女人的幸福...
10/12 那天做姊妹,真的筋疲力竭,累得我連晚上飲宴完後的卡拉ok,也沒有參予呢!
之前一晚早就往她的家幫忙包紅封包,從花店取頭花...
然後到上頭、吃宵夜等,離去已凌晨一點...
翌日晨早六點又要起床...去到幫忙做準備工作...
從出門到回門、數金器、行大運等...
到氹仔龍環葡韻影相時,真的等了又等...
那日聚集了不只十對新人影相,每個取景點都要輪候一番...想必那日是大好日吧!
到了晚上,又要在門口的簽名檯上接待賓客簽名...
幸好飲宴中途沒有甚麼差錯發生,總算完美的一天...
晚上我沒有出席卡拉ok的最主要原因,是因為認識的幾個同學決定不去...
而其他的兄弟姊妹又不熟悉,一個人去到頗納悶的......所以我也決定不出席了。
看到好友臉上泛著幸福的笑容,可真的羨慕到心坎裡...^^~
人們說:女人一生中最美的時刻就是結婚那天,我一點都不懷疑...
12 Comments:
睇你咁寫真係有d驚...
咁多野要做..我最怕... >_<
咁到你結婚時,你可以選擇唔擺酒~~
好似寫散文咁....精彩
讀書時勁鍾意寫散文...
只係工作多年後...
已經有好多字都唔識,亦都唔識寫文...
只能好膚淺地去寫...--"
酒可能都會擺
但唔會做戲俾人睇
陀隻金豬係心口
我想嚟既賓客係真心戥我開心
唔係心裡諗睇你幾時離婚
所以冇諗住請好多人~
擺幾多野係隻手度.戴幾多野係心口度真係冇興趣俾人知,俾人睇....
係朋友o既,唔駛擺都會一齊開心
唔係朋友o既亦唔會請(這裡指普通朋友,個d請唔請都罷)
小鳥依人:
唔係話俾人睇,你擺得酒就唔到你話事...(係老人家話事)
o個o的跪地斟茶俾老人家,然後接受人家o既金飾,係按大禮做...
就算你阿媽唔使你咁做,去到男家你都要照做...
婚姻係自己o既~
又何必拘泥於那小小的折子上?!
結婚擺酒係自己o既事~
又唔係老人家結婚~
主角唔係佢地噃
擺酒的目的係想朋友戥我地開心,宣告大家我們結婚了
並唔係做戲俾人睇~
可能大家既目視唔同...
bob 世界係好現實o既~
結婚雖然係 2 個人o既事,
但現實會話俾你知:係 2 家人o既事!
到你結婚你就會知...
各有觀點,有趣,有趣。
哈哈~~
我都只係講出事實o既真相o者...
好多人都好理想地認為係2個人o既事...
但只要佢有屋企人,
你呢一世,就要尊重你另一半o既屋企人...
(尤其如果你另一半係一個愛屋企o既人.)
當然,有某部份老一輩o既人可能思想比較開通...
藍雨 唔怕,下次你黎我果個餐飲就個個都識,我一定會請你minipig咕嚕秋月藍藍laam一堆貓友黎做姊妹,如果唔係我冇姊妹 T_T
我愛你:
哈哈~~
將來如果有人咁傻肯哽o左我,
除o左我2個舊同學外...
我同你一樣都唔知去邊度搵人做姊妹...
哈哈~~~
因為我做o的公司仔,冇乜識到人...
發佈留言
<< Home