年廿八

今日年廿八，但我尋晚已經o係屋企執廚房，
將我o的用具執好，再丟咁o的唔用o既o野...
廚房o既櫃俾我o的用具塞爆晒！
今晚輪到換床鋪了！

尋日係情人節，尋晚我一個人走o左出去食麵，
跟住去逛書店，原來星光對面間 宏達 專賣國內版圖書...
我就買o左：2本冷衫書、2本手作仔書、1本"一個人住第5年"漫書書 (popo 推介)
國內版書有個好處，就係：平！
5 本書先 $ 140- 有找

我本身唔鍾意睇簡體字，如果買小說等，我就唔會買簡體字書...
但工具書就唔同！
如果買冷衫書，閒閒地百幾二百蚊一本，但大陸出o既，$ 3x- 就好厚了！

真係抵買！