超人

尋晚去o左睇 超人，順便食埋飯...
一行 6 人去o左黑沙環食小炒，然後仲有成個鐘先夠鐘開場，
結果去o左水塘個休憇區度坐...
o個度有好多運動設施，結果我玩到成身汗... :p

超人係 9:45 開場，做到好似 12:15，
可能我真係比較迷戀蜘蛛俠，
超人對我而言真係冇乜吸引力...
其實我本來就唔多想去睇呢套戲...

我樽提子水，今朝已經見到有o的小泡泡o係樽邊，
仲好似有陣紅酒味咁...
快o的多o的泡泡啦~~ :>