心機去補考...
如果呢個項目唔合格,
1 月o既新項目我仲讀唔讀好?
當然,如果真係唔合格,下一個項目,我可能都唔讀的了...
6 Comments:
藍雨 努力. 你成功左就可以做萬元戶
藍雨 :
加油呀!好開心能收到你的禮物,好多謝的馬介休呀!
其實呢行唔太O岩我!
淨係到而家我都咁辛苦!
bees:
別客氣!
我也想你能將它炮制出極美味的菜式~~ :>
Merry Christmas & A Happy New Year!
雖然我唔係好知你讀緊mud,
但希望你可以更努力地堅持落去,我相信你一定做得到既!!!
祝你聖誕快樂,學有所成!! :>
我估唔到你會去讀呢樣, 我以平時看你寫野的資料, 直覺你係不適合呢行的, 不過無論點, 我都支持你, 加油
發佈留言
<< Home