不快樂

近來其實不太快樂，但不快樂的事只有自己可以幫到自己...

如果人生可以重來，也許我所選的路向會截然不同...

可惜，人生是不容許重來一次...

我們要為生活而去煩惱，卻忘了感恩。

忘了感謝主賜給我們健康的身體、自在的人生...

忘了世界上有很多比我們不幸的人...

紅豆豬手

呢個就係早幾日整o既 紅豆豬手~

食譜：http://www.wretch.cc/blog/pigheadyoyo&article_id=10090681

材料買o左近 $ 200- (十多人份量)

皆因葡國腸及鹹肉已買了一百蚊！

第一次整，我覺得我下得太多水了！

故煮了一個多小時，仍是很多汁的...

雖然賣相欠奉，但味道我覺得可是一級捧！

但食的人郤誤以為我是煮紅酒煏牛尾，有冇攪錯！ @@"

懵到上心口

一直知道自己懵，但愈來愈發覺，我不單止懵咁簡單，仲係懵到上心口o個隻...

昨晚去氹仔高美買葡國臘腸、血腸及鹹肉，打算今日整紅豆豬手。

見到有 1 pack 齊晒o既賣，$ 7x-，左睇右睇，覺得太細條所以冇買，買回我原本打算買的大條腸...

又買o左椰青、蕃茜等其他材料，都幾多o野o下。

到俾錢時，我已經預先拎定百幾蚊出來，諗住一定夠！

點知原來二百幾蚊，我仲諗：乜咁貴o架？原來我買o左咁多o野...

到我返到屋企放入雪櫃時，竟然俾我發現o個包雜錦腸！

我即刻咁o既樣 --> :O

自己都唔知幾時拎o左落個藍度...

真係懵得好交關...@@"

信

我昨日終於寫o左投訴信去學校，
今日亦收到回覆，話會跟進事情云云。
希望下一堂上課時，會認認真真地學到東東...
不會再雜七雜八地胡扯。
但又有點擔心：下課開始會否不給好臉色我們看？ @@"
又或者故意刁難我們呢？

煩

昨晚又係咁！
上堂全堂吹水咁，實用o野又唔見佢講得詳細...
我真係想寫封信俾佢，叫佢實實際際咁教學...
今早搵過個網，冇佢o既 e-mail address，煩死！

如果我打封信交去學生科俾佢，唔知 work 唔 work？
又怕咁做唔係幾好...

返學

呢幾日不斷間歇性落雨，雖然厭煩，但起碼無咁熱...
諗起今晚要返學就有o的唔願返，返去聽個阿 sir 吹水，毫無意義！
一堂 2 小時，只有10-20 分鐘係講到課題，其餘時間吹水...
佢唔悶我都悶！

最唔習慣就係一放工又要走去返學，冇時間返屋企洗頭沖涼...
(我平時一放工返到去第一時間要做o既事o黎)
要等到夜晚近 10 點先洗頭，個頭好夜都唔會乾！
因為我係除o左出外剪頭髮外，都唔會吹頭o既人...

所以我係從來冇想過要買風筒呢樣o野...:p

無題

今日星期二，心情又在等待星期六、日中...

愈來愈唔願返工，只想整天在家中發呆...

無甚衝勁...唉~

焗鴨飯

尋日整o左：焗鴨飯 & 日式芝士蛋糕

焗鴨飯 係大概地跟 6x2 o既食譜整~ (當然冇跟足 :p )

焗鴨飯原食譜出處：下班後的 6x2

http://www.wretch.cc/blog/kkccmenu&article_id=8976839

不過我覺得唔及燴雞飯好味！

可能因為鴨肉唔係同飯一齊煮，所以冇鴨汁，個飯都 ok o既~

最慘係煎完鴨胸，再焗時，係咁爆油，攪到我焗完鴨胸後，要抹個焗爐...@@"

芝士蛋糕 係送俾我妹的生日蛋糕，不過佢生日過o左好多日，

我純粹補送的...哈哈~~

昨晚好彩冇返氹仔訓，大雨大雷成咁，我一個人訓肯定嚇瓜！

今晚都好似會咁大雨，所以我今晚應該都唔返氹仔訓了...

睡眠不足

唔知係咪年紀大？
晚晚 1:00 訓，6:45 起身，都好似唔夠訓咁...
以前就算 2,3 點訓，7點起身都好精神的。
呢幾日好似好累咁，返工都釣晒魚，下午直到想趴底訓...
好彩今日星期五，希望明朝可以訓晏o的，唔好又晨早醒o左訓唔番啦~~

上堂

尋晚返學釣晒魚...
上中文堂教應用文，佢唔實實際際攪o的速成o野，
走去講晒歷史，上至軒轅皇帝，下至鄧小平，乜都吹得一餐！
最慘重係：係人都知呢o的班慣o左早 10 分鐘放學...
但呢個阿 sir 口水多過茶，講到過晒鐘先放學，唉~~
我唔係無興趣上呢o的班，但我比較想學o的實實在在o既o野...
不過呢個阿 sir，好明顯佢o係理工度一定係教歷史！
問我地清朝邊年滅亡、葡國邊年開始租借澳門...
鬼知o羊~~
所以幾乎佢問親都冇人答佢...

6:45

呢排唔知攪乜鬼，日日 6:45 自動自覺醒...
夜晚 1,2 點訓都一樣，
就連星期六、日都係咁，攪到我想訓晏o的都唔得...
以前都唔係咁o既，
唔知係咪搬o左o黎呢度，干擾o左我o既生理時鐘呢？

呢度好靜，因為係後座，比我住開o個度靜好多添！
真係百思不得其解...

六四集會 ~ 大食會

今晚葡式烹飪班o個度，攪個大食會...

但我另一個課程今晚開課，所以我不能參加了！

唯有在上堂前拎o的東東去啦~~

我今日特登放一日假，為的是焗蛋糕。

日式芝士蛋糕 & 印尼椰汁九層糕 係尋日整定的，

合桃雪芳蛋糕 就今朝一早起身焗...

其實如果今日唔係開學日，我一定會走堂的...@@":

第二夜

尋晚總算一覺訓到大天光，
雖然要典o下先訓得著，但已經算係好好喇~
而家朝早要較鬧鐘6:45，好彩對於我來講早起並不困難，
只要7:20上到巴士，就可7:50到提督馬路落車。

由於附近冇超市，所以開頭我諗住樓下有間"OK"，咁都無咁愁~~
半夜三更落去都可以買到o野...
點知原來樓下間 OK，夜晚會收舖的！
妖~~
到我朝早返工經過，佢都仲未開舖...=.="